ചിമ്പു, കല്യാണി പ്രിയദർശൻ എന്നിവർ ഒന്നിക്കുന്ന മാനാടിലെ ​ഗാനത്തിന്റെ ലിറിക്കൽ വീഡിയോ പുറത്തിറങ്ങി. മദൻ കർക്കിയുടെ വരികൾക്ക് യുവൻ ശങ്കർ രാജയാണ് ഈണം നൽകിയിരിക്കുന്നത്. യുവൻ ശങ്കർ രാജയ്ക്കൊപ്പം റിസ്വാൻ, രാജ ഭവതരണി എന്നിവർ ചേർന്നാണ് ​ഗാനം ആലപിച്ചിരിക്കുന്നത്. 

ചിമ്പുവിന്റെ 45-ാമത്തെ സിനിമയാണ് മാനാട്. വി ഹൗസ് പ്രൊഡക്ഷൻസിന്റെ ബാനറിൽ സുരേഷ് കാമാച്ചി നിർമ്മിച്ച് വെങ്കട്ട് പ്രഭു സംവിധാനം ചെയ്യുന്ന ചിത്രം പൊളിറ്റിക്കൽ ത്രില്ലറാണ്.

 അബ്ദുൽ ഖാലിക്ക് എന്ന കഥാപാത്രത്തെയാണ് ചിമ്പു ചിത്രത്തിൽ അവതരിപ്പിക്കുന്നത്. എസ് എ ചന്ദ്രശേഖർ, എസ്.ജെ. സൂര്യ, കരുണാകരൻ, ഭാരതിരാജ, അരവിന്ദ് ആകാശ്, മനോജ് ഭാരതിരാജ, പ്രേംജി അമരൻ, ഉദയ, ഡാനിയൽ ആനി പോപ്പ്, രവികാന്ത് എന്നിവരും ചിത്രത്തിൽ വേഷമിടുന്നുണ്ട്. 

ഛായാഗ്രഹണം റിച്ചർഡ് എം നാഥ് നിർവ്വഹിക്കുന്നു. മറ്റു ഭാഷകൾക്കൊപ്പം  മലയാളത്തിലും മാനാട് പ്രദർശനത്തിനെത്തും. 

content highlights : maanadu movie song yuvan shankar raja Silambarasan kalyani priyadarshan venkat prabhu