യേശുദാസിനെ കേള്‍ക്കാം, കാണാം, എന്നുമിവിടെ; മ്യൂസിയത്തിന് 75 ലക്ഷം


യേശുദാസ് ഡിജിറ്റല്‍ മ്യൂസിയത്തിന് ബജറ്റില്‍ 75 ലക്ഷം

-

തിരുവനന്തപുരം: പ്രിയ ഗായകന്‍ യേശുദാസിനോടുള്ള മലയാളത്തിന്റെ സ്‌നേഹാരാധനയും ബജറ്റില്‍ ഇടംപിടിച്ചു. യേശുദാസ് ഡിജിറ്റല്‍ ലൈബ്രറി സ്ഥാപിക്കുന്നതിന് 75 ലക്ഷം രൂപയാണ് ബജറ്റില്‍ വകയിരുത്തിയത്.

സംഗീത കോേളജ് വിദ്യാര്‍ഥിയായിരിക്കേ യേശുദാസ് താമസിച്ചിരുന്ന ശെമ്മാങ്കുടി ശ്രീനിവാസ അയ്യരുടെ വസതിയിലെ കാര്‍ ഷെഡ്ഡ് ആണ് ആ ഓര്‍മകള്‍ നിലനിര്‍ത്തി ലൈബ്രറിയായി മാറുന്നത്. ഇപ്പോള്‍ സാംസ്‌കാരിക വിനിമയ കേന്ദ്രമായ ഭാരത് ഭവനാണ് ഈ വളപ്പില്‍ പ്രവര്‍ത്തിക്കുന്നത്. ഭാരത് ഭവന്‍ മെമ്പര്‍ സെക്രട്ടറി പ്രമോദ് പയ്യന്നൂര്‍ ഉള്‍പ്പെടെയുള്ളവരുടെ നിര്‍ദേശം അംഗീകരിച്ചുകൊണ്ടാണ് ബജറ്റില്‍ തുക അനുവദിച്ചത്. യേശുദാസിന്റെ മുഴുവന്‍ പാട്ടുകളും അദ്ദേഹത്തെക്കുറിച്ചുള്ള വിവരങ്ങളുമടങ്ങിയതാകും ഡിജിറ്റല്‍ ലൈബ്രറി.

യേശുദാസിന്റെ ക്ലാസിക്കല്‍, ലളിത, സിനിമാ ഗാനങ്ങള്‍ തരംതിരിച്ച് ഇവിടെയുണ്ടാകും. ഒപ്പം ഫോട്ടോ ലൈബ്രറിയും ജീവിതരേഖയും സജ്ജമാക്കും. പഴയ കാര്‍ഷെഡ്ഡ് അതേപടി നിലനിര്‍ത്തിക്കൊണ്ടായിരിക്കും വികസിപ്പിക്കല്‍. ശെമ്മാങ്കുടിയുടെ പേരിലുള്ള സ്മാരകവും ഇതേവളപ്പിലാണുള്ളത്. 50-കളുടെ അവസാനമാണ് യേശുദാസിന്റെ സംഗീതകോേളജ് പഠനകാലം. ഹോസ്റ്റലിലെ താമസത്തിനും ഭക്ഷണത്തിനും ഫീസിനുമൊക്കെ ബുദ്ധിമുട്ടിയിരുന്ന കാലം. അങ്ങനെയാണ് ഗുരുവും പ്രിന്‍സിപ്പലുമായിരുന്ന ശെമ്മാങ്കുടി ശ്രീനിവാസ അയ്യരുടെ വസതിയിലെ കാര്‍ ഷെഡ്ഡില്‍ യേശുദാസ് ഏറെക്കാലം അന്തിയുറങ്ങിയത്.

ഒരു വര്‍ഷത്തോളം ഗാനഗന്ധര്‍വന്‍ ഇവിടെ താമസിച്ചിരുന്നു. മാനേജേഴ്സ് കോര്‍ട്ടേഴ്സ് എന്നറിയപ്പെട്ടിരുന്ന കെട്ടിടത്തില്‍ പിന്നീട് സംഗീതരംഗത്തെ വിശ്രുതര്‍ പലരും വന്നുപോയെങ്കിലും ആ കാര്‍ഷെഡ്ഡ് ഇപ്പോഴും അതേപടി നിലനിര്‍ത്തിയിട്ടുണ്ട്. ഈ സാമ്പത്തികവര്‍ഷം തന്നെ യേശുദാസ് ഡിജിറ്റല്‍ ലൈബ്രറി തുറക്കാനാകുമെന്നാണ് പ്രതീക്ഷ.

Content Highlights: KJ Yesudas Digital Museum, Kerala Budget 2020


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022

Most Commented