‘കപ്പ ഒറിജിനൽസ് ’ലോഞ്ചിങ് കൊച്ചിയിൽ, ഇന്ന് തനിമയുടെ സംഗീതരാവ്, Kappa Originals, Kappa Originals Launch, Job Kurian, Sayanora Philip, Athe Nila, Aare Jiyare

15 January 2023, 06:37 AM IST

ഞായറാഴ്ച വൈകീട്ട് അഞ്ചരയ്ക്ക് കൊച്ചി ദർബാർ ഹാൾ ഗ്രൗണ്ടിലൊരുക്കിയ വേദിയിലാണ് കപ്പ ഒറിജിനൽസിന്റെയും ആദ്യ പാട്ടുകളുടെയും ലോഞ്ചിങ്.

ജോബ് കുര്യൻ, സയനോര ഫിലിപ്പ് | ഫോട്ടോ: മാതൃഭൂമി

കൊച്ചി: ഇന്നുവരെ മറ്റാരും കേൾക്കാത്ത സംഗീതത്തിന്റെ മഹാപ്രപഞ്ചം -മാതൃഭൂമി കപ്പ ഒറിജിനൽസ്- ഇതാ, ഇന്നുമുതൽ നിങ്ങളിലേക്ക്.

പത്താണ്ടുപിന്നിട്ട മാതൃഭൂമി കപ്പ ടി.വി.യുടെ ഈ പുത്തൻ സംരംഭത്തിലൂടെ ലോകത്തിന്റെ വിവിധഭാഗങ്ങളിലുള്ളവരുടെ സംഗീതം ‘ഒറിജിനൽസിന്റെ’ ലേബലിലൂടെയും ഇവിടെ പിറവിയെടുക്കുന്ന സംഗീത ആൽബങ്ങളും വീഡിയോകളും ലോകവ്യാപകമായും പങ്കുവെക്കപ്പെടും.

ഇന്ന് ലൈവ് വിരുന്ന്

ഞായറാഴ്ച വൈകീട്ട് അഞ്ചരയ്ക്ക് കൊച്ചി ദർബാർ ഹാൾ ഗ്രൗണ്ടിലൊരുക്കിയ വേദിയിലാണ് കപ്പ ഒറിജിനൽസിന്റെയും ആദ്യ പാട്ടുകളുടെയും ലോഞ്ചിങ്.

‘അതേ നില...’

സംഗീതസംവിധായകനും പിന്നണിഗായകനുമായ ജോബ് കുര്യൻ മലയാളത്തിൽ തയ്യാറാക്കിയ ‘അതേ നില...’ ആണ് പുറത്തിറങ്ങുന്ന ഒരു വീഡിയോ ഗാനം. സംവിധാനം/എഡിറ്റർ: സി.കെ. ചന്ദ്രകാന്ത്. ഛായാഗ്രഹണം: ബിലു ടോം മാത്യു. അഭിനയം: റോഷൻ മാത്യു, നൈന ഉത്തം, കുര്യൻ. കളറിസ്റ്റ്: ജേക്സ് റിച്ചാർഡ്. പിന്നണിസംഗീതജ്ഞർ: വർക്കി, റെക്സ് വിജയൻ, അനന്തു നിർമൽ, റോണി ജോർജ്, ഷിക്കു ഡാൻ ജേക്കബ്, അനന്തപത്മനാഭൻ നിർമൽ, ബാലു.

‘ആരെ... ജിയാരേ...’

സംഗീതസംവിധായികയും പിന്നണിഗായികയുമായ സയനോര ഫിലിപ്പ് ഹിന്ദിയിലാലപിച്ച ‘ആരെ... ജിയാരേ...’ ആണ് പുറത്തിറങ്ങുന്ന രണ്ടാമത്തെ വീഡിയോ ഗാനം.

സംവിധാനം/എഡിറ്റർ: മനു ഹസൻ. ഛായാഗ്രഹണം: ഭരത് സാഗർ. പിന്നണിസംഗീതജ്ഞർ: വർക്കി, റാപ്പ് കിഡ്, ആദിത്യ, വി.വി. സുജിത്, പി. ശ്രീശങ്കർ. സംഗീതം: സയനോര, വർക്കി. റാപ്പ്: റാപ്പ് കിഡ്. രചന: ആദിത്യ ഗാർഖ്. മിക്സിങ്: ഫിന്നി കുര്യൻ. മാസ്റ്ററിങ്: ഇഡാനിയ വലെൻസിയ.

**റാപ്പ് കിഡ്, ബാലു, റെക്സ് വിജയൻ, അനന്ദു നിർമൽ, റോണി ജോർജ്, ഷിക്കു**

വാദ്യസംഗീതവിരുന്ന്

ഞായറാഴ്ച വീഡിയോ റിലീസിങ്ങിനു മുന്നോടിയായി അഞ്ച് സംഗീതജ്ഞർ ചേർന്നൊരുക്കുന്ന 20 മിനിറ്റ് ദൈർഘ്യമുള്ള ഒരു സംഗീതവിരുന്നുമുണ്ട്. സാഹിൽ (ഡർബുക്ക, ബോംഗോ), സിക്കാനി (ജെബെ, തബല), അർജോൺ (കേക്സോൺ, ചെറു തുകൽവാദ്യം), കൃഷ്ണ (കേക്സോൺ), ജൊ മാർഷൽ (പിയാനോ, കീബോർഡ്) എന്നിവരാണ് വാദ്യസംഗീതവിരുന്നൊരുക്കാനെത്തുക.