അയ്യപ്പപണിക്കരുടെ കവിതകള്‍ക്കൊരു വ്യത്യസ്ത ഫ്യൂഷന്‍ വീഡിയോ; 'മോഷണം' വേറെ ലെവല്‍


അയ്യപ്പപണിക്കറുടെ രചനാലോകത്തോട് പുതുതലമുറയെ കൂടുതല്‍ അടുപ്പിക്കുക എന്ന ഒരു ഉദ്ദേശം കൂടി ആധുനിക സംഗീതശൈലികള്‍ സമന്വയിപ്പിച്ചാണ് കവിതകള്‍ ഗാനമായി ചിട്ടപ്പെടുത്തിയിരിക്കുന്നത്. പുതുതലമുറയുടെ ആസ്വാദനശീലത്തോട് അടുത്തു നില്‍ക്കുന്ന രീതിയില്‍ പോപ്പ്, റാപ്പ് ശ്രേണിയില്‍ വരുന്ന രീതിയില്‍ ഗാനം ചിട്ടപ്പെടുത്തിയിരിക്കുന്നതും ഗാനം ആലപിച്ചിരിക്കുന്നതും അജയ് തിലകാണ്

-

വി അയ്യപ്പപ്പണിക്കരുടെ സരസ കവിതകളായ 'മോഷണം' 'വിദ്യ എന്ന അഭ്യാസം' എന്നീ കവിതകള്‍ സമന്വയിപ്പിച്ചുള്ള കോറിയോഗ്രാഫിക് ഫ്യൂഷന്‍ വീഡിയോ റിലീസ് ചെയ്തു. മോഹന്‍ലാലിന്റെയും കവി കെ.സച്ചിദാനന്ദന്റെയും ഫെയ്‌സ്ബുക്കിലൂടെ നവംബര്‍ ഒന്നിനായിരുന്നു റിലീസ്. യൂട്യൂബിലൂടെ റിലീസ് ചെയ്ത വീഡിയോഗാനം ഇതിനോടകം തന്നെ ഏറെ ശ്രദ്ധനേടിക്കഴിഞ്ഞു.

moshanam
മോഷണത്തിന്റെ റിലീസ് മോഹന്‍ലാലും ഷാജി കൈലാസും കൂടി നിര്‍വഹിക്കുന്നു

സനൂപ് കുമാറാണ് ചടുലവും സരസവുമായ ചുവടുകളുമായി വീഡിയോയിലെത്തുന്നത്. അയ്യപ്പപണിക്കറുടെ രചനാലോകത്തോട് പുതുതലമുറയെ കൂടുതല്‍ അടുപ്പിക്കുക എന്ന ഒരു ഉദ്ദേശം കൂടി ആധുനിക സംഗീതശൈലികള്‍ സമന്വയിപ്പിച്ചാണ് കവിതകള്‍ ഗാനമായി ചിട്ടപ്പെടുത്തിയിരിക്കുന്നത്. പുതുതലമുറയുടെ ആസ്വാദനശീലത്തോട് അടുത്തു നില്‍ക്കുന്ന രീതിയില്‍ പോപ്പ്, റാപ്പ് ശ്രേണിയില്‍ വരുന്ന രീതിയില്‍ ഗാനം ചിട്ടപ്പെടുത്തിയിരിക്കുന്നതും ഗാനം ആലപിച്ചിരിക്കുന്നതും അജയ് തിലകാണ്. റാപ്പ് ഭാഗങ്ങള്‍ ഗോഡ്‌സണ്‍ ഡാനിയല്‍ റോബിന്‍ പാടിയിരിക്കുന്നു. വിഷ്വല്‍ ഇഫക്ട്‌സ് ദൃശ്യവിന്യാസങ്ങളോടെ ഒരുങ്ങുന്ന ഗാനത്തിന്റെ ദൃശ്യഭാഷ്യമൊരുക്കിയത് കവി കെ.ഡി. ഷൈബു മുണ്ടയ്ക്കലാണ്. ക്യാമറ കൈകാര്യം ചെയ്തിരിക്കുന്നത് ശരണ്‍ ശ്രീകുമാര്‍.

അയ്യപ്പപണിക്കരുടെ സാഹിത്യലോകത്തേക്കുള്ള ചില്ലുജാലകങ്ങളാണ് റോസിലിയും മോഷണവും കടുക്കയുമടക്കമുള്ള കാര്‍ട്ടൂണ്‍ കവിതകളെന്നും അദ്ദേഹത്തിന്റെ സാഹിത്യലോകത്തിലൂടെ കടന്നുപോകുന്ന ഏതൊരു കൗമാരക്കാരനും ലഭിക്കുന്ന ജീവിത, സാഹിത്യകലാദര്‍ശനം തികച്ചും അളവറ്റതായിരിക്കുമെന്നും, എണ്‍പതുകളിലേയും തൊണ്ണൂറുകളിലേയും യുവതയ്ക്ക് ലഭിച്ച ആ അപൂര്‍വ്വഭാഗ്യം പുതുതലമുറയ്ക്കുകൂടി തുറന്നുകൊടുക്കേണ്ട ചുമതല ആ ഭാഗ്യം അനുഭവിച്ച ഏതൊരു സാഹിത്യസ്‌നേഹിയുടേയും പ്രാഥമിക ചുമതലയാണെന്നും സംവിധായകന്‍ കെ.ഡി.ഷൈബു മുണ്ടയ്ക്കല്‍ പറഞ്ഞു.

Content Highlights: Ayyappa Paniker poems Moshanam video song released

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented