പ്രണവിന്റെ ‘ചെകുത്താൻ’ ഇനി മോഹൻലാലിന് സ്വന്തം, സമ്മാനം ഒരുപാട് ഇഷ്ടമായെന്ന് സൂപ്പർതാരം


ശ്രീകുമാർ ചെമ്പോലിൽ

ആഗ്രഹം പൂവണിയിക്കാൻ സഹായിച്ചത് മാതൃഭൂമി വാർത്ത

പ്രണവ് നിർമിച്ച ചെകുത്താൻ ലോറി മോഹൻലാലിന് സമ്മാനിക്കുന്നു | ഫോട്ടോ: മാതൃഭൂമി ഇ പേപ്പർ

ഷ്ടനടന് നൽകുവാൻ സ്വപ്‌നം കണ്ട് നിർമിച്ച സ്ഫടികം സിനിമയിലെ 'ചെകുത്താൻ' ലോറിയുടെ ചെറുരൂപത്തെ കുറിച്ചുള്ള മാതൃഭൂമി വാർത്ത ഒരു കൊച്ചുകലാകാരന്റെ ആഗ്രഹം സഫലമാക്കി. തിരുമൂലപുരം കുരട്ടിയിൽ വീട്ടിൽ മണിക്കുട്ടന്റെയും ജയകുമാരിയുടെയും മകൻ പതിനാറുകാരനായ പ്രണവ് നിർമിച്ച ലോറിയെ കുറിച്ചുള്ള വാർത്തയാണ് സംവിധായകൻ ഭദ്രന്റെ ശ്രദ്ധയിൽപ്പെട്ടത്.

പ്രണവ് നിർമിച്ച മറ്റ് ചെറുരൂപങ്ങളെല്ലാം വിറ്റഴിച്ചപ്പോഴും ചെകുത്താൻ ലോറി മാത്രം മറ്റാർക്കും നൽകാതെ കാത്തുെവച്ചു. വാർത്ത പ്രസിദ്ധീകരിച്ചതോടെ ആഗ്രഹ സാഫല്യത്തിന് അരങ്ങ് ഒരുങ്ങുകയായിരുന്നു. സംവിധായകന്റെ സുഹൃത്തായ തിരുവല്ല അൽകോ അലുമിനിയം ഉടമ ബിജോയ് ജേക്കബ് തോമസാണ് ചെകുത്താൻ ലോറിയെ കുറിച്ച് മാതൃഭൂമിയിൽവന്ന വാർത്ത ഭദ്രനെ അറിയിച്ചത്. വ്യാഴാഴ്ച കൊച്ചിയിലെ പഞ്ചനക്ഷത്ര ഹോട്ടലിൽവച്ച് നടന്ന ചടങ്ങിൽ പങ്കെടുക്കാനായി പിതാവിനെയും കൂട്ടി എത്താനുള്ള സൗകര്യവും മോഹൻലാലിന്റെ നിർദേശപ്രകാരം ബിജോയ് ജേക്കബ് ഒരുക്കി. ഇവിടെെവച്ചാണ് സംവിധായൻ ഭദ്രന്റെ സാന്നിധ്യത്തിൽ മോഹൻലാലിന് ലോറി സമ്മാനിച്ചത്.

പ്രണവിന്റെ കൈകളിൽ വിരിഞ്ഞ വിസ്മയംകണ്ട് ലാലേട്ടനും അദ്‌ഭുതപ്പെട്ടു. 'സമ്മാനം ഒരുപാട് ഇഷ്ടമായി മോനേ' എന്ന വാക്കുകൾ ഇഷ്ട നടന്റെ വായിൽ നിന്നും കേട്ടപ്പോൾ അവാർഡ് ലഭിച്ച പ്രതീതിയായി പ്രണവിന്. കാറിൽവന്ന ഞാൻ ഇനി ലോറിയിൽ മടങ്ങണമല്ലോ എന്ന് സംവിധായകൻ ഭദ്രനോട് തമാശയും പറഞ്ഞാണ് മലയാളത്തിന്റെ ഇഷ്ടതാരം മടങ്ങിയത്. ലോറിക്ക് രൂപം നൽകിയ സംവിധായകൻ ഭദ്രനും പ്രണവ് തന്റെ ചെറുരൂപങ്ങളിലൊന്ന് സമ്മാനമായി നൽകി.

ഫെബ്രുവരി ഒമ്പതിനാണ് പുതിയ സ്ഫടികം സിനിമ പുറത്തിറങ്ങുന്നത്. ഇരുവള്ളിപ്ര സെന്റ്തോമസ് ഹയർ സെക്കൻഡറി സ്‌കൂളിലെ പത്താംക്ലാസ് വിദ്യാർഥിയും, 14 ജില്ലകളിൽനിന്നുള്ളവരുടെ വാട്‌സാപ്പ് കൂട്ടായ്മയായ 'എം അറ്റ് മിനിയേച്ചറിലെ' അംഗവുമാണ് പ്രണവ്.

Content Highlights: thiruvalla native pranav made chekuthan lorry model for mohanlal, sphadikam movie


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
marriage

1 min

ചെന്നൈയിലെ ഫ്‌ളാറ്റില്‍ ലളിതമായ ചടങ്ങ്; പ്രിയദര്‍ശന്റേയും ലിസിയുടേയും മകന്‍ സിദ്ധാര്‍ഥ് വിവാഹിതനായി

Feb 3, 2023


car catches fire

4 min

കുഞ്ഞുവാവയെ കിട്ടാന്‍ ആസ്പത്രിയിലേക്ക്, അച്ഛനും അമ്മയും നഷ്ടപ്പെട്ട് ശ്രീപാര്‍വതി; കണ്ണീരണിഞ്ഞ് നാട്

Feb 3, 2023


02:09

പാടാനേറെ പാട്ടുകൾ ബാക്കിയാക്കി യാത്രയായ മലയാളത്തിന്റെ ഓലഞ്ഞാലിക്കുരുവി...

Feb 4, 2023

Most Commented