സിൽക്ക് സ്മിത കടിച്ച ആപ്പിളിന് പൊന്നിന്റെ വില നൽകാൻ യുവാക്കൾ തയ്യാറായ കാലം


സുനീഷ് ജേക്കബ് മാത്യു

നാലാംക്ലാസിൽ പഠനം ഉപേക്ഷിച്ച് നൃത്തത്തിന്റെ വഴി തിരഞ്ഞെടുത്ത ആന്ധ്ര സ്വദേശി വിജയലക്ഷ്മിക്ക്‌ ജീവിതമെന്നും ഒരു പരീക്ഷണമായിരുന്നു.

സിൽക്ക് സ്മിത

ന്തുമേതും വൈറലാക്കുന്ന സാമൂഹികമാധ്യമങ്ങളുടെ ഉദ്‌ഭവത്തിനും മുമ്പേ യുവപ്രേക്ഷകരിൽ തരംഗമായ സിൽക്ക് സ്മിത വിസ്മൃതിയിലായിട്ട് കാൽനൂറ്റാണ്ട്. 1996 സെപ്റ്റംബർ 23-നാണ് സാലിഗ്രാമത്തിലെ വാടകവീട്ടിൽ മരിച്ചനിലയിൽ കണ്ടെത്തിയത്. സിനിമാരംഗം സിൽക്കിനെ മറന്നെങ്കിലും ആരാധകരുടെ മനസ്സിൽ തിളക്കമുള്ള ഓർമയായി ഇന്നുമുണ്ട് ഈ താരം.

നാലാംക്ലാസിൽ പഠനം ഉപേക്ഷിച്ച് നൃത്തത്തിന്റെ വഴി തിരഞ്ഞെടുത്ത ആന്ധ്ര സ്വദേശി വിജയലക്ഷ്മിക്ക്‌ ജീവിതമെന്നും ഒരു പരീക്ഷണമായിരുന്നു. കടുത്ത ദാരിദ്യത്തിൽനിന്നാണ് സിനിമയിലേക്കുള്ള സ്മിതയുടെ പ്രയാണം. ബന്ധുവിന്റെകൂടെ എഴുപതുകളുടെ മധ്യത്തിൽ മദിരാശിയിലെത്തിയ വിജയലക്ഷ്മിയുടെ വളർച്ച വേഗത്തിലായിരുന്നു.

ആന്റണി ഈസ്റ്റ്മാന്റെ 'ഇണയെത്തേടി' എന്ന മലയാള ചിത്രത്തിലാണ് ആദ്യമായി അഭിനയിച്ചത്. ഈ ചിത്രത്തിൽ സ്മിത എന്ന പേര് സ്വീകരിച്ചു. എന്നാൽ, ചിത്രം റിലീസ് ചെയ്യാൻ വൈകി. വണ്ടിച്ചക്രമെന്ന തമിഴ് ചിത്രത്തിൽ സിൽക്ക് എന്ന കഥാപാത്രത്തെ അവതരിപ്പിച്ചതോടെ സ്മിത, സിൽക്ക് സ്മിതയായി.

പിന്നീട് തെലുങ്ക്, മലയാളം, ഹിന്ദി, കന്നഡ ചിത്രങ്ങളിൽ തിരക്കുള്ള നടിയായി. കച്ചവടസിനിമയുടെ ചേരുവകകളിൽ സ്മിതയുടെ നൃത്തം ഒഴിവാക്കാനാകാത്ത ഘടകമായി. മലയാളത്തിലും സ്മിതയുടെ നൃത്തം ഹിറ്റായി. മോഹൻലാൽ നായകനായ ‘സ്ഫടിക’ ത്തിലെ ‘ഏഴുമല പൂഞ്ചോല’ എന്ന ഗാനം ഏറെ ശ്രദ്ധിക്കപ്പെട്ടു. സിൽക്ക് സ്മിത കടിച്ച ആപ്പിളിന് പൊന്നിന്റെ വില നൽകാൻ യുവാക്കൾ തയ്യാറായ കാലമുണ്ടായിരുന്നു. എന്നാൽ, അവസാനമായപ്പോഴേക്കും കടുത്ത സാമ്പത്തികപ്രതിസന്ധിയിലായി. നിത്യവൃത്തിക്കുപോലും പണമില്ലാത്ത സ്ഥിതിയുണ്ടായി.

തമിഴും മലയാളവും കന്നഡയുമൊക്കെ സംസാരിക്കുന്ന സിൽക്ക് സ്മിതയുടെ കണ്ണുകളാണ് കൂടുതൽ സംസാരിച്ചിരുന്നതെന്ന് സുഹൃത്തും സിനിമാനിർമാതാവുമായ ജയന്തി കണ്ണപ്പൻ ഓർക്കുന്നു. ദക്ഷിണേന്ത്യൻ സിനിമാവ്യവസായത്തിനൊരിക്കലും മറക്കാനാകാത്ത പേരാണ് സിൽക്ക്. ഒരുകാലത്ത് വിതരണക്കാർ സിനിമ ഏറ്റെടുക്കുന്നത് സിൽക്കുണ്ടോയെന്ന് ഉറപ്പിച്ചിട്ടായിരുന്നുവെന്ന് ജയന്തി ഓർക്കുന്നു.

സിനിമയിൽ കണ്ട രൂപം പ്രതീക്ഷിച്ച് കാണാൻപോയപ്പോൾ ക്ഷീണിച്ച് അവശയായ സിൽക്ക് സ്മിതയെ കണ്ട് അദ്‌ഭുതപ്പെട്ട അനുഭവം മാധ്യമപ്രവർത്തകയായ അനിറ്റ പ്രതാപ് പങ്കുവെച്ചിട്ടുണ്ട്. ഈ കൂടിക്കാഴ്ചയ്ക്കുശേഷം അധികകാലം കഴിയുംമുമ്പ് സിൽക്ക് സ്വയംജീവിതം അവസാനിപ്പിച്ചു. 

Content Highlights: Remembering Silk Smitha


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


Shikhar Dhawan to lead India odi team against South Africa sanju samson in

1 min

സഞ്ജു ടീമില്‍; ദക്ഷിണാഫ്രിക്കയ്‌ക്കെതിരായ ഏകദിന പരമ്പരയ്ക്കുള്ള ഇന്ത്യന്‍ ടീമിനെ പ്രഖ്യാപിച്ചു

Oct 2, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022

Most Commented