കുരുതി - ആസ്വാദനവും ചെറുചിന്തകളും


ജി. സൈലേഷ്യ (ക്ലിനിക്കൽ സൈക്കോളജിസ്റ്)

ശ്രീ ബുദ്ധന്റേതായ ഒരു വാക്യമുണ്ട് . ദേഷ്യം എന്നത് മറ്റെയാളെ എറിയണം എന്ന ഉദ്ദേശത്താൽ നാം കൈയ്യിൽപിടിച്ചിരിക്കുന്ന കനൽ ആണത്രേ .

Kuruthi Movie Poster

ഒരുപാടു നഷ്ടങ്ങൾക്കിടയിലും ജീവിതമാകുന്ന ദുരിതപർവത്തിലൂടെ കടന്നുപോകേണ്ടി വരുന്ന കുറച്ചു പച്ച മനുഷ്യർ ,സ്നേഹത്തിലും സഹോദര്യത്തിലും കഴിയവെ അപ്രതീക്ഷിതമായി അവർ നേരിടേണ്ടി വരുന്ന പ്രതിസന്ധിയാണ് കുരുതിയുടെ ഭാഷ്യം . മാനവികതയിലൂന്നി ജീവിക്കുന്ന അവർക്കിടയിലും , മതം പറഞ്ഞു , തീവ്രമായ വൈകാരികതയിലൂടെ എളുപ്പത്തിൽ പരിക്കേൽക്കുന്ന മനസ്സുള്ള ഒരു കഥാപാത്രം ഉണ്ട് ;റസൂൽ .

ദുഃഖം ഘനീഭവിച്ചു നിൽക്കുന്ന മനസ്സാകിലും ദൈവ വിശ്വാസത്തിൽ അധിഷ്ഠിതമായ ധാർമ്മികതയും , നിയമനിഷ്ഠയും പാലിക്കുന്ന ഇബ്രുവും ഒരു വീട്ടിലെ ,ഒരേ ജനിതകം പങ്കിടുന്ന , ഒരേ രീതിയിൽ പരിലാളനം ലഭിച്ച മനുഷ്യർ തന്നെയാണെന്നതാണ് വിഭജനത്തിന് എളുപ്പത്തിൽ വഴിയൊരുക്കുന്ന ധ്രുവങ്ങൾ . കണ്ടിരിക്കുന്ന പ്രേക്ഷകരുടെ മനസ്സിലും ചേരിതിരിഞ്ഞുള്ള യുദ്ധം നടക്കുമെന്നതിൽസംശയമില്ല .

അതിനിടയിൽ വന്നു പോകുന്ന ഓരോ കഥാപാത്രങ്ങളും , ഇരു വശങ്ങളിലേക്കും നമ്മളെ ചാഞ്ചാടിച്ചുകൊണ്ടിരിക്കും . മനുഷ്യർ യുക്തി മാത്രം ഉപയോഗിക്കുന്നതും , വൈകാരിക പ്രക്ഷുബ്ധതയുള്ള നിമിഷങ്ങളിൽ വളരെ സ്വാർത്ഥമതികളായി പെരുമാറുന്നതുമൊക്ക അളന്നുതൂക്കി തിരക്കഥയിൽ ഒരുക്കിയിട്ടുണ്ട്. കാല്പനികതയും , ഉള്ളലിവും അനുതാപവും ഒക്കെ സന്ദര്ഭത്തിനനുസരിച്ചു മൃഗീയ വാസനയും , സാമൂഹ്യ വിരുദ്ധതയുമൊക്കെയായി പരിണമിക്കുന്ന കാഴ്ച പിടിച്ചിരുത്തുന്നതു തന്നെ.

ഒരു കൂട്ടം ആളുകളുടെ ചെറിയ ലോകത്തിനു പുറത്തു മറ്റെവിടെയോ സംഭവിക്കുന്ന കാര്യങ്ങളാണ് ; ഒരു പക്ഷ ആവശ്യത്തിലേറെ അവരുടെ ചിന്തകളെ ഉത്തേജിപ്പിക്കുന്നത് , അവരുടെയകങ്ങളെ വേർതിരിവിന്നിടങ്ങൾ ആക്കുന്നത് . നിലപാടുകളെയും ആശയങ്ങളെയും ചോദ്യം ചെയ്യുമ്പോൾ മനുഷ്യർ " സൗകര്യം " എന്ന പാത സ്വീകരിക്കുന്നു.മറ്റൊരു മാർഗവും ഇല്ലാതെ വഴിയടഞ്ഞ പോലെ !!! അതിന്റ കാരണം ആണ് കണ്ടെത്തി പരിഹരിക്കേണ്ടത് . "ഞങ്ങളും നിങ്ങളും ", എന്നത് ഈ കൃത്രിമ സൗകര്യത്തിന്റ എവിടെയുമെത്താത്ത പാത മാത്രമാണ് .ഒരു പാട് സ്നേഹം പങ്കിട്ടിട്ടും , ഓണവും ക്രിസ്മസ്സ്സും പെരുന്നാളും ഒന്നിച്ചുണ്ടിട്ടുമൊക്ക , മാനവികത എന്ന മതം വളരാത്തതെന്താണ് ? ചിന്തിക്കേണ്ടിയിരിക്കുന്നു ! ആ ചിന്താധാര കൊളുത്താൻ കഴിവില്ലാത്ത വിവരങ്ങളുടെ കുത്തൊഴുക്ക് മാത്രമായി വിദ്യാഭ്യാസം ചുരുങ്ങിയിരിക്കുന്നു.

മനുഷ്യരെ എക്കാലവും കൂട്ടിയോജിപ്പിക്കാൻ കെൽപ്പുള്ള ഒന്നുണ്ട് . ഭക്ഷണം . വിശപ്പിന്റ വിളി ഏവരിലും ഒരു പോലെ എന്ന പച്ചപരമാർത്ഥം ചിന്തനീയം തന്നെ . പാചകം ചെയ്യാൻ പാടുപെടുന്ന ഇബ്രുവും , ഭക്ഷണത്തിനു വേണ്ടി കാത്തിരിക്കുന്ന മൂസയും , നിയമം കാക്കുവാൻ വെമ്പുന്ന പോലീസ്‌കാരനും , പ്രതികാരദാഹിയായ ലായ്ക്കിനും ഒരു നിമിഷത്തിൽ വേണ്ടതു ഭക്ഷണം തന്നെയാണ് . ഇങ്ങനെ നാനാ ദിശകളിലേക്കും തിരിഞ്ഞു നിൽക്കുന്ന കഥാപാത്രങ്ങളെ ക്രമബന്ധമാകുന്ന ഭക്ഷണത്തെയാണ് ഏവർക്കും അഭിമതമായ " മതമായി " കാണാൻ കഴിഞ്ഞിരുന്നെങ്കിൽ ജീവിതം എത്ര ലളിതവും മനോഹരവും ആയേനെ !!

1997 ൽ , കോളേജിൽ നടന്ന ഒരു സംവാദം ഓർമിക്കുകയാണ് ഇവിടെ . ആണവ നിരായുധീകരണം ആയിരുന്നു വിഷയം . ഒരു വിഭാഗം വാദിച്ചു "രണ്ടു പേരുടെ കൈയ്യിലും തോക്കുണ്ട് . രണ്ടു പേരും നിറ ഉതിർക്കുന്നു .ഇരുവരും മരിക്കുന്നു 'ആർക്കു എന്ത് ഗുണം ?
മറുവിഭാഗം വാദിച്ചു " രണ്ടു കൂട്ടരുടെയും കൈയ്യിൽ തോക്കുണ്ടെങ്കിൽ , ഭയന്ന് പരസ്പരം വെടിയുതിർക്കില്ല , അങ്ങിനെ സുഖമായി ജീവിക്കാം പോലും ! ജീവിച്ചിരിക്കുന്നിടത്തോളം കാലം ഭയം നമ്മെ ഭരിക്കുകയും നമ്മൾ അതിന് " സമാധാനം " എന്ന് പേരിട്ടു വിളിക്കുകയും ചെയ്യും ! എന്തൊരു പരാജയം , അല്ലേ ? ഒരു നിമിഷത്തിൽ ഒരു കൂട്ടർക്ക് ഈ ഭയത്തിനു അറുതി വരുത്തണമെന്ന് തോന്നുകയും അന്ന് " സമാധാനം പുനഃസ്ഥാപിക്കാനെന്ന പേരിൽ കൂട്ടക്കൊലകൾ പുനരാരംഭിക്കുകയും ചെയ്യും .
സന്ദർഭത്തിനൊത്തു ഉയരുന്ന തീപ്പൊരി വാക്കുകൾ ഉതിർക്കുന്ന ബുദ്ധിപരത പ്രകടിപ്പിക്കുന്ന സുമ എന്ന നായിക പ്രതീക്ഷയുളവാക്കുന്ന കഥാപാത്രമാണ് . പക്ഷെ ഒരുസന്ദർഭത്തിൽ " ആണുങ്ങൾ സംസാരിക്കുന്നിടത്തു പെണ്ണുങ്ങൾക്കെന്തു കാര്യം എന്ന ക്ളീഷേ ഡയലോഗിന് മുന്നിൽ വാ പൂട്ടിയതും ഉൾവലിഞ്ഞതും കുറച്ചു അരോചകമായി തോന്നി .

മനസ്സിൽ ഏറ്റവും ആഴത്തിൽപതിച്ച കല്ല് ചിത്രത്തിലെ മൂസ പറഞ്ഞ ഒരു സംഭാഷണ ശകലമാണ് " നാം ജയിച്ചു എന്ന് സ്വയം പറഞ്ഞു വിശ്വസിപ്പിച്ചു പ്രതികാരാഗ്നിയിൽ എരിഞ്ഞൊടുങ്ങുന്നവരാണ് നമ്മൾ " ! !ശ്രീ ബുദ്ധന്റേതായ ഒരു വാക്യമുണ്ട് . ദേഷ്യം എന്നത് മറ്റെയാളെ എറിയണം എന്ന ഉദ്ദേശത്താൽ നാം കൈയ്യിൽപിടിച്ചിരിക്കുന്ന കനൽ ആണത്രേ .

നട്ടാൽ നന്മ നിറഞ്ഞു വിളയാവുന്ന " കുരു " വും കൈവിട്ടാൽ പടർന്നു കയറി സർവവും ദഹിപ്പിക്കാൻ ശേഷിയുള്ള " തി " യും ചേർന്ന " കുരുതി " എന്ന പേര് തികഞ്ഞ ദ്വന്ദത്തെ തന്നെ സൂചിപ്പിക്കുന്നു. ജീവിച്ചിരിക്കുന്ന കാലത്തോ ആത്മനിയന്ത്രണം പാലിക്കാൻ കഴിയാത്ത മനുഷ്യരാകും നമ്മൾ , മരണശേഷം സംഭവിക്കാൻ പോകുമെന്ന് കരുതുന്ന , പറുദീസയ്ക്കും , സ്വർഗ്ഗത്തിനും , മോക്ഷത്തിനുമായി , ഇവിടെ യുദ്ധം വെട്ടുന്നു . മനുഷ്യക്കുരുതികൾ തുടർകഥ ആകാതിരിക്കാൻ , ഈ വാദങ്ങളെല്ലാം ഒരു പക്ഷെ ഒരേ ലക്ഷ്യത്തിലേക്കെത്താനുള്ള സമാന്തര പാതകൾ മാത്രമായിരിക്കാം , ഗതാഗതം കുറച്ചധികമാണെന്നും ,എല്ലാവര്ക്കും ഒരു നാൾ പോകേണ്ടതാണെന്നും ഓര്മിക്കുവാൻ കഴിയുന്ന പക്ഷം , " ശ്ശെടാ ! എന്ന് പറഞ്ഞു തല കുടഞ്ഞു ചിരിച്ചു ,മാനവികതയെ വിലമതിക്കുന്ന കാലം വരും എന്ന ശുഭപ്രതീക്ഷയിൽ മുന്നോട്ട് മുന്നോട്ട്‌ മുന്നോട്ട് !


content highlights : kuruthi movie analysis prithviraj mamukkoya srindaa shine tom chacko


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022


06:09

'വെട്ട് കിട്ടിയ ശേഷവും ചാടിക്കടിച്ചു'; പുലിയുടെ ആക്രമണ കഥ വിവരിച്ച് മാങ്കുളം ഗോപാലൻ 

Sep 27, 2022

Most Commented