അഞ്ച് രൂപ പ്രതിഫലത്തില്‍ നാടകത്തില്‍ തുടക്കം; അഭിനയം ജീവിതമാക്കിയ കെ.ടി.എസ്. പടന്നയില്‍


എം.എം. വിനയചന്ദ്രൻ

വാര്‍ധക്യ സഹജമായ അസുഖങ്ങളെ തുടര്‍ന്ന് ചികിത്സയിലായിരുന്ന കെ.ടി.എസ് പടന്നയില്‍ വ്യാഴാഴ്ച്ച് രാവിലെയാണ് വിട പറഞ്ഞത്‌.അദ്ദേഹത്തെ കുറിച്ച് മുന്‍പ് വന്ന ലേഖനത്തിന്റെ പുനപ്രസിദ്ധീകരണം

എന്റെ മകനാണ് ഇവന്‍... ഇവന്റെ മകനാണ് അവന്‍... അവന്റെ മകനാണ് ഇവന്‍...'

'അനിയന്‍ ബാവ, ചേട്ടന്‍ ബാവ' എന്ന ചിത്രത്തില്‍ ഓരോരുത്തരെ ചൂണ്ടിക്കാണിച്ചുകൊണ്ടുള്ള കെ.ടി.എസ്. പടന്നയിലിന്റെ ഈ ഡയലോഗ് തിയേറ്ററുകളില്‍ ചിരിയുടെ മാലപ്പടക്കം തന്നെ തീര്‍ത്തതാണ്. മരിക്കും വരെ ഹാസ്യരസം പകര്‍ന്നുനല്‍കിയ അതുല്യ നടന്‍... അഭിനയകലയെ ജീവിതത്തോട് ചേര്‍ത്തുവച്ച നടന്‍... അരനൂറ്റാണ്ടിലേറെക്കാലം പ്രൊഫഷണല്‍ നാടകരംഗത്ത് ഹാസ്യനടനായി തിളങ്ങിനില്‍ക്കേ തന്നെ വെള്ളിത്തിരയിലേക്കെത്തി കാണികളെ കുടുകുടാ ചിരിപ്പിച്ച നടന്‍... അതാണ് തൃപ്പൂണിത്തുറ തെക്കുംഭാഗം പടന്നയില്‍ വീട്ടില്‍ കെ.ടി. സുബ്രഹ്‌മണ്യന്‍ എന്ന കെ.ടി.എസ്. പടന്നയില്‍.

കുട്ടിക്കാലത്തുതന്നെ നാടകത്തില്‍ അഭിനയിക്കുക വലിയ മോഹമായിരുന്നു. അവസരങ്ങളൊന്നും അന്ന് കിട്ടിയില്ല. നാടകരംഗത്ത് വരണം എന്നത് വാശിയായി. അങ്ങനെയിരിക്കെ തൃപ്പൂണിത്തുറ ഊട്ടുപുര ഹാളില്‍ ചര്‍ക്ക ക്ലാസില്‍ ചേര്‍ന്നു. അവിടെ ഒരുവര്‍ഷം കഴിയുമ്പോള്‍ വാര്‍ഷികാഘോഷം നടത്തും... നാടകം ഉണ്ടാകും... അതില്‍ അഭിനയിക്കാം എന്നു കണ്ടാണ് ചര്‍ക്ക ക്ലാസില്‍ ചേര്‍ന്നത്. അങ്ങനെ 'വിവാഹദല്ലാളി' എന്ന നാടകത്തില്‍ ദല്ലാളിയായി അഭിനയിച്ചു. ആദ്യ നാടകമായിരുന്നു അത്. കാണികളുടെ ഭയങ്കര കൈയടിയാണ് ലഭിച്ചത്. 65 വര്‍ഷം മുമ്പായിരുന്നു അത്.'

കെ.ടി.എസ്. പടന്നയില്‍ എന്ന നടന്റെ പിറവി കൂടിയായിരുന്നു അത്‌. തുടര്‍ന്ന് അഞ്ചുരൂപ പ്രതിഫലത്തില്‍ അമെച്ചര്‍ നാടകങ്ങളില്‍ അഭിനയം തുടര്‍ന്നു. പിന്നീട് പ്രൊഫഷണല്‍ നാടകരംഗത്ത് 50 വര്‍ഷം. വൈക്കം മാളവിക, ചങ്ങനാശേരി ഗീഥ, കൊല്ലം ട്യൂണ, ആറ്റിങ്ങല്‍ പത്മശ്രീ, ഇടക്കൊച്ചി സര്‍ഗചേതന തുടങ്ങി ഒട്ടേറെ സമിതികളില്‍ പ്രവര്‍ത്തിച്ചിട്ടുണ്ട്.

ഒരു ദിവസം മൂന്ന് നാടകങ്ങള്‍ വരെ കളിച്ച കാലമുണ്ടായിരുന്നു അദ്ദേഹത്തിന്‌. ഉത്സവക്കളികളായിരുന്നു കൂടുതലും. ഉറക്കമില്ലാതെ വേദികളില്‍ നിന്നും വേദികളിലേക്കുള്ള ഓട്ടം.. അത് വലിയ അനുഭവം തന്നെയായിരുന്നുവെന്ന് കെ.ടി.എസ്. പടന്നയില്‍ മുമ്പ് അഭിമുഖത്തില്‍ പറഞ്ഞിട്ടുണ്ട്‌. അങ്ങിനെയിരിക്കെ തിരുവനന്തപുരത്ത് സിനിമാ സംവിധായകന്‍ രാജസേനന്‍ നാടകം കാണാന്‍ ഇടയായി. അങ്ങനെയാണ് 'അനിയന്‍ ബാവ, ചേട്ടന്‍ ബാവ' യിലൂടെ ആദ്യമായി സിനിമയിലെത്തുന്നത്. പടം ഹിറ്റായതോടെ കൈനിറയെ ചിത്രങ്ങളായി.' 'വൃദ്ധന്‍മാരെ സൂക്ഷിക്കുക' എന്ന ചിത്രത്തില്‍ നടി ഖുശ്ബുമൊത്തുള്ള ഡാന്‍സും, 'ശ്രീകൃഷ്ണണപുരത്തെ നക്ഷത്രത്തിളക്കം' എന്ന ചിത്രത്തില്‍ 'ചിക്കന്‍ നല്ല മുറ്റാ' എന്നു പറഞ്ഞുകൊണ്ട് കുപ്പിയുടെ കോര്‍ക്ക് വിഴുങ്ങുകയുമൊക്കെ ചെയ്യുന്ന പടന്നയില്‍ മലയാളി പ്രേക്ഷകരുടെ മനസ്സില്‍ ഇടംനേടിയ നടനായി മാറുകയായിരുന്നു.

ടെലിവിഷന്‍ സീരിയലുകളിലും അഭിനയിച്ചിട്ടുണ്ട്. തൃപ്പൂണിത്തുറ കണ്ണന്‍കുളങ്ങരയില്‍ ചെറിയൊരു സ്റ്റേഷനറി കടയും കെ.ടി.എസ്. പടന്നയില്‍ നടത്തിയിരുന്നു. ഷൂട്ടിങ് ഇല്ലാത്തപ്പോള്‍ ഈ കടയില്‍ ചമയമില്ലാത്ത മുഖത്തോടെ പടന്നയില്‍ ഉണ്ടാകും. വഴിയാത്രക്കാര്‍ പലരും വാഹനങ്ങള്‍ നിര്‍ത്തി ഈ കടയിലെത്തി പടന്നയിലിനൊപ്പം സെല്‍ഫിയെടുക്കുന്നതൊക്കെ പതിവ് കാഴ്ചയായിരുന്നു. രമണിയാണ് ഭാര്യ. ശ്യാം, സ്വപ്ന, സന്നന്‍, സാജന്‍ എന്നിവര്‍ മക്കളാണ്.

പുനപ്രസിദ്ധീകരിച്ചത്

Content Highlights: kts padannayil Subramanian demise

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rape survivor vijay babu

1 min

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി

Aug 12, 2022


thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022


14:00

'ഞാൻ ചെല്ലുമ്പോഴേക്കും അ‌ച്ഛന്റെ ദേഹത്തെ ചൂടുപോലും പോയിരുന്നു' | Suresh Gopi | Gokul | Talkies

Jul 26, 2022

Most Commented