എഡ്വേഡ് ആല്‍ബി: കവിതയില്‍ തുടങ്ങി നാടകത്തില്‍ ജ്വലിച്ചു


വഷളത്തരവും പരസ്യമായ ലൈംഗികപരാമര്‍ശങ്ങളും കാരണം നാടകത്തിന് പുലിറ്റ്സര്‍ സമ്മാനം നിഷേധിച്ചു. എന്നാല്‍, ടോണി അവാര്‍ഡ് ലഭിച്ചു.

വിഖ്യാത എഴുത്തുകാരന്‍ എഡ്വേഡ് ആല്‍ബി എഴുതിത്തുടങ്ങിയത് കവിതയാണ്. പിന്നെയത് നാടകത്തിലെത്തി. നര്‍മത്തിന്റെ മേമ്പൊടിയുള്ള അദ്ദേഹത്തിന്റെ നാടകങ്ങള്‍ വിവാഹത്തിന്റെയും മതത്തിന്റെയും ഇരുണ്ടവശങ്ങളെക്കുറിച്ചുള്ളവയായിരുന്നു. കുട്ടികളെ വളര്‍ത്തുന്നതിന്റെ പ്രയാസങ്ങളും അമേരിക്കന്‍ ജീവിതത്തിന്റെ അരക്ഷിതവശങ്ങളും അവ പകര്‍ത്തി.

തകര്‍ന്ന ദാമ്പത്യജീവിതത്തിന്റെ ചിത്രണമായ 'ഹൂ ഈസ് അഫ്രൈഡ് ഓഫ് വെര്‍ജീനിയ വൂള്‍ഫ്?' (1962) ആണ് പ്രസിദ്ധ നാടകം. വഷളത്തരവും പരസ്യമായ ലൈംഗികപരാമര്‍ശങ്ങളും കാരണം നാടകത്തിന് പുലിറ്റ്സര്‍ സമ്മാനം നിഷേധിച്ചു. എന്നാല്‍, ടോണി അവാര്‍ഡ് ലഭിച്ചു. 1966-ല്‍ മൈക്ക് നിക്കൊളാസ് നാടകം അതേ പേരില്‍ ചലച്ചിത്രമാക്കി. റിച്ചാഡ് ബര്‍ട്ടണും എലിസബത്ത് ടെയ്ലറുമാണ് ഇതില്‍ മുഖ്യവേഷം ചെയ്തത്. സിനിമ അഞ്ച് ഓസ്‌കര്‍ പുരസ്‌കാരങ്ങള്‍ നേടി.

'ദ സൂ സ്റ്റോറി'യാണ് (1959) ആദ്യ നാടകം. 'ദ ഗോട്ട് ഓര്‍ ഹൂ ഈസ് സില്‍വിയ?', 'ടൈനി ആലിസ്', 'മി മൈസെല്‍ഫ് ആന്‍ഡ് ഐ', 'എഡ്വേഡ് ആല്‍ബീസ് പീറ്റര്‍ ആന്‍ഡ് ജെറി' എന്നിവയടക്കം മുപ്പതിലേറെ നാടകങ്ങള്‍ രചിച്ചു. കലാമേഖലയ്ക്കു നല്‍കുന്ന ഏറ്റവും വലിയ ആദരമായ നാഷണല്‍ മെഡല്‍ ഓഫ് ആര്‍ട്സ് 1996-ല്‍ അന്നത്തെ യു.എസ്. പ്രസിഡന്റ് ബില്‍ ക്ലിന്റണ്‍ അദ്ദേഹത്തിനു സമ്മാനിച്ചു.

1928 മാര്‍ച്ച് 12-ന് വെര്‍ജീനിയയിലാണ് ആല്‍ബിയുടെ ജനനം. അച്ഛനാരെന്ന് അറിയില്ല. അമ്മ ലൂയി ഹാര്‍വി മകനെ എഡ്വേഡ് എന്നുവിളിച്ചു. മൂന്നാഴ്ച പ്രായമുള്ളപ്പോള്‍ മാന്‍ഹട്ടനിലെ ദത്തെടുപ്പ് കേന്ദ്രത്തിലെത്തിയ എഡ്വേഡിനെ റീഡ് ആല്‍ബിയും ഭാര്യ ഫ്രാന്‍സിസും ദത്തെടുത്തു. അവരാണ് എഡ്വേഡ് ഫ്രാങ്ക്ലിന്‍ ആല്‍ബി മൂന്നാമന്‍ എന്ന് പേരിട്ടത്.

ഒമ്പതാം വയസ്സില്‍ കവിതയെഴുതിത്തുടങ്ങി. പതിനാലാം വയസ്സില്‍ എഴുതിയ ആദ്യനാടകം അമ്മ കീറിക്കളഞ്ഞു. കവിതയും നോവലുമെല്ലാം പരീക്ഷിച്ച ആല്‍ബി 28-ാം വയസ്സിലാണ് നാടകമാണ് തട്ടകമെന്ന് തിരിച്ചറിഞ്ഞത്. 1959-ല്‍ ആദ്യനാടകം 'ദ സൂ സ്റ്റോറി' അവതരണത്തിനെത്തി. 35 കൊല്ലം ആല്‍ബിയുടെ പങ്കാളിയായിരുന്ന ശില്‍പ്പി ജൊനാഥാന്‍ തോമസ് 2005-ലാണ് അന്തരിച്ചത്.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Shikhar Dhawan to lead India odi team against South Africa sanju samson in

1 min

സഞ്ജു ടീമില്‍; ദക്ഷിണാഫ്രിക്കയ്‌ക്കെതിരായ ഏകദിന പരമ്പരയ്ക്കുള്ള ഇന്ത്യന്‍ ടീമിനെ പ്രഖ്യാപിച്ചു

Oct 2, 2022


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022

Most Commented