കഴിഞ്ഞ ദിവസമാണ് നടന്‍ ജഗതി ശ്രീകുമാറിന്റെ മകളും നടിയും അവതാരകയുമായ ശ്രീലക്ഷ്മി വിവാഹിതയായത്. ഏറെ നാളത്തെ പ്രണയത്തിനൊടുവില്‍ സുഹൃത്ത് ജിജിന്‍ ജഹാംഗീറാണ് ശ്രീലക്ഷ്മിയെ വിവാഹം കഴിച്ചത്. വിവാഹദിനത്തില്‍ വളരെയധികം ശ്രദ്ധിക്കപ്പെട്ടത് ശ്രീലക്ഷ്മിയുടെ വസ്ത്രധാരണവും മേക്കപ്പുമാണ്. സാധാരണ കണ്ടുവരുന്ന കേരള വധുവിന്റെ സങ്കല്‍പത്തില്‍ നിന്നും മാറി ഉത്തരേന്ത്യന്‍ വധുക്കളെപ്പോലെ ശ്രീലക്ഷ്മിയെ അണിയിച്ചൊരുക്കിയത് പ്രശസ്ത മേക്കപ്പ് ആര്‍ടിസ്റ്റ് രഞ്ജു രഞ്ജിമാര്‍ ആണ്.
ഇപ്പോള്‍ വിവാഹദിനത്തില്‍ തന്നെ സുന്ദരിയാക്കിയതിന് പ്രിയപ്പെട്ട രഞ്ജുമ്മയ്ക്ക് നന്ദി അറിയിച്ചിരിക്കുകയാണ് ശ്രീലക്ഷ്മി. രഞ്ജുവാണ് ശീലക്ഷ്മിയുടെ വീഡിയോ ഇന്‍സ്റ്റഗ്രാമിലൂടെ പങ്കുവച്ചത്.
"ഞാനും രഞ്ജുമ്മയും തമ്മില്‍ ആറേഴ് വര്‍ഷത്തെ ബന്ധമാണ്. രഞ്ജുമ്മയ്ക്ക് പൂര്‍ണമായും എന്നെ അറിയാം, . എന്നെ ഇത്ര സുന്ദരിയാക്കി തന്നതിന് നന്ദി രഞ്ജുമ്മ. താങ്ക്‌സ്, ഐ ലൗവ് യു.. ഉമ്മ..''- ശ്രീലക്ഷ്മി പറഞ്ഞു.
ഓഫ് വൈറ്റും ചുവപ്പും കലര്‍ന്ന ലെഹംഗയാണ് വിവാഹദിനത്തില്‍ ശ്രീലക്ഷ്മി ധരിച്ചത്. ഇതിന് മാറ്റേകിയതോ ഹെവി ഡിസൈന്‍ കുന്ദന്‍ ആഭരണങ്ങളും. കഴുത്തില്‍ അണിഞ്ഞ പച്ചയും വെള്ളയും കല്ലുകള്‍ ഇടകലര്‍ന്ന ചോക്കറും അതേ കോമ്പിനേഷനിലുള്ള വലിയ ജുംകയും നെറ്റിച്ചുട്ടിയും ഒപ്പം കല്ലുപതിപ്പിച്ച മൂക്കുത്തിയും സ്‌മോക്കി ഐസോട് കൂടിയ ഹെവി മേക്കപ്പും വ്യത്യസ്തത നിറഞ്ഞ ലുക്ക് പൂര്‍ണമാക്കി
Content Highlights : Sreelakshmi Sreekumar Wedding Makeup Artist Renju Renjimar
