ഒരുവർഷംമുമ്പ് ഒരു ലക്ഷം രൂപ ഈ ഓഹരിയിൽ നിക്ഷേപിച്ചിരുന്നുവെങ്കിൽ 2.24 കോടിയാകുമായിരുന്നു


4.45 രൂപയിൽനിന്ന് കുതിച്ചത് 998 രൂപയിലേക്ക്. നേട്ടം 22,300ശതമാനം.

ഹരി സൂചികകൾ എക്കാലത്തെയും ഉയരത്തിൽ കുതിച്ചതോടെ നിരവധി ഓഹരികൾ മികച്ചനേട്ടം നിക്ഷേപകർക്ക് നൽകി. മികച്ച അടിസ്ഥാനമുള്ള കമ്പനികളോടൊപ്പം പെന്നി സ്റ്റോക്കുകളും നേട്ടത്തിന്റെ ഭാഗമായി. ആവിഭാഗത്തിൽപ്പെട്ട പെന്നി സ്റ്റോക്കാണ് ഗോപാല പോളിപ്ലാസ്റ്റ്. ഒരുവർഷത്തിനിടെ 4.45 രൂപയിൽനിന്ന് 998.45 രൂപ നിലവാരത്തിലേക്കാണ് ഓഹരി വില കുതിച്ചത്. അതായത് നേട്ടം 22,300ശതമാനം.

നേട്ടക്കണക്ക് ഇങ്ങനെ
535 രൂപ നിലവാരത്തിലായിരുന്ന ഓഹരി വില ഒരുമാസംകൊണ്ടാണ് 1225 രൂപ നിലവാരത്തിലേക്ക് കുതിച്ചത്. അഞ്ച് വ്യാപാരദിനത്തിനിടെ വില 18.50ശതമാനം ഇടിഞ്ഞ് 998 രൂപ നിലവാരത്തിലേക്കെത്തി. ആറുമാസത്തെ നേട്ടം പരിശോധിക്കുകയാണെങ്കിൽ, 14.75ൽനിന്നാണ് കുതിപ്പ് നടത്തിയത്. നേട്ടം കണക്കാക്കുകയാണെങ്കിൽ 6,670 ശതമാനവുമാണ്.



ഒരുമാസംമുമ്പ് ഈ ഓഹരിയിൽ ഒരുലക്ഷം രൂപ നിക്ഷേപിച്ചിരുന്നെങ്കിൽ ഇന്നത് 1.86 ലക്ഷം രൂപയാകുമായിരുന്നു. ആറുമാസംമുമ്പായിരുന്നെങ്കിൽ 67.67 ലക്ഷമായും 2021ന്റെ തുടക്കത്തിൽ 8.26 രൂപ നിലവാരത്തിലാണ് നിക്ഷേപിച്ചിരുന്നതെങ്കിൽ 1.21 കോടി രൂപയുമാകുമായിരുന്നു. ഒരുവർഷം മുമ്പ് ഓഹരിയൊന്നിന് 4.45 രൂപ നിരക്കിൽ ഒരു ലക്ഷം രൂപ നിക്ഷേപിച്ചിരുന്നുവെങ്കിൽ ഇന്നതിന്റെ മൂല്യം 2.24 കോടിയുമാകുമായിരുന്നു.

ജൂൺ പാദത്തിലെ കണക്കുപ്രകാരം കമ്പനിയിലെ 92.83ശതമാനം ഓഹരിയും പ്രൊമോട്ടർമാരുടെ കൈവശമാണുള്ളത്. കമ്പനിയിലെ അഞ്ച് ശതമാനം ഓഹരി ബാങ്ക് ഓഫ് ബറോഡയുടെ കൈവശമാണ്. വിദേശ നിക്ഷേപകർ, റീട്ടെയിൽ നിക്ഷേപകർ ഉൾപ്പടെയുള്ളവരുടെ കൈവശം 7.17ശതമാനവും.

മാർച്ചിൽ അവസാനിച്ച സാമ്പത്തിക വർഷം 63.62 കോടി രൂപയാണ് കമ്പനിയുടെ അറ്റാദായം. മുൻവർഷം ഇത് 20.70 കോടിയായിരുന്നു. 407ശതമാനമാണ് വർധന.

മുന്നറിയിപ്പ്: ഒരുവർഷത്തിനിടെ ഓഹരി വിപണിയിലുണ്ടായ കുതിപ്പിൽ മികച്ച നേട്ടമുണ്ടാക്കിയ ഓഹരികൾ പരിചയപ്പെടുത്തുകമാത്രമാണ് ഇവിടെ ഉദ്ദേശിക്കുന്നത്. നിക്ഷേപത്തിനുള്ള ശുപാർശയായി കാണേണ്ടതില്ല. ഓഹരി വിപണിയിലെ നിക്ഷേപം നഷ്ടസാധ്യതകൾക്ക് വിധേയമാണ്. സ്വന്തം ഉത്തരവാദിത്വത്തിൽവേണം നിക്ഷേപം നടത്താൻ.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


Vizhinjam

7 min

വിഴിഞ്ഞത്തിന്റെ നിലവിളി | വഴിപോക്കൻ

Dec 2, 2022


brazil vs cameroon

2 min

ടിറ്റെയുടെ പരീക്ഷണം പാളി, ബ്രസീലിനെ അട്ടിമറിച്ച് കാമറൂണ്‍

Dec 3, 2022

Most Commented