Photo: Gettyimages
ഓഹരി വിപണിയുടെ വെള്ളിയാഴ്ചയിലെ കുതിപ്പില്‍ നിക്ഷേപകര്‍ക്ക് നേട്ടം മൂന്നു ലക്ഷം കോടി രൂപയിലേറെ. അനുകൂലമായ ആഗോള-ആഭ്യന്തര സൂചനകള്‍ പിന്തുടര്‍ന്ന നിക്ഷേപകര്‍ വിപണിയില്‍ സജീവമായതോടെ സെന്‍സെക്‌സ് 900 പോയന്റ് കുതിച്ചു. നിഫ്റ്റിയാകട്ടെ 17,500 പിന്നിട്ടു.
ഏറെക്കാലംനീണ്ട ആശങ്കള്‍ക്കുശേഷം അദാനി ഓഹരികള്‍ നേട്ടമുണ്ടാക്കി. പൊതുമേഖല ബാങ്കുകളും മെറ്റല്‍ ഓഹരികളും മുന്നേറ്റത്തിന് വഴിയൊരുക്കി. വിദേശ നിക്ഷേപകര്‍ വിപണിയില്‍നിന്ന് തുടര്‍ച്ചയായി വിറ്റൊഴിയുന്ന ഈ സാഹചര്യത്തില്‍ ഈ ആശ്വാസമുന്നേറ്റം എത്രദിവസംവരെ ഉണ്ടാകുമെന്നകാര്യം പ്രസക്തമാണ്.
നേട്ടത്തിനു പിന്നിലെ പ്രധാന കാരണങ്ങള്‍:
ഫെഡ് നിരക്ക്
പതിവുപോലെ ഫെഡ് നിരക്കുതന്നെയാണ് വിപണിയെ ചലിപ്പിക്കുന്നതില്‍ ഇപ്പോഴും നിര്‍ണായക സ്വാധീനം ചെലുത്തുന്നത്. അടുത്ത നയയോഗത്തില്‍ കാല്‍ ശതമാനം നിരക്ക് വര്‍ധിപ്പിക്കുമെന്നാണ് വിപണി പ്രതീക്ഷിക്കുന്നത്. നിരക്ക് വര്‍ധനയുടെ വേഗംകുറയുമെന്ന പ്രതീക്ഷ വിപണിയില്‍ ഉണര്‍വുണ്ടാക്കിയിട്ടുണ്ട്. ഈ വര്‍ഷം പകുതിയോടെ അധിക നിരക്ക് വര്‍ധന താല്‍ക്കാലികമായി നിര്‍ത്തിവെയ്ക്കാന്‍ സാധ്യതയുണ്ടെന്നും വിലയിരുത്തലുണ്ട്.
അദാനി ഓഹരികള്‍
ഏറെക്കാലത്തെ തുടര്‍ച്ചയായ ഇടിവിനുശേഷം വെള്ളിയാഴ്ച വിപണിയില്‍ ഏറ്റവും കൂടുതല്‍ നേട്ടമുണ്ടാക്കിയത് അദാനി ഗ്രൂപ്പ് ഓഹരികളാണ്. 10 ഓഹരികളില്‍ ഏഴ് എണ്ണവും അഞ്ച് ശതമാനമെന്ന അപ്പര്‍ സര്‍ക്യൂട്ട് ഭേദിച്ചു. ഇത്തോടെ അദാനി ഗ്രൂപ്പ് ഓഹരികളിലെ മൊത്തം വിപണിമൂല്യത്തില്‍ 50,000 കോടി രൂപയുടെ നേട്ടമുണ്ടായി. യുഎസ് ആസ്ഥാനമായി പ്രവര്‍ത്തിക്കുന്ന ജിക്യുജി പാര്‍ടണേഴ്‌സുമായുള്ള 15,000 കോടിയുടെ ഇടപാടാണ് അദാനിക്ക് നേട്ടമായത്.
ബാങ്ക് ഓഹരികള്‍
അദാനി ഓഹരികളിലെ മുന്നേറ്റം അദാനി സ്‌റ്റോക്കുകളുടെ കുതിപ്പുമായി ബന്ധപ്പെട്ടിരിക്കുന്നു. ജിക്യുജി പാര്‍ടണേഴ്‌സില്‍നിന്നുള്ള നിക്ഷേപം ബാധ്യത തീര്‍ക്കാനാകും അദാനി ഉപയോഗിക്കുകയെന്നതാണ് ബാങ്ക് ഓഹരികളില്‍ ഉണര്‍വുണ്ടാകാന്‍ കാരണം. നിഫ്റ്റി ബാങ്ക് സൂചിക 2ശതമാനത്തിലധികം നേട്ടമുണ്ടാക്കി. പൊതുമേഖല ബാങ്ക് സൂചികയാകട്ടെ 4.7ശതമാനവും.
യുഎസിലെ കടപ്പത്ര ആദായം
ഫെഡിന്റെ നിരക്ക് വര്‍ധന സംബന്ധിച്ച സൂചനയോട് തത്സമയം പ്രതികരിക്കുന്നതാണ് അവിടത്തെ കടപ്പത്ര ആദായവും. നിരക്ക് വര്‍ധന പരിമിതമാകുമെന്ന വിലയിരുത്തലുകള്‍ കടപ്പത്ര ആദായത്തെ ബാധിച്ചു. പത്ത് വര്‍ഷ ട്രഷറി ആദായത്തില്‍ 0.76ശതമാനവും രണ്ട് വര്‍ഷത്തെ ആദായത്തില്‍ 0.4ശതമാനവും കുറവ് രേഖപ്പെടുത്തി. വിപണി ഇത് നേട്ടമാക്കുകയുംചെയ്തു.
ചൈനയുടെ തിരിച്ചുവരവ്
ചൈനീസ് സമ്പദ്ഘടനയുടെ തിരിച്ചുവരവാണ് ഏഷ്യന്‍ വിപണിക്കും കരുത്തായത്. സേവന മേഖലയിലെ ഉണര്‍വ് പ്രകടമാകുന്ന കെയ്ക്‌സിന്‍, എസ്ആന്‍ഡ്പി ഗ്ലോബല്‍ പര്‍ച്ചേയ്‌സിങ് മാനേജേഴ്‌സ് സൂചിക ജനുവരിയിലെ 52.9ല്‍നിന്ന് ഫെബ്രുവരിയില്‍ 55 ആയി. രാജ്യത്ത മെറ്റല്‍ ഓഹരികളാണ് ഇത് നേട്ടമാക്കിയത്. മൂന്ന് വ്യാപാര ദിനങ്ങളിലായി സൂചിക 5.5ശതമാനം ഉയര്‍ന്നു.
.jpg?$p=5068cc5&f=16x11&w=102&q=0.8)
ആഗോള മുന്നേറ്റം
വാള്‍സ്ട്രീറ്റില്‍ ഇന്ന് എന്താണ് സംഭവിച്ചത് അതിന്റെ പ്രതിഫലനം അടുത്ത ദിവസം ഏഷ്യന്‍ സൂചികകളിലും കാണാം. ഡൗ ജോണ്‍സ് ഒരുശതമാനം നേട്ടത്തിലായിരുന്നു ക്ലോസ് ചെയ്തത്. വെള്ളിയാഴ്ച ജപ്പാന്റെ നിക്കി മൂന്നു മാസത്തെ ഉയര്‍ന്ന നിലവാരത്തിലാണിപ്പോഴുള്ളത്. ഹോങ്കോങിന്റെ ഹാങ് സെങ് സൂചികയും ഒരു ശതമാനവും നേട്ടത്തിലാണ്.
രൂപയുടെ ഉയര്‍ച്ച
യുഎസ് ഡോളറിനെതിരെ ഇന്ത്യന്‍ രൂപ ഒരു മാസത്തെ ഉയര്‍ന്ന നിലവാരത്തിലെത്തി. രൂപയുടെ മൂല്യം 0.36ശതമാനം ഉയര്‍ന്ന് 82.33ലാണ് വ്യാപാരം നടക്കുന്നത്.
Content Highlights: Sensex zooms 900 points: factors behind the stock rally
Also Watch
RELATED STORIES
Premium
Premium
Premium
Premium
.jpg?$p=1990e2a&f=1x1&w=100&q=0.8)
Premium
IN CASE YOU MISSED IT
.jpg?$p=d83648f&q=0.8&f=16x11&w=104)
.jpg?$p=07695fc&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..