Photo: Gettyimages
മുംബൈ: കഴിഞ്ഞ ദിവസങ്ങളിലുണ്ടായ കനത്ത തകര്‍ച്ച അതിജീവിച്ച് വിപണി. വ്യാപാര ആഴ്ചയുടെ അവസാന ദിനത്തില്‍ മികച്ച നേട്ടത്തില്‍ ക്ലോസ് ചെയ്തു. നിഫ്റ്റി 17,850ന് മുകളിലെത്തി. സെന്‍സെക്‌സ് 909.64 പോയന്റ് ഉയര്‍ന്ന് 60,841.88ലും നിഫ്റ്റി 243.60 പോയന്റ് നേട്ടത്തില്‍ 17,854ലിലുമാണ് വ്യാപാരം അവസാനിപ്പിച്ചത്.
ബാങ്ക് ഓഹരികളിലെ മുന്നേറ്റമാണ് വിപണിയിലെ നേട്ടത്തിന് പിന്നില്‍. വ്യാപാരത്തിന്റെ തുടക്കത്തില്‍ കനത്ത തകര്‍ച്ച നേരിട്ട അദാനി എന്റര്‍പ്രൈസസ് പിന്നീട് നേട്ടത്തിലേയ്ക്ക് തിരിച്ചെത്തി.
ടൈറ്റാന്‍, ബജാജ് ഫിനാന്‍സ്, എച്ച്ഡിഎഫ്‌സി ബാങ്ക്, എച്ച്ഡിഎഫ്‌സി, എസ്ബിഐ, ഇന്‍ഡസിന്‍ഡ് ബാങ്ക്, ഐഷര്‍ മോട്ടോഴ്‌സ്, മഹീന്ദ്ര ആന്‍ഡ് മഹീന്ദ്ര, ഭാരതി എയര്‍ടെല്‍, എസ്ബിഐ ലൈഫ് തുടങ്ങിയ ഓഹരികള്‍ 3 മുതല്‍ 7 ശതമാനംവരെ നേട്ടമുണ്ടാക്കി. ടെക് മഹീന്ദ്ര, വിപ്രോ, എച്ച്‌സിഎല്‍ ടെക് എന്നീ ഓഹരികളായിരുന്നു സെന്‍സെക്‌സില്‍ നഷ്ടത്തില്‍ ക്ലോസ് ചെയ്തത്.
സെക്ടറല്‍ സൂചികകളില്‍ നിഫ്റ്റി പൊതുമേഖല മൂന്നു ശതമാനം ഉയര്‍ന്നു. നിഫ്റ്റി ബാങ്ക് രണ്ടു ശതമാനവും. ഫാര്‍മ, എണ്ണ-വാതകം, റിയാല്‍റ്റി സൂചികകള്‍ ഒരുശതമാനം നഷ്ടത്തിലുമായി. ബിഎസ്ഇ മിഡ്ക്യാപ്, സ്‌മോള്‍ ക്യാപ് സൂചികകളാകട്ടെ 0.50ശതമാനത്തോളം നഷ്ടത്തിലാണ് വ്യാപാരം അവസാനിപ്പിച്ചത്.
Content Highlights: Sensex rises 910 points, Nifty above 17,850
Also Watch
RELATED STORIES
.jpg?$p=07695fc&f=1x1&w=100&q=0.8)
opening
.jpg?$p=d83648f&f=1x1&w=100&q=0.8)
opening
IN CASE YOU MISSED IT
.jpg?$p=260bb55&f=1x1&w=100&q=0.8)
.jpg?$p=07695fc&q=0.8&f=16x11&w=104)
.jpg?$p=d83648f&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..