മുംബൈ: നവംബറിലെ ഫ്യൂച്ചർ കരാറുകൾ അവസാനിക്കുന്ന ദിവസമായിട്ടുകൂടി സൂചികകൾ നേട്ടത്തിൽ ക്ലോസ്‌ചെയ്തു. റിലയൻസ് ഇൻഡസ്ട്രീസിന്റെയും റിയാൽറ്റി, ഫാർമ ഓഹരികളുടെയും കുതിപ്പാണ് വിപണി നേട്ടമാക്കിയത്. 

സെൻസെക്‌സ് 454.10 പോയന്റ് നേട്ടത്തിൽ 58,795.09ലും നിഫ്റ്റി 121.30 പോയന്റ് ഉയർന്ന് 17,536.30ലുമാണ് വ്യാപാരം അവസാനിപ്പിച്ചത്. 

റിലയൻസ് ഇൻഡസ്ട്രീസ് 6.3ശതമാനം നേട്ടത്തിൽ 2,499 നിലവാരത്തിലാണ് ക്ലോസ്‌ചെയ്തത്. ഡിവീസ് ലാബ്, ഇൻഫോസിസ്, ഐടിസി, ടെക് മഹീന്ദ്ര തുടങ്ങിയ ഓഹരികളും നേട്ടമുണ്ടാക്കി. 

ബ്രിട്ടാനിയ, ഐഒസി, ഇൻഡസിൻഡ് ബാങ്ക്, മാരുതി സുസുകി, ഐസിഐസിഐ ബാങ്ക് തുടങ്ങിയ ഓഹരികൾ നഷ്ടംനേരിടുകയുംചെയ്തു. 

ഓയിൽ ആൻഡ് ഗ്യാസ്, റിയാൽറ്റി, ഫാർമ സൂചികകൾ ഒരുശതമാനംവീതം ഉയർന്നു. അതേസമയം, ഓട്ടോ, ബാങ്ക് സൂചികകൾ സമ്മർദംനേരിട്ടു. ബിഎസ്ഇ മിഡ്ക്യാപ്, സ്‌മോൾ ക്യാപ് സൂചികകൾ 0.5ശതമാനംവീതം നേട്ടമുണ്ടാക്കി.