.jpg?$p=d83648f&f=16x10&w=852&q=0.8)
Photo: Gettyimages
മുംബൈ: ഓഹരി സൂചികകളില്‍ ചാഞ്ചാട്ടം തുടരുന്നു. കേന്ദ്ര ബജറ്റില്‍ അനുകൂല പ്രഖ്യാപനങ്ങള്‍ ഇല്ലാതിരുന്നത്, അദാനി ഗ്രൂപ്പിനെ ചുറ്റിപ്പറ്റിയുള്ള റിപ്പോര്‍ട്ടുകള്‍ എന്നിവയാണ് വിപണിയിലെ നഷ്ടത്തിനു പിന്നില്‍. സെന്‍സെക്‌സ് 463 പോയന്റ് താഴ്ന്ന് 59,245ലും നിഫ്റ്റി 163 പോയന്റ് നഷ്ടത്തില്‍ 17,450ലുമാണ് വ്യാപാരം നടക്കുന്നത്.
അദാനി ഗ്രൂപ്പ് ഓഹരികളില്‍ തകര്‍ച്ച തുടരുകയാണ്. അദാനി എന്റര്‍പ്രൈസസ്, അദാനി പോര്‍ട്‌സ്, അദാനി ട്രാന്‍സ്മിഷന്‍, അദാനി ടോട്ടല്‍ ഗ്യാസ് ഉള്‍പ്പടെയുള്ള ഓഹരികള്‍ രാവിലത്തെ വ്യാപരത്തിനിടെ 10 ശതമാനം ഇടിഞ്ഞു.
നെസ് ലെ ഇന്ത്യ, ഇന്‍ഡസിന്‍ഡ് ബാങ്ക്, പവര്‍ഗ്രിഡ് കോര്‍പ്, ഏഷ്യന്‍ പെയിന്റ്‌സ്, സണ്‍ ഫാര്‍മ, ടാറ്റ സ്റ്റീല്‍, കൊട്ടക് മഹീന്ദ്ര ബാങ്ക്, ടാറ്റ മോട്ടോഴ്‌സ്, എന്‍ടിപിസി, എല്‍ആന്‍ഡ്ടി, ബജാജ് ഫിന്‍സര്‍വ്, റിലയന്‍സ് ഇന്‍ഡസ്ട്രീസ് തുടങ്ങിയ ഓഹരികളും നഷ്ടത്തിലാണ്. ഇന്‍ഫോസിസ്, ഐടിസി, എച്ച്‌സിഎല്‍ ടെക്, ടിസിഎസ്, വിപ്രോ, ടെക് മഹീന്ദ്ര, ഹിന്ദുസ്ഥാന്‍ യുണിലിവര്‍, മാരുതി സുസുകി തുടങ്ങിയ ഓഹരികള്‍ നേട്ടത്തിലുമാണ്.
സെക്ടറല്‍ സൂചികകളില്‍ നിഫ്റ്റി ഐടിയാണ് ഒരു ശതമനത്തിലേറെ നേട്ടത്തിലുള്ളത്. ബാങ്ക്, റിയാല്‍റ്റി, ഫാര്‍മ, മെറ്റല്‍ ഉള്‍പ്പടെയുള്ള സൂചികകള്‍ നഷ്ടത്തിലുമാണ്. നിഫ്റ്റി മിഡ് ക്യാപ്, സ്‌മോള്‍ ക്യാപ് സൂചികകളില്‍ നേട്ടത്തിലാണ് വ്യാപാരം നടക്കുന്നത്.
Content Highlights: Sensex drops 463 pts, Nifty tests 17450
Also Watch
RELATED STORIES
.jpg?$p=d83648f&f=1x1&w=100&q=0.8)
IN CASE YOU MISSED IT
.jpg?$p=afe3202&f=1x1&w=100&q=0.8)
.jpg?$p=5ab4c51&f=1x1&w=100&q=0.8)
.jpg?$p=d83648f&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..