.jpg?$p=d83648f&f=16x10&w=852&q=0.8)
Photo: Gettyimages
മുംബൈ: തുടക്കത്തിലെ നേട്ടം സൂചികകള്‍ക്ക് നിലനിര്‍ത്താനായില്ല. ഏഷ്യന്‍ സൂചികകള്‍ നേട്ടം നിലനിര്‍ത്തിയെങ്കിലും നിഫ്റ്റി 17,300 നിലവാരത്തില്‍ ക്ലോസ് ചെയ്തു. സെന്‍സെക്‌സ് 326.23 പോയന്റ് താഴ്ന്ന് 58,962.12ലും നിഫ്റ്റി 88.70 പോയന്റ് നഷ്ടത്തില്‍ 17,304ലുമാണ് വ്യാപാരം അവസാനിപ്പിച്ചത്.
എട്ടാമത്തെ ദിവസമാണ് വിപണി നഷ്ടത്തില്‍ ക്ലോസ് ചെയ്യുന്നത്. വന്‍കിട ഓഹരികളാണ് പ്രധാനമായും വില്പന സമ്മര്‍ദം നേരിട്ടത്. ഡിസംബര്‍ പാദത്തിലെ ജിഡിപി കണക്കുകള്‍ പുറത്തുവരാനിരിക്കെ വിപണിയിലുണ്ടായ സമ്മര്‍ദമാണ് സൂചികകള്‍ക്ക് തിരിച്ചടിയായത്.
സിപ്ല, ഹിന്‍ഡാല്‍കോ ഇന്‍ഡസ്ട്രീസ്, ഡോ.റെഡ്ഡീസ് ലാബ്, ഒഎന്‍ജിസി, ടാറ്റ സ്റ്റീല്‍ തുടങ്ങിയ ഓഹരികള്‍ നഷ്ടത്തിലും അദാനി എന്റര്‍പ്രൈസസ്, അദാനി പോര്‍ട്‌സ്, ഏഷ്യന്‍ പെയിന്റ്‌സ്, ബ്രിട്ടാനിയ ഇന്‍ഡസ്ട്രീസ്, പവര്‍ഗ്രിഡ് കോര്‍പ് തുടങ്ങിയ ഓഹരികള്‍ നേട്ടത്തിലുമായിരുന്നു.
സെക്ടറല്‍ സൂചികകളില്‍ പവര്‍, റിയാല്‍റ്റി സൂചികകള്‍ ഒരുശതമാനം വീതം ഉയര്‍ന്നു. മെറ്റല്‍, ഹെല്‍ത്ത്‌കെയര്‍, ഓയില്‍ ആന്‍ഡ് ഗ്യാസ്, ഐടി സൂചികകള്‍ 1-2ശതമാനം താഴുകയും ചെയ്തു. ബിഎസ്ഇ മിഡ്ക്യാപ്, സ്‌മോള്‍ ക്യാപ് സൂചികകളാകട്ടെ നേട്ടത്തിലാണ് വ്യാപാരം അവസാനിപ്പിച്ചത്.
Content Highlights: Nifty ends around 17,300, Sensex falls 326 pts
Also Watch
RELATED STORIES
.jpg?$p=07695fc&f=1x1&w=100&q=0.8)
.jpg?$p=d83648f&f=1x1&w=100&q=0.8)
IN CASE YOU MISSED IT
.jpg?$p=07695fc&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..