Photo:AFP
മുംബൈ: വിദേശ നിക്ഷേപകരുടെ സാന്നിധ്യം ശക്തമായിട്ടും രണ്ടാം ദിവസവും വിപണി തകര്‍ച്ച നേരിട്ടു. രണ്ട് വ്യാപാര ദിനങ്ങളിലായി സെന്‍സെക്‌സിന് 900 പോയന്റോളം നഷ്ടമായി. ബുധനാഴ്ച വ്യാപാരത്തിനിടെ സെന്‍സെക്‌സും നിഫ്റ്റിയും 0.7ശതമാനത്തോളം ഇടിഞ്ഞ് യഥാക്രമം 61,466ലും 18,158ലുമെത്തി.
യുഎസിലെ കടത്തിന്റെ പരിധി ഉയര്‍ത്തുന്നത് സംബന്ധിച്ച ചര്‍ച്ചകളും ഡോളര്‍ സൂചികയിലെ ഉയര്‍ച്ചയുമാണ് ആഭ്യന്തര വിപണിയെ ബാധിച്ചത്. മാതൃ വിപണിയായ യുഎസില്‍ വന്‍തോതില്‍ ലാഭമെടുപ്പിന് അതിടയാക്കി. റീട്ടെയില്‍ ഭീമനായ ഹോം ഡിപ്പോയുടെ പ്രവര്‍ത്തനഫലം പ്രതീക്ഷയ്‌ക്കൊത്ത് ഉയരാതിരുന്നതും നഷ്ടത്തിന്റെ ഗ്രാഫുയര്‍ത്തി.
ജൂണിലെ സമയപരിധി അടുത്തതിനാല്‍ കടത്തിന്റെ പരിധി ഉയര്‍ത്താതിരുന്നാലുള്ള പ്രത്യാഘാതങ്ങളെക്കുറിച്ച് യുഎസ് ട്രഷറി സെക്രട്ടറി ജാനറ്റ് യെല്ലന്‍ നല്‍കിയ മുന്നറിയിപ്പാണ് വിപണിയില്‍ പ്രതിഫലിച്ചത്. വ്യാപാര ദിനത്തിലുടനീളം കനത്ത ചാഞ്ചാട്ടമാണ് രാജ്യത്തെ സൂചികകള്‍ നേരിട്ടത്.
ബാങ്ക്, ധനകാര്യ സേവനം, ഐടി, റിയാല്‍റ്റി, മീഡിയ തുടങ്ങിയ സൂചികകളാണ് കൂടുതല്‍ താഴ്ന്നത്. നിഫ്റ്റി ബാങ്ക്, നിഫ്റ്റി പി.എസ്.യു ബാങ്ക് എന്നിവ ഒരു ശതമാനം താഴ്ന്നു. കനാറ ബാങ്ക്, യൂണിയന്‍ ബാങ്ക് ഓഫ് ഇന്ത്യ, പഞ്ചാബ് ആന്‍ഡ് സിന്‍ഡ് ബാങ്ക്, ഇന്ത്യ ബാങ്ക് എന്നീ ഓഹരികള്‍ 1-2ശതമാനം നഷ്ടംനേരിട്ടു. ബിഎസ്ഇ മിഡ്ക്യാപ്, സ്‌മോള്‍ ക്യാപ് സൂചികകളും നഷ്ടമുണ്ടാക്കി.
Content Highlights: Nifty below 18,200, Sensex down 400 points
Also Watch
RELATED STORIES
Premium
IN CASE YOU MISSED IT
Premium
Explainer
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..