പ്രതീകാത്മകചിത്രം | Photo: Mukesh Gupta Reuters
മൈക്രോ ക്യാപ് വിഭാഗത്തില്‍ മികച്ച പ്രകടനം കാഴ്ചവെച്ച് അഞ്ജനി ഫുഡ്‌സിന്റെ ഓഹരി. ആറുമാസത്തിനിടെ കമ്പനിയുടെ ഓഹരി നല്‍കിയ നേട്ടം 812ശതമാനമാണ്. ജൂണ്‍ ഒന്നിന് 10.74 നിലാവരത്തിലായിരുന്ന ഓഹരിയുടെ വില ഡിസംബര്‍ ഏഴിന് 98 നിലവാരത്തിലേയ്ക്കാണ് ഉയര്‍ന്നത്.
ഈ കാലയളവില്‍ സെന്‍സെക്‌സ് ഉയര്‍ന്നത് ശരാശരി 35ശതമാനമാണ്. ഒരു ലക്ഷം രൂപ ആറുമാസംമുമ്പ് അഞ്ജനി ഫുഡ്‌സില്‍ നിക്ഷേപിച്ചിരുന്നുവെങ്കില്‍ ഇപ്പോഴത് 9.12 ലക്ഷമാകുമായിരുന്നു.
എക്കാലത്തെയും ഉയര്‍ന്ന നിലവാരത്തിലാണ് കമ്പനിയുടെ ഓഹരി വിലയെത്തയിരിക്കുന്നത്. 96.10 നിലാവരത്തിലായിരുന്നു കഴിഞ്ഞ വ്യാപാരദിനത്തില്‍ ബിഎസ്ഇയില്‍ ഓഹരി ക്ലോസ് ചെയ്തത്. കോവിഡ് വ്യാപനത്തിനുശേഷം മികച്ച തിരിച്ചുവരവുനടത്തിയതാണ് അഞ്ജനി ഫുഡ്‌സിന്റെ ഓഹരി വിലയില്‍ കുതിപ്പുണ്ടാകാനിടയാക്കിയത്.
മുന്‍പാദത്തെ അപേക്ഷിച്ച് 20.53ശതമാനംവിറ്റുവരവാണ് കമ്പനി നേടിയത്. 6.04 കോടിയില്‍നിന്ന് 7.28 കോടിയായി വരുമാനംകൂടി. അതേസമയം അറ്റാദായത്തില്‍ നേരിയ കുറവുണ്ടായി. ആദ്യപാദത്തില്‍ 0.41 കോടിയായിരുന്നു ലാഭമെങ്കില്‍ രണ്ടാം പാദത്തില്‍ ഇത് 0.38 കോടിയായി കുറഞ്ഞു.
ധനകാര്യ സ്ഥാപനങ്ങളോ മ്യൂച്വല്‍ ഫണ്ടുകളോ അഞ്ജനി ഫുഡ്‌സില്‍ നിക്ഷേപിച്ചിട്ടില്ല. 75ശതമാനം ഓഹരികളും പ്രൊമോട്ടര്‍മാരുടെ കൈവശമാണ്. റീട്ടെയില്‍ നിക്ഷേപകരുടെ കൈവശം 25ശതമാനവും.
.jpg?$p=d83648f&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..