ആധാര്‍ നിര്‍ബന്ധമാക്കിയ പത്ത് കാര്യങ്ങള്‍
1/11
ആധാര്‍ ജീവിതത്തിന്റെ ഭാഗമാകുകയാണ്. ആധാറില്ലാതെ സാമ്പത്തിക ഇടപാടുകളോ ക്രയവിക്രയങ്ങളോ സാധ്യമല്ലാതായിരിക്കുന്നു. ഓഹരികളും മ്യൂച്വല്‍ ഫണ്ടുകളും വാങ്ങുന്നതിനും ആധാര്‍ നിര്‍ബന്ധമക്കാനൊരുങ്ങുകയാണ് സര്‍ക്കാര്‍. ആധാര്‍ ആവശ്യമുള്ള 10 ഇടപാടുകളെക്കുറിച്ച് അറിയാം.
2/11
ബാങ്ക് അക്കൗണ്ട്
ബാങ്ക് അക്കൗണ്ട് തുടങ്ങുന്നതിന് ആധാര്‍ ഇതിനകം നിര്‍ബന്ധമാക്കിയിട്ടുണ്ട്. നിലവില്‍ അക്കൗണ്ടുള്ളവരും ആധാര്‍ നമ്പര്‍ ബാങ്കില്‍ നല്‍കണം. 50,000 രൂപയോ അതിന് മുകളിലോ ഉള്ള പണമിടപാടുകള്‍ക്ക് ആധാര്‍ നിര്‍ബന്ധവുമാണ്.
3/11
ആദായ നികുതി റിട്ടേണ്‍
ഇന്‍കം ടാക്‌സ് റിട്ടേണ്‍ ഫയല്‍ ചെയ്യുന്നതിന് ആധാര്‍ ലിങ്ക് ചെയ്യുന്നത് നിര്‍ബന്ധമാക്കി.
4/11
പാന്‍ കാര്‍ഡ്
പെര്‍മനെന്റ് അക്കൗണ്ട് നമ്പര്‍(പാന്‍)ലഭിക്കുന്നതിന് അപേക്ഷിക്കുമ്പോള്‍ ആധാര്‍ നമ്പര്‍ നിര്‍ബന്ധമായും നല്‍കണം. നിലവില്‍ പാന്‍ ഉള്ളവര്‍ ആധാറുമായി ലിങ്ക് ചെയ്യുകയും വേണം.
5/11
ഇപിഎഫ് അക്കൗണ്ട്
പ്രൊവിഡന്റ് ഫണ്ട് അക്കൗണ്ട് ആധാറുമായി ലിങ്ക് ചെയ്യുന്നത് എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷന്‍ നിര്‍ബന്ധമാക്കിയിട്ടുണ്ട്.
6/11
മൊബൈല്‍ ഫോണ്‍ നമ്പര്‍
പുതിയ ഫോണ്‍ നമ്പര്‍ ലഭിക്കണമെങ്കില്‍ ആധാര്‍ നിര്‍ബന്ധമാണ്. നിലവിലുള്ള മൊബൈല്‍ ഫോണ്‍ നമ്പറുകള്‍ ആധാറുമായി ലിങ്ക് ചെയ്യുകയും വേണം.
7/11
സ്‌കോളര്‍ഷിപ്പുകള്‍
കേന്ദ്ര സര്‍ക്കാരിന്റെയോ മറ്റോ സ്‌കോളര്‍ഷിപ്പുകള്‍ക്കോ സാമ്പത്തിക സഹായങ്ങള്‍ക്കോ വിദ്യാര്‍ഥികള്‍ അപേക്ഷിക്കുമ്പോള്‍ ആധാര്‍ നമ്പര്‍ നിര്‍ബന്ധമായും ചേര്‍ക്കണം.
8/11
പാസ്‌പോര്‍ട്ട്
പാസ്‌പോര്‍ട്ടിന് അപേക്ഷിക്കുമ്പോള്‍ നിര്‍ബന്ധമായും നല്‍കേണ്ട രേഖകളിലൊന്നാണ് ആധാര്‍. ആധാറില്ലാതെ നിങ്ങള്‍ക്ക് പാസ്‌പോര്‍ട്ട് ലഭിക്കില്ല.
9/11
റെയില്‍വേ യാത്രാ സൗജന്യം
വ്യാപകമായി ദുരുപയോഗം ചെയ്യുന്നതിനാല്‍ റെയില്‍വെയില്‍ യാത്ര സൗജന്യം ആവശ്യമാണെങ്കില്‍ ആധാര്‍ നമ്പര്‍ നിര്‍ബന്ധമാണ്.
10/11
സ്‌കൂള്‍ ഉച്ചഭക്ഷണം
സര്‍ക്കാര്‍ സഹായത്തോടെ പ്രവര്‍ത്തിക്കുന്ന സ്‌കൂളുകളില്‍ സൗജന്യ ഉച്ചഭക്ഷണം ലഭിക്കണമെങ്കില്‍ വിദ്യാര്‍ഥികള്‍ ആധാര്‍ വിവരങ്ങള്‍ നല്‍കണം.
11/11
സര്‍ക്കാര്‍ ആനുകൂല്യങ്ങള്‍
സര്‍ക്കാരിന്റെ വിവിധ ആനുകൂല്യങ്ങള്‍, സബ്‌സിഡി എന്നിവ ലഭിക്കണമെങ്കില്‍ ആധാര്‍ നിര്‍ബന്ധമാണ്. റേഷന്‍ കാര്‍ഡിനും കേന്ദ്ര സര്‍ക്കാരിന്റെ വിവിധ ക്ഷേമ പദ്ധതികള്‍ക്കും ആധാര്‍ നിര്‍ബന്ധമാണ്.
