ബാങ്കുകള്‍ എഫ്ഡി നിരക്ക് കൂട്ടി: 8.25ശതമാനം വരെ പലിശ ലഭിക്കും


Money Desk

വിലക്കയറ്റത്തിന്റെ നാളുകളില്‍ സ്ഥിര വരുമാനം തേടുന്നവര്‍ക്ക് ആശ്വാസമായി ബാങ്കുകള്‍ പലിശ നിരക്ക് ഉയര്‍ത്തിതുടങ്ങി.

ഫോട്ടോ: അരുൺ പയ്യടിമീത്തൽ| മാതൃഭൂമി

റിപ്പോ നിരക്ക് വര്‍ധനവിന് ആനുപാതികമായി ബാങ്കുകളും നിക്ഷേപ പലിശ ഉയര്‍ത്തി തുടങ്ങി. പൊതുമേഖലയിലെയും സ്വകാര്യ മേഖലയിലെയും വന്‍കിട ബാങ്കുകള്‍ നേരിയതോതിലാണ് വര്‍ധന പ്രഖ്യാപിച്ചതെങ്കില്‍ ചെറുകിട ബാങ്കുകള്‍ എട്ടുശതമാനത്തിന് മുകളിലേയ്ക്ക് പലിശ ഉയര്‍ത്തി. സഹകരണ ബാങ്കുകളും നിക്ഷേപ പലിശ വര്‍ധിപ്പിച്ചു.

സ്‌മോള്‍ ഫിനാന്‍സ് ബാങ്കുകള്‍
സ്‌മോള്‍ ഫിനാന്‍സ് ബാങ്കായ ഫിന്‍കെയര്‍ മുതിര്‍ന്ന പൗരന്മാര്‍ക്ക് 1000 ദിവസത്തെ സ്ഥിര നിക്ഷേപത്തിന് 8.25ശതമാനം പലിശയാണ് വാഗ്ദാനം ചെയ്യുന്നത്. മറ്റുള്ളവര്‍ക്ക് 7.75ശതമാനവും പലിശ ലഭിക്കും. ഇക്വിറ്റാസ് സ്‌മോള്‍ ഫിനാന്‍സ് ബാങ്ക് ആകട്ടെ 888 ദിവസത്തെ നിക്ഷേപത്തിന് 7.50ശതമാനം പലിശ നല്‍കും. മുതിര്‍ന്ന പൗരന്മാര്‍ക്കാകട്ടെ അര ശതമാനം അധിക പലിശ വാഗ്ദാനം ചെയ്യുന്നുണ്ട്. ഇസാഫ് സ്‌മോള്‍ ഫിനാന്‍സ് ബാങ്ക് രണ്ടു വര്‍ഷത്തിന് മുകളില്‍ മൂന്നു വര്‍ഷംവരെയുള്ള സ്ഥിര നിക്ഷേപത്തിന് 7.25ശതമാനം പലിശയാണ് നല്‍കുന്നത്. മുതിര്‍ന്ന പൗരന്മാര്‍ക്ക് 7.75ശതമാനം പലിശയും ലഭിക്കും.



സഹകരണ ബാങ്കുകള്‍
കേരളത്തിലെ സഹകരണ മേഖലയിലയില്‍ മുക്കാല്‍ ശതമാനംവരെയാണ് പലിശ വര്‍ധന. കേരള ബാങ്കില്‍ രണ്ടു വര്‍ഷവും അതിനു മുകളിലുമുള്ള നിക്ഷേപ പലിശ നിലവിലെ ആറില്‍നിന്ന് 6.75ശതമാനമായി കൂട്ടി. മറ്റ് സഹകരണ ബാങ്കുകള്‍ ഒരുവര്‍ഷത്തിന് മുകളിലുള്ള പലിശ 7.75ശതമാനവുമാക്കി. മുതിര്‍ന്ന പൗരന്മാര്‍ക്ക് അരശതമാനം അധിക പലിശയും ലഭിക്കും.

എസ്ബിഐ
എല്ലാ കാലയളവിലുമുള്ള സ്ഥിര നിക്ഷേപങ്ങള്‍ക്ക് 20 ബേസിസ് പോയന്റിന്റെ വര്‍ധനവാണ് എസ്ബിഐ പ്രഖ്യാപിച്ചത്. ഒക്ടോബര്‍ 15 മുതലാണ് പ്രാബല്യം. ഇതുപ്രകാരം ഒരു വര്‍ഷം മുതല്‍ രണ്ടുവര്‍ഷംവരെയുള്ള കാലയളവില്‍ 5.6ശതമാനമാണ് പലിശ ലഭിക്കുക. മുതിര്‍ന്ന പൗരന്മാര്‍ക്കാകട്ടെ 6.1ശതമാനവും. രണ്ടു മുതല്‍ മൂന്നു വര്‍ഷം വരെയുള്ള നിക്ഷേപങ്ങള്‍ക്ക് 5.65 ശതമാനമാണ് പലിശ. മുതിര്‍ന്ന പൗരന്മാര്‍ക്ക് 6.15ശതമാനവും ലഭിക്കും.

എച്ച്ഡിഎഫ്‌സി ബാങ്ക്
തിരഞ്ഞെടുത്ത കാലയളവിലെ നിക്ഷേപങ്ങള്‍ക്ക് അര ശതമാനംവരെ വര്‍ധനവാണ് എച്ച്ഡിഎഫ്‌സി ബാങ്ക് പ്രഖ്യാപിച്ചിട്ടുള്ളത്. ആറു മാസം മുതല്‍ 10 വര്‍ഷംവരെയുള്ള നിക്ഷേപങ്ങള്‍ക്ക് 4.75ശതമാനം മുതല്‍ 6.75ശതമാനംവരെ പലിശ ലഭിക്കും. 39 മാസത്തെ നിക്ഷേപത്തിനാണ് പരമാവധി പലിശയായ 6.10ശതമാനം നല്‍കുന്നത്. മുതിര്‍ന്ന പൗരന്മാര്‍ക്ക് 6.60ശതമാനവും പലിശ ഈ കാലയളവില്‍ ലഭിക്കും.

ആക്‌സിസ് ബാങ്ക്
മുക്കാല്‍ ശതമാനംവരെ പലിശയാണ് ആക്‌സിസ് ബാങ്ക് കൂട്ടിയത്. ഇതുപ്രകാരം ഒരു വര്‍ഷം മുതല്‍ 15 മാസംവരെയുള്ള നിക്ഷേപങ്ങള്‍ക്ക് 6.10ശതമാനം പലിശ ലഭിക്കും. 15-24 മാസക്കാലാവധിയുള്ള നിക്ഷേപത്തിന്റെ പലിശ 6.15ശതമാനമാണ്. രണ്ടുവര്‍ഷം മുതല്‍ മുന്നുവര്‍ഷം വരെ കാലാവധിയുള്ള നിക്ഷേപങ്ങള്‍ക്ക് 6.20ശതമാനവും റിട്ടേണ്‍ ലഭിക്കും. മുതിര്‍ന്ന പൗരന്മാര്‍ക്കാകട്ടെ പരമാവധി 6.90ശതമാനംവരെയാണ് പലിശ ലഭിക്കുക.

യെസ് ബാങ്ക്
യെസ് ബാങ്ക് പ്രഖ്യാപിച്ച പ്രത്യേക നിരക്ക് പ്രകാരം സ്ഥിര നിക്ഷേപത്തിന് പരമാവധി 6.75ശമതാനമാണ് പലിശ. മുതിര്‍ന്ന പൗരന്മാര്‍ക്കാകട്ടെ 7.75ശതമാനവും ലഭിക്കും. 20 മാസം മുതല്‍ 22 മാസംവരെയാണ് നിക്ഷേപ കലാവധി.

Also Read
പാഠം 183

ഭവന വായ്പാ പലിശ 'സീറോ': ബദൽ നിക്ഷേപത്തിലൂടെ ...

കറൻസികളുടെ മൂല്യമിടിവ് തടയാൻ ഏഷ്യൻ രാജ്യങ്ങൾ ...

ഫെഡറല്‍ ബാങ്ക്
700 ദിവസ കാലയളവിലെ സ്ഥിര നിക്ഷേപത്തിന് ഫെഡറല്‍ ബാങ്ക് ഏഴ് ശതമാനമാണ് പലിശ നല്‍കുന്നത്. മുതര്‍ന്ന പൗരന്മാര്‍ക്ക് 7.50ശതമാനവും പലിശ ലഭിക്കും.

നിക്ഷേപം, വ്യക്തിഗത സമ്പാദ്യം എന്നിവ സംബന്ധിച്ച വാര്‍ത്തകളും വിശകലനങ്ങളും അറിയാന്‍ Join Whatsaapp group

ടെലഗ്രാം ഗ്രൂപ്പ് ലിങ്ക്‌

Content Highlights: Banks hike FD rates up to 8.25%


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented