Photo:Gettyimages
സ്ഥിര നിക്ഷേപ പദ്ധതികളില്‍ ജനപ്രിയമാണ് ലഘു സമ്പാദ്യ പദ്ധതികള്‍. ഉയര്‍ന്ന ആദായവും സര്‍ക്കാര്‍ ഗ്യാരണ്ടിയുമൊക്കെയാണ് ഈ പദ്ധതികളെ ജനകീയമാക്കിയത്. ഗ്രാമങ്ങളില്‍പോലും പോസ്റ്റ് ഓഫീസ് വഴി നിക്ഷേപം നടത്താമെന്നതും നിക്ഷേപകരെ ആകര്‍ഷിച്ചു.
വിരമിക്കുമ്പോള്‍ ലഭിക്കുന്ന തുക നിക്ഷേപിക്കാനായി മിക്കവാറും പേര്‍ ആദ്യം പരിഗണിക്കുക സീനിയര്‍ സിറ്റിസണ്‍ സേവിങ്‌സ് സ്‌കീമാണ്. 2023ലെ ബജറ്റില്‍ നിക്ഷേപിക്കാവുന്ന പരമാവധി തുക 15 ലക്ഷത്തില്‍നിന്ന് 30 ലക്ഷമാക്കി.
പ്രതിമാസ വരുമാന പദ്ധതി(എം.ഐ.എസ്)യുടെ നിക്ഷേപ പരിധിയാകട്ടെ 4.5 ലക്ഷത്തില്‍നിന്ന് ഒമ്പതു ലക്ഷമായും ഉയര്‍ത്തിയിട്ടുണ്ട്. 2023 ഏപ്രില്‍ ഒന്നുമുതലാണ് പുതിയ വ്യവസ്ഥ ബാധകമാകുക.
ഉയര്‍ന്ന ആദായം ലഭിക്കുന്ന പദ്ധതികള്‍
സീനിയര്‍ സിറ്റിസണ്‍ സേവിങ്‌സ് സ്‌കീം
പലിശ 8 ശതമാനം
60വയസ്സിന് മുകളിലുള്ളവര്‍ക്ക് നിക്ഷേപം നടത്താം. 55 വയസ്സില്‍ വിരമിച്ചവര്‍ക്കും നിക്ഷേപത്തിന് അവസരമുണ്ട്. അഞ്ചു വര്‍ഷമാണ് കാലയളവ്. മൂന്നുവര്‍ഷംകൂടി കാലാവധി നീട്ടുകയുമാകാം.
30 ലക്ഷം രൂപ പദ്ധതിയില്‍ നിക്ഷേപിച്ചാല്‍ കാലാവധി(അഞ്ചുവര്‍ഷം)എത്തുമ്പോള്‍ മൊത്തം 12,00,000 രൂപ പലിശ ലഭിച്ചിട്ടുണ്ടാകും. മൂന്നുമാസം കൂടുമ്പോഴാണ് പലിശ പിന്‍വലിക്കാന്‍ കഴിയുക. ഇതുപ്രകാരം 60,000 രൂപ ലഭിക്കും.
സുകന്യ സമൃദ്ധി
പലിശ 7.6ശതമാനം
പെണ്‍കുട്ടികളുടെ ക്ഷേമത്തിനായി കേന്ദ്ര സര്‍ക്കാര്‍ അവതരിപ്പിച്ച പദ്ധതിയാണ് സുകന്യ സമൃദ്ധി. പത്ത് വയസ്സിന് താഴെയുള്ള കുട്ടിയുടെ പേരില്‍ രക്ഷാകര്‍ത്താവിന് അക്കൗണ്ട് തുടങ്ങാം.
അഞ്ചുവയസ്സില്‍ പദ്ധതിയില്‍ ചേര്‍ന്ന് മാസം 5,000 രൂപ വീതം അടച്ചാല്‍ കാലാവധിയെത്തുമ്പോള്‍ 25,46,062 രൂപയാണ് ലഭിക്കുക.
കിസാന്‍ വികാസ് പത്ര
പലിശ 7.2ശതമാനം
ജനപ്രിയ പോസ്റ്റ് ഓഫീസ് നിക്ഷേപ പദ്ധതിയാണ് കിസാന്‍ വികാസ് പത്ര. ആയിരും രൂപയാണ് ചുരുങ്ങിയ നിക്ഷേപം. പരമാവധി എത്രതുകവേണമെങ്കിലും നിക്ഷേപിക്കാം. 125 മാസമാണ് നിക്ഷേപ കാലയളവ്.
പദ്ധതിയില്‍ ഒരു ലക്ഷം രൂപ നിക്ഷേപിച്ചാല്‍ കാലാധവി(10 വര്‍ഷവും അഞ്ച് മാസവും)എത്തുമ്പോള്‍ രണ്ടു ലക്ഷം രൂപ ലഭിക്കും.
പിപിഎഫ്
പലിശ 7.1 ശതമാനം
ബാങ്കുവഴിയും പോസ്റ്റ് ഓഫീസ് വഴിയും പബ്ലിക് പ്രൊവിഡന്റ് ഫണ്ടില്‍ നിക്ഷേപിക്കാം. 15 വര്‍ഷമാണ് നിക്ഷേപ കാലയളവ്. കാലാവധി പൂര്‍ത്തിയായാല്‍ അഞ്ചു വര്‍ഷം വീതം നീട്ടാനും അനുവദിക്കും. സാമ്പത്തിക വര്‍ഷം 1.50 ലക്ഷം രൂപവരെയാണ് നിക്ഷേപിക്കാന്‍ കഴിയുക.
പ്രതിമാസം 5,000 രൂപ വീതം നിക്ഷേപിച്ചാല്‍ കാലാവധി(15 വര്‍ഷം)യെത്തുമ്പോള്‍ 16,27,284 രൂപ ലഭിക്കും. 20 വര്‍ഷംവരെ നിക്ഷേപ തുടര്‍ന്നാല്‍ 26,63,315 രൂപയുമാണ് ലഭിക്കുക.
നാഷണല്‍ സേവിങ്‌സ് സര്‍ട്ടിഫിക്കറ്റ്
പലിശ 7 ശതമാനം
പോസ്റ്റ് ഓഫീസ് വഴി നിക്ഷേപിക്കാവുന്ന പദ്ധതിയാണ് എന്‍.എസ്.സി. ചുരുങ്ങിയ നിക്ഷേപം 100 രൂപയാണ്. പരമാവധി എത്രരൂപവേണമെങ്കിലും നിക്ഷേപിക്കാം. അഞ്ചുവര്‍ഷമാണ് നിക്ഷേപ കാലയളവ്.
നിലവിലെ പലിശ പ്രകാരം ഒരു ലക്ഷം രൂപ നിക്ഷേപിച്ചാല്‍ കാലാവധിയെത്തുമ്പോള്‍ 1,40,255 രൂപ ലഭിക്കും.
Content Highlights: 5 government guaranteed investment schemes with high returns
Also Watch
RELATED STORIES
Premium
Premium
Premium
IN CASE YOU MISSED IT
Premium
Premium
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..