Photo: Gettyimages
രാജ്യത്തെ മ്യൂച്വല്‍ ഫണ്ടുകള്‍ കൈകാര്യം ചെയ്യുന്ന മൊത്തം ആസ്തി ഇതാദ്യമായി 40 ലക്ഷം കോടി രൂപ പിന്നിട്ടു. കോവിഡിനുശേഷമുണ്ടായ വിപണിയുടെ മുന്നേറ്റവും ചെറുകിട നിക്ഷേപകരുടെ വന്‍തോതിലുള്ള പങ്കാളിത്തവുമാണ് ആസ്തിയില്‍ കുതിപ്പുണ്ടാക്കിയത്.
രണ്ടു വര്‍ഷം കൊണ്ടാണ് 30 ലക്ഷം കോടി രൂപയില്‍നിന്ന് 40 ലക്ഷം കോടിയിലേയ്‌ക്കെ് ആസ്തി ഉയര്‍ന്നത്. മുമ്പ് 10 ലക്ഷം കോടിയാകാന്‍ മൂന്നുവര്‍ഷത്തിലേറെ കാലയളവ് വേണ്ടിവന്നിരുന്നു.
2014 മെയിലെ കണക്കുപ്രകാരം ഫണ്ടുകളുടെ മൊത്തം ആസ്തി 10 ലക്ഷം കോടി രൂപയായിരുന്നു. 2017 ഓഗസ്റ്റിലെത്തിയപ്പോള്‍ 20 ലക്ഷം കോടിയായി. 2020 നവംബറില്‍ 30 ലക്ഷം കോടിയും.
നവംബര്‍ അവസാനത്തെ കണക്കുപ്രകാരം മുന്‍നിരയിലെ അഞ്ച് ഫണ്ട് ഹൗസുകളുടെ ആസ്തി വിഹിതം 55ശതമാനമായിരുന്നു. 7.1 ലക്ഷം കോടി രൂപ കൈകാര്യം ചെയ്യുന്ന എസ്ബിഐ മ്യൂച്വല്‍ ഫണ്ടാണ് ആസ്തിയില്‍ മുന്നില്‍. ഐസിഐസിഐ മ്യൂച്വല്‍ ഫണ്ട് 4.9 ലക്ഷം കോടിയോടെ രണ്ടാം സ്ഥാനത്തുണ്ട്.
എച്ച്ഡിഎഫ്‌സി, നിപ്പോണ്‍ ഇന്ത്യ, കൊട്ടക് എന്നീ എഎംസികളാണ് ആസ്തിയുടെ കാര്യത്തില്‍ ആദ്യ അഞ്ച് സ്ഥാനങ്ങളിലുള്ളത്. ഇവരെല്ലാംകൂടി കൈകാര്യം ചെയ്യുന്നത് 22.3 ലക്ഷം കോടി രൂപയാണ്. ഓഹരി അധിഷ്ഠിത പദ്ധതികളില്‍ 15.5 ലക്ഷം കോടിയും ഡെറ്റ് ഫണ്ടുകളില്‍ 12.5 ലക്ഷം കോടി രൂപയും.
Content Highlights: Mutual fund assets cross Rs 40-trillion
Also Watch
RELATED STORIES
Premium
Premium
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..