.jpg?$p=99d15b5&f=16x10&w=852&q=0.8)
ICICI AMC
മുംബൈ: ഐ.സി.ഐ.സി.ഐ മ്യൂച്വല്‍ ഫണ്ട്, ഐ.സി.ഐ.സി.ഐ പ്രൂഡന്‍ഷ്യല്‍ ഇന്നൊവേഷന്‍ ഫണ്ട് അവതരിപ്പിച്ചു. ഓഹരി, ഇക്വിറ്റിയുമായി ബന്ധപ്പെട്ട സെക്യൂരിറ്റികള്‍, ആഗോള മ്യൂച്വല്‍ ഫണ്ടുകള്‍, ഇ.ടി.എഫുകള്‍ തുടങ്ങിയവയില്‍ നിക്ഷേപിക്കുന്ന ഓപ്പണ്‍ എന്‍ഡഡ് സ്‌കീമാണിത്. എന്‍.എഫ്.ഒ ഏപ്രില്‍ 24ന് അവസാനിക്കും.
നൂതന ആശയങ്ങള്‍ കൊണ്ടുവരുന്ന കമ്പനികളില്‍ നിക്ഷേപിച്ച്‌ മികച്ച നേട്ടമുണ്ടാക്കുകയെന്നതാണ് ഫണ്ടിന്റെ ലക്ഷ്യം. ഉത്പാദനം, സേവനം എന്നിവയുമായി ബന്ധപ്പെട്ട പുതിയ ആശയങ്ങളുള്ള കമ്പനികളില്‍ അനുയോജ്യമായ അവസരങ്ങളുടെ അടിസ്ഥാനത്തില്‍ വ്യത്യസ്ത വിപണിമൂല്യത്തിലുള്ള ഓഹരികളില്‍ നിക്ഷേപിക്കുന്നതാണ് ഫണ്ടിന്റെ നിക്ഷേപ തന്ത്രം.
നൂതന ആശയങ്ങളും നവീകരണ തന്ത്രങ്ങളും തീമുകളും പിന്തുടരുന്ന രാജ്യത്തെയും വിദേശത്തെയും ഓഹരികളിലും സെക്യൂരിറ്റികളിലുമാണ് 80ശതമാനം നിക്ഷേപവും. സെക്ടറുകളുടെയും വിപണിമൂല്യത്തിന്റെയും ചട്ടക്കൂട് ഉണ്ടാവില്ല. അറ്റ ആസ്തിയുടെ 20ശതമാനംവരെ എ.ഡി.ആര്‍, ജി.ഡി.ആര്‍, വിദേശ സെക്യൂരിറ്റികള്‍, മ്യൂച്വല്‍ ഫണ്ടുകള്‍, ഇടിഎഫുകള്‍ എന്നിവയിലും നിക്ഷേപം നടത്തും.
അനീഷ് തവക്ലെയും വൈഭവ് ദുസാദുമാണ് സ്‌കീം കൈകാര്യം ചെയ്യുന്നത്. ശര്‍മിള ഡി മെല്ലോ വിദേശ നിക്ഷേപം മാനേജ് ചെയ്യും. നിഫ്റ്റി 500 ടിആര്‍ഐ ആണ് സ്‌കീമിന്റെ ബെഞ്ച്മാര്‍ക്ക്.
Content Highlights: ICICI Prudential Mutual Fund launches ICICI Prudential Innovation Fund NFO
Also Watch
RELATED STORIES
IN CASE YOU MISSED IT
Premium
.jpg?$p=cce9be6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..