.jpg?$p=cce9be6&f=16x10&w=852&q=0.8)
.
മുംബൈ: ലാര്‍ജ് ക്യാപ് കാറ്റഗറിയല്‍ 37,016 കോടി രൂപയുടെ ആസ്തി കൈകാര്യം ചെയ്യുന്ന ഐ.സി.ഐ.സിഐ ബ്ലൂചിപ് ഫണ്ട് 15 വര്‍ഷം പൂര്‍ത്തിയാക്കി. ആഗോള സാമ്പത്തിക പ്രതിസന്ധിക്കിടെ 2008 മെയ് 31നാണ് ഫണ്ട് നിക്ഷേപത്തിനായി തുറന്നുകൊടുത്തത്.
മൂന്ന്, അഞ്ച്, പത്ത് വര്‍ഷ കാലയളവുകളില്‍ അടിസ്ഥാന സൂചികയേക്കാള്‍ ഉയര്‍ന്ന ആദായം നല്‍കാന്‍ ഫണ്ടിന് കഴിഞ്ഞിട്ടുണ്ട്. തുടക്കം മുതല്‍ ഇതുവരെ 13.98 ശതമാനം വാര്‍ഷിക ആദായം സ്‌കീമില്‍ നിന്ന് നിക്ഷേപകര്‍ക്ക് ലഭിച്ചു. എന്‍.എ.ഫ്.ഒ കാലയളവില്‍ 10 ലക്ഷം രൂപ നിക്ഷേപിച്ചിരുന്നുവെങ്കില്‍ ഇപ്പോള്‍ അതിന്റെ മൂല്യം 71.5 ലക്ഷമാകുമായിരുന്നു.
തുടക്കം മുതലുള്ള എസ്.ഐ.പി റിട്ടേണ്‍ 14 ശതമാനമാണ്. മാസംതോറും 10,000 രൂപ വീതം 15 വര്‍ഷം നിക്ഷേപിച്ചിരുന്നുവെങ്കില്‍ 18 ലക്ഷം രൂപയുടെ നിക്ഷേപം 56.4 ലക്ഷം രൂപയായി വളരുമായിരുന്നു.
മികച്ച ട്രാക്ക് റെക്കോഡ് ഉള്ള കമ്പനികളുടെ ഓഹരികള്‍ വാങ്ങുകയും കൈവശംവെയ്ക്കുകയും ചെയ്യുന്ന നിക്ഷേപ തന്ത്രമാണ് ഫണ്ട് പിന്തുടര്‍ന്നത്. ഗുണനിലവാരം പുലര്‍ത്തുന്ന മാനേജുമെന്റ്, മികച്ച വളര്‍ച്ചാ സാധ്യത എന്നിവയും ഓഹരികള്‍ തിരഞ്ഞെടുക്കുന്നതിനുള്ള മാനദണ്ഡമായി.
Content Highlights: ICICI Prudential Bluechip Fund completes 15 years
Also Watch
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..