പ്രതീകാത്മക ചിത്രം | Photo: REUTERS/Alyson McClaran
രാജ്യത്തെ മൊത്തവില സൂചിക അടിസ്ഥാനമാക്കിയുള്ള പണപ്പെരുപ്പ നിരക്കില്‍ കുത്തനെ ഇടിവ്. ഏപ്രിലില്‍ നെഗറ്റീവ് നിരക്കാണ് രേഖപ്പെടുത്തിയത്. -0.92 ശതമാനമായാണ് കുറഞ്ഞത്. മാര്‍ച്ചില്‍ 1.34 ശതമാനമായിരുന്നു. 2020 ജൂലായ്ക്കുശേഷം ഇതാദ്യമായാണ് മൊത്തവില പണപ്പെരുപ്പം നെഗറ്റീവ് നിരക്കിലെത്തുന്നത്.
ഉപഭോക്തൃ വില സൂചിക അടിസ്ഥാനമാക്കിയുള്ള റീട്ടെയില്‍ പണപ്പെരുപ്പം അടുത്തമാസം നാല് ശതമാനത്തിലെത്തുമെന്നാണ് വിലയിരുത്തല്‍. ഏപ്രിലില്‍ 18 മാസത്തെ താഴ്ന്ന നിലവാരമായ 4.7ശതമാനമായിരുന്നു. ഭക്ഷ്യവസ്തുക്കളുടെ വിലയിലുണ്ടായ കുറവാണ് പണപ്പെരുപ്പ നിരക്കില്‍ പ്രതിഫലിച്ചത്.
നിരക്ക് കുറയാന്‍ സാധ്യത, പലിശയും
പണപ്പെരുപ്പ നിരക്ക് ആര്‍ബിഐയുടെ ക്ഷമതാ പരിധിയായ ആറ് ശതമാനത്തിന് താഴെ തുടരുന്ന സാഹചര്യത്തില്‍ നിരക്ക് കുറയ്ക്കുന്നതിനെക്കുറിച്ചും റിസര്‍വ് ബാങ്ക് ആലോചിച്ചേക്കും. അതിന് മുന്നോടിയായാണ് കഴിഞ്ഞ തവണ നിരക്ക് വര്‍ധനവില്‍നിന്ന് താല്‍ക്കാലികമായി വിട്ടുനിന്നത്. വിലക്കയറ്റതോത് നിരീക്ഷിച്ച് കാത്തിരിക്കുകയെന്ന നിലപാടാണ് റിസര്‍വ് ബാങ്ക് കഴിഞ്ഞതവണ സ്വീകരിച്ചത്.
Also Read
ഈ രീതിയില്‍ തുടരുകയാണെങ്കില്‍ ജൂണിലെ വായ്പാ നയ യോഗത്തിലും നിരക്ക് വര്‍ധനയുണ്ടാകാന്‍ സാധ്യതയില്ല. വര്‍ഷാവസാനംവരെ നിലവിലെ സ്ഥിതി തുടര്‍ന്നേക്കും. 2022 ഏപ്രിലില്‍ പണപ്പെരുപ്പം 7.79 ശതമാനമായതിനുശേഷം റിപ്പോ നിരക്കില്‍ ഇതുവരെ 2.50ശതമാനം വര്‍ധനവാണ് പ്രഖ്യാപിച്ചത്. നിരക്ക് വര്‍ധനവിന്റെ കാലഘട്ടം കഴിയുന്നതോടെ വായ്പാ പലിശ താഴുകയും സ്ഥിരതയാര്‍ജിക്കുകയും ചെയ്യുമെന്നാണ് വിലയിരുത്തല്‍.
Content Highlights: WPI inflation falls below zero
Also Watch
RELATED STORIES
.jpg?$p=8a7b7b1&f=1x1&w=100&q=0.8)
.jpg?$p=4d20d6c&f=1x1&w=100&q=0.8)
.jpg?$p=9b9581e&f=1x1&w=100&q=0.8)
IN CASE YOU MISSED IT
Premium
.jpg?$p=ada105f&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..