Photo: Gettyimages
തുടര്‍ച്ചയായ മാസങ്ങളില്‍ പണപ്പെരുപ്പ നിരക്ക് കുറയുന്ന സാഹചര്യത്തില്‍ ഇത്തവണ ആര്‍ബിഐ നിരക്ക് വര്‍ധന കാല്‍ ശതമാനത്തില്‍ ഒതുക്കിയേക്കും. യുഎസ് കേന്ദ്ര ബാങ്കായ ഫെഡറല്‍ റിസര്‍വും നിരക്ക് വര്‍ധനവിന്റെ വേഗം കുറച്ചിരുന്നു. മൂന്നു ദിവസം നീളുന്ന ആര്‍ബിഐയുടെ പണനയ സമതിയോഗം തിങ്കളാഴ്ച ആരംഭിച്ചു. ഫെബ്രുവരി എട്ടിന് നിരക്ക് സംബന്ധിച്ച പ്രഖ്യാപനം ഉണ്ടാകും.
മൂന്നു തവണയായി 0.50ശതമാനം വീതം നിരക്കുയര്‍ത്തിയേശേഷം ഡിസംബറിലെ വര്‍ധന 0.35 ബേസിസ് പോയിന്റായി ആര്‍ബിഐ കുറച്ചിരുന്നു. കഴിഞ്ഞ മെയ് മാസത്തിനുശേഷം ഇതുവരെ റിപ്പോ നിരക്കില്‍ 2.25 ശതമാനം വര്‍ധനവാണ് പ്രഖ്യാപിച്ചത്.
അടുത്ത മാസങ്ങളില്‍കൂടി പണപ്പെരുപ്പം കുറയുന്നതോടെ നിരക്ക് സ്ഥിരതയാര്‍ജിക്കുമെന്നാണ് വിലയിരുത്തല്‍. 2023ന്റെ അവസാനത്തോടെയോ 2024ലന്റെ തുടക്കത്തിലോ നിരക്ക് കുറയ്ക്കാനും ആര്‍ബിഐ തയ്യാറായേക്കുമെന്നാണ് വിലയിരുത്തല്‍.
Also Read
ഉപഭോക്തൃ വില സൂചിക അടിസ്ഥാനമാക്കിയുള്ള പണപ്പെരുപ്പം നവംബര്‍, ഡിസംബര്‍ മാസങ്ങളില്‍ ആര്‍ബിഐയുടെ ക്ഷമതാ പരിധിയായ ആറ് ശതമാനത്തിന് താഴെയാണ്. 2022 ജനുവരി മുതല്‍ തുടര്‍ച്ചയായി മൂന്നു പാദങ്ങളില്‍ ആറ് ശതമാനത്തിന് മുകളിലായിരുന്നു.
Content Highlights: RBI likely to settle for 25 basis points repo rate hike
Also Watch
RELATED STORIES
.jpg?$p=8a7b7b1&f=1x1&w=100&q=0.8)
IN CASE YOU MISSED IT
.jpg?$p=aa62323&f=1x1&w=100&q=0.8)
.jpg?$p=3865723&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..