വാഷിങ്ടണ്‍: ടാറ്റ ഗ്രൂപ്പ് കമ്പനികളായ ടാറ്റ കണ്‍സള്‍ട്ടന്‍സി സര്‍വീസസ് (ടി.സി.എസ്.), ടാറ്റ അമേരിക്ക ഇന്റര്‍നാഷണല്‍ കോര്‍പറേഷന്‍ എന്നിവയ്ക്ക് അമേരിക്ക പിഴ ചുമത്തി. അമേരിക്കന്‍ സോഫ്‌റ്റ്വേര്‍ കമ്പനിയായ എപ്പിക് സിസ്റ്റംസിന്റെ വ്യാപാര-സാങ്കേതിക രഹസ്യങ്ങള്‍ മോഷ്ടിച്ചെന്ന കേസിലാണ് വിന്‍കോണ്‍സിന്‍ സ്റ്റേറ്റിലെ ഫെഡറല്‍ ഗ്രാന്‍ഡ് ജൂറിയുടെ വിധി.94 കോടി ഡോളറാണ് (ഏതാണ്ട് 6,300 കോടി രൂപ) പിഴ ചുമത്തിയിരിക്കുന്നത്. മോഷണം നടത്തിയതിനാണ് ഇതില്‍ 24 കോടി ഡോളര്‍ നല്‍കേണ്ടത്. നഷ്ടപരിഹാരമായാണ് 70 കോടി ഡോളര്‍. ടി.സി.എസ്സിന്റെ ഇന്ത്യയിലേയും അമേരിക്കയിലേയും ജീവനക്കാരുടെ അക്കൗണ്ടുകളിലൂടെ 6,477 രേഖകളാണ് അനധികൃതമായി ഡൗണ്‍ലോഡ് ചെയ്തത്.
എപ്പിക് സിസ്റ്റവുമായുള്ള ധാരണയില്‍ നിയമ ലംഘനങ്ങളൊന്നും നടത്തിയിട്ടില്ലെന്ന് ടി.സി.എസ്. അറിയിച്ചു. വിധിക്കെതിരെ അപ്പീല്‍ പോകുമെന്നും കമ്പനി വ്യക്തമാക്കി.
