ഉയർന്ന പ്രകൃതിവാതക വില: എണ്ണ ഉപഭോഗം കൂട്ടുന്നു


അസംസ്‌കൃത എണ്ണവില 84.60 ഡോളറായി

പ്രതീകാത്മ ചിത്രം| ഫോട്ടോ: അഖിൽ ഇ.എസ്

മുംബൈ: യൂറോപ്പ്, ചൈന എന്നിവിടങ്ങളിൽനിന്ന് ആവശ്യമുയർന്നതോടെ അന്താരാഷ്ട്രവിപണിയിൽ പ്രകൃതിവാതക വില റെക്കോഡ് നിലയിൽ. ഇതിന്റെ ചുവടുപിടിച്ച് ഉപയോക്താക്കൾ പെട്രോൾ, ഡീസൽ എന്നിവയിലേക്ക്‌ തിരിയുന്നത് അസംസ്കൃത എണ്ണവിലയും ഉയരാൻ കാരണമായി.

അന്താരാഷ്ട്രതലത്തിൽ യൂറോപ്പിലും ചൈനയിലും ഊർജ ക്ഷാമം രൂക്ഷമാണ്. ലോക് ഡൗണിനുശേഷം ആഗോളതലത്തിൽ വിപണികൾ തുറന്നതും ഇന്ധന ഉപയോഗം വർധിപ്പിച്ചു.

എണ്ണയുത്പാദനം നേരത്തേ പ്രഖ്യാപിച്ചത്ര വേഗത്തിൽ കൂട്ടേണ്ടെന്ന് ഒപെക് പ്ലസ് രാജ്യങ്ങൾ തീരുമാനിച്ചതാണ് അസംസ്കൃത എണ്ണവില ഉയരാൻ കാരണമായത്. അന്താരാഷ്ട്ര ഊർജക്ഷാമം സ്ഥിതി രൂക്ഷമാക്കി. യൂറോപ്പിൽ പ്രകൃതിവാതക ലഭ്യത കുറഞ്ഞതോടെ പെട്രോളിയം ഇന്ധനങ്ങളുടെ ഉപയോഗം കൂടി.

പ്രകൃതിവാതക വിലയിൽ 300 ശതമാനം വരെയാണ് വർധനയുണ്ടായിട്ടുള്ളത്. 2014-നു ശേഷമുള്ള ഉയർന്ന വിലയാണിത്

പ്രകൃതിവാതക ഉപയോഗം കുറയുകയും പെട്രോൾ, ഡീസൽ ഉപയോഗം കൂടുകയും ചെയ്താൽ സ്ഥിതി കൂടുതൽ രൂക്ഷമായേക്കാമെന്ന് ഈ രംഗത്തുള്ളവർ മുന്നറിയിപ്പു നൽകുന്നു. അങ്ങനെവന്നാൽ ആഗോളതലത്തിൽ അസംസ്കൃത എണ്ണയുടെ ഉപയോഗത്തിൽ ദിവസം 20 ലക്ഷം ബാരലിന്റെ വർധനയുണ്ടാകും. തണുപ്പുകാലം വരാനിരിക്കുന്നതും ആശങ്ക വർധിപ്പിക്കുന്നു. യൂറോപ്പിൽ ഏതാനും മാസം മുമ്പുതന്നെ പ്രകൃതിവാതക വില ഉയർന്നുതുടങ്ങിയിരുന്നു.

അസംസ്കൃത എണ്ണവില തിങ്കളാഴ്ച ബാരലിന് രണ്ടു ഡോളറിലധികം വർധിച്ച് 84.60 ഡോളർ വരെയെത്തി. ഏഴുവർഷത്തെ ഉയർന്ന വിലനിലവാരമാണിത്. സമീപഭാവിയിലിത് 150 മുതൽ 180 ഡോളർ വരെ എത്തിയേക്കുമെന്ന് ജെ.പി. മോർഗൻ പോലുള്ള ഏജൻസികൾ മുന്നറിയിപ്പു നൽകി.

അതിനിടെ, നൈജീരിയ എണ്ണയുത്പാദനം വർധിപ്പിക്കാൻ തയ്യാറായിട്ടുണ്ട്. അടുത്തിടെ വരുത്തിയ നിയമഭേദഗതിയുടെ ചുവടുപിടിച്ച് ഉത്പാദനം 310 ശതമാനം വരെ ഉയർത്താനാണ് തീരുമാനം. ഉത്പാദനം 13 ലക്ഷം ബാരലിൽനിന്ന് 40 ലക്ഷം ബാരൽ വരെയാക്കാനാണ് പദ്ധതി.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented