സംസ്ഥാനത്ത് സ്വര്‍ണവിലയില്‍ രണ്ടാം ദിവസവും വര്‍ധന. പവന് 240 രൂപകൂടി 37,800 രൂപയായി. 4725 രൂപയാണ് ഗ്രാമിന്.
വെള്ളിയാഴ്ച പവന് 360 രൂപൂടി 37,560 രൂപയായിരുന്നു. ഈ മാസത്തെ ഏറ്റവും ഉയര്‍ന്ന വിലയിലെത്തിയിരിക്കുയാണ് ശനിയാഴ്ച സ്വര്‍ണവില.
ആഗോള വിപണിയുടെ ചുവടുപിടിച്ചാണ് രാജ്യത്തെ സ്വര്‍ണവിലയും വര്‍ധിച്ചത്. സ്‌പോട്ട് ഗോള്‍ഡ് വിലയില്‍ ശനിയാഴ്ച 35 ഡോളറാണ് കൂടിയത്.
ഇതോടെ ഒരു ഔണ്‍സ് 24 കാരറ്റ് സ്വര്‍ണത്തിന് അന്താരാഷ്ട്ര വിപണിയില്‍ 1,930.33 ഡോളറായി ഉയര്‍ന്നു. ഡോളര്‍ ദുര്‍ബലമായതാണ് ആഗോള വിപണിയില്‍ സ്വര്‍ണ വില ഉയരാന്‍ കാരണമായത്.
