വരുമാനത്തിന്റെ കാര്യത്തില്‍ രാജ്യത്തെ ഏറ്റവുംവലിയ വാഹന നിര്‍മാതാക്കളായ ടാറ്റ മോട്ടോഴ്സ് വീണ്ടും വി.ആര്‍.എസ് പ്രഖ്യാപിച്ചു.
ചെലവുകുറച്ച് ലാഭംവര്‍ധിപ്പിക്കുന്നതിന്റെ ഭാഗമായാണ് 42,597ഓളം ജീവനക്കാര്‍ക്കാരുള്ള കമ്പനി വിആര്എസ് നടപ്പാക്കുന്നത്. പദ്ധതിപ്രകാരം പകുതിയോളം ജീവനക്കാര്‍ വിആര്‍എസിന് അര്‍ഹരാണ്.
അഞ്ചുവര്‍ഷമോ അതില്‍കൂടുതല്‍കാലമോ കമ്പനിയില്‍ ജോലിചെയ്തവര്‍ക്ക് വിആര്‍എസിന് അപേക്ഷിക്കാം. ജീവനക്കാരന്റെ പ്രായവും കമ്പനിയിലെ സര്‍വീസും കണക്കിലെടുത്താകും നഷ്ടപരിഹാരം അനുവദിക്കുക. ജനുവരി ഒമ്പതുവരെ അപേക്ഷിക്കാം. നാലുവര്‍ഷത്തിനിടെ ഇത് മൂന്നാംതവണയായണ് കമ്പനി വിആര്എസ് നടപ്പാക്കുന്നത്. 2017ല്‍ സമാനമായ പദ്ധതി കമ്പനി പ്രഖ്യാപിച്ചിരുന്നെങ്കിലും ഭൂരിഭാഗംപേരും പദ്ധതി സ്വീകരിച്ചില്ല.
വാഹനമേഖലയിലെ മാന്ദ്യത്തെതുടര്‍ന്ന് 2019 മുതല്‍ കമ്പനികള്‍ വിആര്എസ് നടപ്പാക്കിവരികയാണ്. ഹീറോ മോട്ടോര്‍കോര്‍പ്, ടയോട്ട കിര്‍ലോസ്‌കര്‍ മോട്ടോഴ്സ്, അശോക് ലൈലാന്‍ഡ് തുടങ്ങിയ കമ്പനികള്‍ സമാനമായ പദ്ധതി നടപ്പാക്കിയിരുന്നു.
