കോഴിക്കോട്: 2019-20 വർഷത്തെ സീഡ് പദ്ധതിയുടെ ഭാഗമായി നടത്തിയ സ്‌കൂൾതോട്ട മത്സരത്തിൽ തൃശ്ശൂർ ജില്ലയിലെ വലപ്പാട് ജി.വി.എച്ച്.എസ്.എസ്. ഒന്നാംസ്ഥാനം നേടി. പാലക്കാട് ജില്ലയിലെ മങ്കര വെസ്റ്റ് ബേസിക് യു.പി.സ്‌കൂൾ രണ്ടാംസ്ഥാനവും കണ്ണൂർ ജില്ലയിലെ വെള്ളാട് ഗവ. യു.പി. സ്‌കൂൾ മൂന്നാംസ്ഥാനവും കരസ്ഥമാക്കി.
ഒന്നാംസ്ഥാനം നേടിയ സ്‌കൂളിന് 10,000 രൂപയും പ്രശസ്തിപത്രവും ട്രോഫിയും സമ്മാനമായി ലഭിക്കും. രണ്ടും മൂന്നും സ്ഥാനക്കാർക്ക് യഥാക്രമം 6000 രൂപയും 4000 രൂപയുമാണ് സമ്മാനത്തുക. സ്‌കൂളുകളിൽ ജൈവസംസ്‌കാരം വ്യാപിപ്പിക്കുന്നതിന്റെ ഭാഗമായി അധ്യയനവർഷത്തിന്റെ രണ്ടാം പാദത്തിലാണ് മത്സരം നടത്തിയത്. എ.യു.പി.സ്‌കൂൾ ചിറമംഗലം ജില്ലയിലെ മികച്ച വിദ്യാലയമായി തിരഞ്ഞെടുക്കപ്പെട്ടു.
