തന്റെ 'പ്രിയപ്പെട്ട പുസ്തകം' പരിചയപ്പെടുത്തി റസ്‌കിന്‍ ബോണ്ട്!, Ruskin Bond, Oxford English Dictionary, Books, Mathrubhumi

24 March 2021, 11:56 AM IST

ഇത്രയും വലിയ എഴുത്തുകാരന്‍ തന്റെ പ്രിയപ്പെട്ട പുസ്തകമായി ഡിക്ഷണറിയെ തിരഞ്ഞെടുത്തതില്‍ അതിശയമില്ല, ഇത് സാഹിത്യകുതുകികള്‍ക്കുള്ള അദ്ദേഹത്തിന്റെ സന്ദേശമാണ് തുടങ്ങിയ കമന്റുകളാണ് ഫോട്ടോയ്ക്കടിയില്‍ നിമിഷങ്ങള്‍ കൊണ്ട് വന്നു നിറഞ്ഞത്.

റസ്‌കിൻ ബോണ്ട്

'എന്റെ പ്രിയപ്പെട്ട പുസ്തകം' എന്ന തലക്കെട്ടോടെ എഴുത്തുകാരന്‍ റസ്‌കിന്‍ ബോണ്ട് പങ്കുവെച്ച ഫോട്ടോ കണ്ട് അമ്പരന്നിരിക്കുകയാണ് വായനാ ലോകം. ഓക്‌സ്ഫഡ് ഇംഗ്ലീഷ് ഡിക്ഷണറിയുടെ ബൃഹദ്പതിപ്പ് വായിച്ചുകൊണ്ടിരിക്കുന്ന ഫോട്ടോയാണ് എഴുത്തുകാരന്‍ തന്റെ ഫേസ്ബുക്കില്‍ പങ്കുവെച്ചിരിക്കുന്നത്. ഡിക്ഷണറിയുടെ വലിപ്പവും ബോണ്ടിന്റെ ചിരിക്കുന്ന മുഖവും കണ്ട് ധാരാളം പേര്‍ കമന്റുകള്‍ നല്‍കിയിട്ടുണ്ട്. ഇത്രയും വലിയ എഴുത്തുകാരന്‍ തന്റെ പ്രിയപ്പെട്ട പുസ്തകമായി ഡിക്ഷണറിയെ തിരഞ്ഞെടുത്തതില്‍ അതിശയമില്ല, ഇത് സാഹിത്യകുതുകികള്‍ക്കുള്ള അദ്ദേഹത്തിന്റെ സന്ദേശമാണ് തുടങ്ങിയ കമന്റുകളാണ് ഫോട്ടോയ്ക്കടിയില്‍ നിമിഷങ്ങള്‍ കൊണ്ട് വന്നു നിറഞ്ഞത്.

ലളിതമായ ആഖ്യാന രീതികൊണ്ട് വായനക്കാരുടെ പ്രിയങ്കരനായിമാറിയ എഴുത്തുകാരനാണ് റസ്‌കിന്‍ ബോണ്ട്. എണ്‍പത്തിയാറിന്റെ നിറവിലും പുതിയ വാക്കുകളെയും അര്‍ഥങ്ങളെയും തേടിയുള്ള അദ്ദേഹത്തിന്റെ അന്വേഷണങ്ങളാണ് ഡിക്ഷണറിയെ പ്രിയപ്പെട്ട പുസ്തകങ്ങളില്‍ ഒന്നാമതായി പ്രതിഷ്ഠിക്കാന്‍ കാരണം.

Content Highlights: Ruskin Bond Shares his Favorite Book Oxford English Dictionary through face book