വിഷ്ണുവിന്റെ പിറന്നാള്‍ ഓര്‍മയ്ക്ക് കവിതകളുടെ മൊഴിമാറ്റം


വിഷ്ണുവിന്റെ പ്രിയശിഷ്യനും കവിയുമായ ആത്മാരാമനാണ് സംശോധനം നിര്‍വഹിച്ചതും അവതാരിക എഴുതിയതും.

വിഷ്ണു നാരായണൻ നമ്പൂതിരി

തിരുവനന്തപുരം: എടവത്തിലെ തൃക്കേട്ടയാണ് വെള്ളിയാഴ്ച. പ്രിയപ്പെട്ട കവിയും അധ്യാപകനും പരിസ്ഥിതിസംരക്ഷണ പോരാളിയുമായിരുന്ന വിഷ്ണുനാരായണന്‍ നമ്പൂതിരിയുടെ 82-ാം ജന്മദിനം. നാലുമാസം മുന്‍പ് വിടപറഞ്ഞെങ്കിലും ആ മങ്ങാത്ത ഓര്‍മകള്‍ക്കു മുന്നില്‍ പിറന്നാള്‍സമ്മാനമായി അദ്ദേഹത്തിന്റെ പ്രിയകവിതകളുടെ ഇംഗ്ലീഷ് പരിഭാഷ തയ്യാറായി.

അമേരിക്കയില്‍ ആണവശാസ്ത്രജ്ഞനായ മാടശ്ശേരി നീലകണ്ഠന്‍ നമ്പൂതിരി എന്ന എം.എന്‍.നമ്പൂതിരിയാണ് വിഷ്ണുവിന്റെ 51 കവിതകള്‍ പരിഭാഷപ്പെടുത്തിയത്. 'നൈറ്റ്സ് ആന്‍ഡ് ഡേയ്സ് ഇന്‍ ഉജ്ജയിനി'(ഉജ്ജയിനിയിലെ രാപകലുകള്‍) എന്ന പേരില്‍. ഇതേ പേരില്‍ വിഷ്ണുവിന്റെ സമാഹാരമുണ്ടെങ്കിലും അതപ്പാടെയല്ല ഇംഗ്ലീഷ് പുസ്തകത്തിലുള്ളത്. ആദ്യകാല കവിതകളില്‍ ചിലതും 'ബ്രഹ്മദത്തന്‍', 'മിത്രാവതി' തുടങ്ങിയ പില്‍ക്കാല കവിതകളും മൊഴിമാറ്റിയിട്ടുണ്ട്.

അറുപതു വര്‍ഷമായി അമേരിക്കയിലാണ് എം.എന്‍.നമ്പൂതിരി. ന്യൂയോര്‍ക്കിലെ സ്റ്റോണി ബ്രൂക്ക് സര്‍വകലാശാലയില്‍ ന്യൂക്ലിയാര്‍ കെമിസ്ട്രിയില്‍ ഗവേഷകനാണ്. ടെക്‌സസിലെ എ ആന്‍ഡ് എം സര്‍വകലാശാലയിലും കാലിഫോര്‍ണിയ സര്‍വകലാശാലയിലെ ലിവര്‍മോര്‍ ലബോറട്ടറിയിലും പ്രവര്‍ത്തിക്കുന്നു.

മലയാള കവിതയുടെ തന്മാത്രകളെ അടുത്തറിയുന്ന അദ്ദേഹം, കുമാരനാശാന്റെ 'നളിനി'യും വൈലോപ്പിള്ളിയുടെ 'കുടിയൊഴിക്ക'ലും നേരത്തേ ഇംഗ്ലീഷിലേക്കു പരിഭാഷപ്പെടുത്തിയിരുന്നു. കവിയുടെ ബന്ധുകൂടിയാണ് എം.എന്‍.നമ്പൂതിരി.

വിഷ്ണുവിന്റെ പ്രിയശിഷ്യനും കവിയുമായ ആത്മാരാമനാണ് സംശോധനം നിര്‍വഹിച്ചതും അവതാരിക എഴുതിയതും. മലയാളത്തിലുള്ള കവിതയും മലയാളികളല്ലാത്തവര്‍ക്ക് അതു വായിക്കാനുതകുന്ന ലിപ്യന്തരണവും പരിഭാഷയും ഒരേ പേജില്‍ത്തന്നെ ഉള്‍പ്പെടുത്തിയാണ് പുസ്തകം തയ്യാറാക്കിയിരിക്കുന്നത്. കവിയുടെ മൂന്നു ഗദ്യലേഖനങ്ങളുടെ ഇംഗ്ലീഷ് പരിഭാഷയും ഒപ്പമുണ്ട്.

കോവിഡ് വ്യാപനം കാരണമുള്ള നിയന്ത്രണങ്ങള്‍ ഒഴിവാകുന്ന മുറയ്ക്ക് പുസ്തകം പ്രകാശനം ചെയ്യാനുള്ള ശ്രമത്തിലാണ് ഇതിനു പിന്നില്‍ പ്രവര്‍ത്തിച്ച തിരുവനന്തപുരത്തെ സെന്റര്‍ ഫോര്‍ സൗത്ത് ഇന്ത്യന്‍ സ്റ്റഡീസ്.

വിഷ്ണുനാരായണന്‍ നമ്പൂതിരിയുടെ പുസ്തകങ്ങള്‍ വാങ്ങാം

Content Highlights: Vishnu narayanan Namboothiri’s poems English translation

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
vijay babu

3 min

സമ്മതപ്രകാരമുള്ള ബന്ധത്തെ ബലാത്സംഗമായി മാറ്റുന്നതിനെതിരേ ജാഗ്രത വേണം -ഹൈക്കോടതി

Jun 23, 2022


supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


Tom Mann

2 min

കല്ല്യാണ വീട് മരണവീടായി മാറി; പ്രിയതമയെ നഷ്ടപ്പെട്ട ഗായകന്‍ കണ്ണീര്‍ക്കടലില്‍

Jun 22, 2022

Most Commented