പ്രിയ കലാമിന് ശ്രദ്ധാഞ്ജലിയായി ഈ ശില്പവും കവിതയും


ജെസ്‌ലി ജെയിംസ്

ഒരടി ഉയരത്തില്‍ ഒന്നരക്കിലോയോളം തൂക്കമുള്ള ശില്പം പൂര്‍ണമായും എം.സീല്‍ പശ ഉപയോഗിച്ചാണ് നിര്‍മിച്ചത്. നാല് ദിവസമെടുത്താണ് മനോജ് ഈ ശില്പംതീര്‍ത്തത്.

APJ Abdul Kalam
മനോജ് ടി.ബെഞ്ചമിന്‍ കലാമിന്റെ
ശില്പ നിര്‍മാണത്തില്‍

മേലുകാവ്: ഭാരതത്തിന് കാലംതന്ന പുണ്യമായ ഡോ. എ.പി.ജെ. അബ്ദുള്‍കലാമിന്റെ ചരമദിനത്തില്‍ അദ്ദേഹത്തിന്റെ ശില്പം തീര്‍ത്തും കവിതയെഴുതിയും ശ്രദ്ധാഞ്ജലിയുമായി അധ്യാപകന്‍. മൂവാറ്റുപുഴയ്ക്കുസമീപം ചാത്തമറ്റം ഗവ. ഹയര്‍ സെക്കന്‍ഡറി സ്‌കൂള്‍ ബോട്ടണി അധ്യാപകനായ മനോജ് ടി.ബെഞ്ചമിനാണ് അബ്ദുള്‍ കലാമിന് വേറിട്ട അനുസ്മരണം നേര്‍ന്നത്.

ഒരടി ഉയരത്തില്‍ ഒന്നരക്കിലോയോളം തൂക്കമുള്ള ശില്പം പൂര്‍ണമായും എം.സീല്‍ പശ ഉപയോഗിച്ചാണ് നിര്‍മിച്ചത്. നാല് ദിവസമെടുത്താണ് മനോജ് ഈ ശില്പംതീര്‍ത്തത്.

മനോജിന്റെ ശില്പനിര്‍മാണത്തിലെ ആദ്യ ശ്രമമാണിത്. സ്‌കൂള്‍ പഠനയാത്രയില്‍ വിദ്യാര്‍ഥികളുമൊത്ത് രാമേശ്വരത്തെ ഹൗസ് ഓഫ് കലാം, കലാം സ്മൃതിമണ്ഡപം ഇവ സന്ദര്‍ശിച്ചപ്പോള്‍ തോന്നിയ ആഗ്രഹമായിരുന്നു അബ്ദുള്‍ കലാമിന്റെ ഒരു ശില്പം നിര്‍മിക്കണമെന്നത്.

2011 ഫെബ്രുവരി 19-ന് കോട്ടയത്തുനിന്ന് ഡോ. എ.പി.ജെ.അബ്ദുള്‍ കലാമിന്റെ പ്രഭാഷണം ആദ്യനിരയിലിരുന്ന് കേള്‍ക്കാന്‍ ലഭിച്ച അവസരം ഒരുവലിയ പുണ്യമായും മനോജ് കരുതുന്നു. കവിത കലാം അനുസ്മരണദിനത്തില്‍ ആലപിക്കാനായി തന്റെ വിദ്യാര്‍ഥികള്‍ക്ക് നല്‍കുകയും ചെയ്തു. ശില്പം അടുത്ത പ്രാവശ്യം രാമേശ്വരത്ത് പോകുമ്പോള്‍ ഹൗസ് ഓഫ് കലാമില്‍ സമര്‍പ്പിക്കാനാണ് പ്ലാന്‍. അടുത്തവര്‍ഷം ഇതിന്റെ ഇരട്ടി വലുപ്പത്തില്‍ ശില്പം തീര്‍ക്കണമെന്നുമാണ് മനോജിന്റെ ആഗ്രഹം.

ചാത്തമറ്റം ഗവ. ഹയര്‍ സെക്കന്‍ഡറി സ്‌കൂള്‍ നാഷണല്‍ സര്‍വീസ് സ്‌കീം പ്രോഗ്രാം ഓഫീസര്‍കൂടിയായ മനോജ് ടി.ബെഞ്ചമിന്‍ സീഡ് കോ-ഓര്‍ഡിനേറ്ററായും പ്രവര്‍ത്തിച്ചിട്ടുണ്ട്.

മേലുകാവ് പഞ്ചായത്ത് പ്രസിഡന്റ് തടത്തിപ്ലാക്കല്‍ ടി.ജെ.ബെഞ്ചമിന്റെയും ലില്ലിക്കുട്ടിയുടെയും മകനാണ്. ഇരുമാപ്രമറ്റം എം.ഡി. സി.എം.എസ്. ഹൈസ്‌കൂള്‍ അധ്യാപിക സൂസന്‍ വി.ജോര്‍ജാണ് ഭാര്യ. വിദ്യാര്‍ഥികളായ എയ്ഞ്ചല്‍, അനന്യ എന്നിവര്‍ മക്കളാണ്.

Content Highlights: APJ Abdul Kalam death anniversary

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
R Madhavan, Interview ,Rocketry The Nambi Effect Movie, Minnal Murali Basil Joseph

1 min

ഞാനിത് അര്‍ഹിക്കുന്നു, എന്റെ അറിവില്ലായ്മ; പരിഹാസങ്ങള്‍ക്ക് മറുപടിയുമായി ആര്‍ മാധവന്‍

Jun 27, 2022


Balussery mob attack

1 min

തോട്ടില്‍ മുക്കി, ക്രൂരമര്‍ദനം; ബാലുശ്ശേരി ആള്‍ക്കൂട്ട ആക്രമണത്തിന്റെ കൂടുതല്‍ ദൃശ്യങ്ങള്‍

Jun 26, 2022


satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022

Most Commented