.jpg?$p=4f96ebc&f=16x10&w=852&q=0.8)
ഫോട്ടോ: ശശി ഗായത്രി
രാത്രി
അവനു പകല്‍പോലെ എളുപ്പമായിരുന്നു,
ഭൂമി അവനുമുന്നില്‍
പ്രാക്തന വിശുദ്ധിയോടെ വിരിഞ്ഞു.
നല്ല ദീപാലങ്കാര വിദഗ്ധനായിരുന്നു,
ഉള്ളിലായിരുന്നു വിളക്കുകള്‍.
കാറ്റ് അവയിലെ നാളങ്ങളെ ഉലച്ചില്ല.
നിറത്തെക്കുറിച്ചുള്ള
വെളുപ്പിന്റെ അഭിമാനം
അവനില്‍ വന്നവസാനിച്ചു.
കണ്ണാടി
സ്വന്തം ഗര്‍വ്വിനെ വെടിഞ്ഞു.
ദൂരങ്ങളെ അവന്‍ പിച്ചവെപ്പിച്ചു,
ഒച്ചയെ അനുഗമിച്ചു.
ഒരു പിടി മണ്ണെടുത്ത് അവന്‍ പറഞ്ഞു:
'ഇതാ സ്വര്‍ണ്ണം '
നെല്‍ക്കതിരുകള്‍ അതിനു തലയാട്ടി.
കണ്ണില്‍,
സൂര്യനുംമുമ്പുള്ള
ആകാശവും കൊണ്ടാണവന്‍ വന്നത്.
നക്ഷത്രങ്ങളെല്ലാം എരിഞ്ഞശേഷമുള്ള ആകാശവും കൊണ്ടവന്‍ പോയി.
അവന്‍ കണ്ടതിന്റെ
മഷി കലങ്ങിയ പകര്‍പ്പായി
ലോകം അവശേഷിച്ചു.
Content Highlights: world poetry day 2022 poem by veerankutty
Also Watch
RELATED STORIES
.jpg?$p=8f9f9d4&f=1x1&w=100&q=0.8)
.jpg?$p=d607ec7&f=1x1&w=100&q=0.8)
.jpg?$p=298ab5c&f=1x1&w=100&q=0.8)
IN CASE YOU MISSED IT
Premium
.jpg?$p=aa62323&f=1x1&w=100&q=0.8)
.jpg?$p=c473fa6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..