പ്രിയപ്പെട്ടവരെ കവർന്ന് അർബുദവും കോവിഡും; ആശ്രയം നഷ്ടപ്പെട്ട് ആശ


അമ്മയുടെ പേരിലുള്ള അഞ്ച് സെന്റ് ഭൂമി മാത്രമാണ് ആകെയുള്ള സമ്പാദ്യം.

ഉറ്റവരെ നഷ്ടപ്പെട്ട ആശ ബന്ധുവീട്ടിൽ

പാറശ്ശാല: അച്ഛൻ അർബുദത്തിനും അമ്മ കോവിഡിനും കീഴടങ്ങിയപ്പോൾ ആശയ്ക്ക് ഏക ആശ്രയമായിരുന്നു മുത്തച്ഛൻ. ബുധനാഴ്ച അദ്ദേഹത്തെയും മരണം കവർന്നു. ഉറ്റവരെ നഷ്ടപ്പെട്ട് പ്ലാമൂട്ടുക്കട നല്ലൂർവെട്ടം മഠത്തുവിളാകത്ത് വീട്ടിൽ കഴിയുന്ന ഈ കുട്ടിയുടെ ജീവിതം പ്രതിസന്ധിയിലാകുകയാണ്.

സ്വന്തമായി വീടില്ല. ആശ ഇപ്പോൾ ബന്ധുവീട്ടിലാണ് കഴിയുന്നത്. എത്രനാൾ മറ്റുള്ളവരെ ആശ്രയിക്കുമെന്ന ചിന്തയിലാണ് ഈ പതിനെട്ടുകാരി. കെ.എസ്.ആർ.ടി.സി.യിൽ എപ്ലോയ്‌മെന്റ് നിയമനത്തിൽ കണ്ടക്ടറായി ജോലിചെയ്യുകയായിരുന്നു അച്ഛൻ രഘുനാഥ്. അർബുദം പിടിപെട്ടതോടെ, ജോലിയിൽനിന്നു ലഭിച്ചിരുന്ന വരുമാനത്തിന്റെ ഭൂരിഭാഗവും ചികിത്സയ്ക്കു വേണ്ടിവന്നു. ഇക്കഴിഞ്ഞ മാർച്ചിൽ രഘുനാഥ് മരിച്ചു.

ഇതോടെ മുത്തച്ഛന്റെ സംരക്ഷണയിലായി ആശയും അമ്മ ശ്രീദേവിയും. കഴിഞ്ഞ വ്യാഴാഴ്ച അമ്മ കോവിഡ് ബാധിച്ച് മരിച്ചു. ആശ്രയമായിരുന്ന മുത്തച്ഛൻ പരമേശ്വരൻ നായർ(97) ബുധനാഴ്ച രാവിലെയാണ് വാർധക്യസഹജമായ അസുഖത്തെത്തുടർന്ന് മരിച്ചത്.

അമ്മയുടെ പേരിലുള്ള അഞ്ച് സെന്റ് ഭൂമി മാത്രമാണ് ആകെയുള്ള സമ്പാദ്യം. മരണം വേണ്ടപ്പെട്ടവരെ കൊണ്ടുപോയതോടെ പ്ലസ്ടു കഴിഞ്ഞ ആശയുടെ തുടർപഠനവും ജീവിതവും ഇനി എങ്ങനെ മുന്നോട്ടുപോകുമെന്ന് ഒരുനിശ്ചയവുമില്ല. ഏക സഹോദരി വിവാഹിതയാണ്. പ്രതീക്ഷ ഇനി സർക്കാർ സഹായത്തിൽ മാത്രം.

Content Highlights: Youth orphaned as Mother Succumbed to Covid death Father Died Due to Cancer Grandfather Passed Away

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
meena

1 min

'എന്റെ ജീവിതം കൂടുതല്‍ മനോഹരമാക്കിയ മഴവില്ല്';വിദ്യാസാഗറിനെ കുറിച്ച് അന്ന് മീന പറഞ്ഞു

Jun 29, 2022


alia bhatt

1 min

'ഞാന്‍ ഒരു സ്ത്രീയാണ്, പാഴ്‌സല്‍ അല്ല, ആരും എന്നെ ചുമക്കേണ്ടതില്ല'; രൂക്ഷ പ്രതികരണവുമായി ആലിയ

Jun 29, 2022


devendra fadnavis

1 min

ഉദ്ധവിന്റെ രാജി ആഘോഷമാക്കി ബിജെപി; മധുരം പങ്കിട്ട് ഫട്നാവിസും നേതാക്കളും

Jun 29, 2022

Most Commented