സി.പി.എം. കമ്മിറ്റികളിൽ 10 ശതമാനം വനിതകൾ; 75 വയസ്സുകഴിഞ്ഞ എല്ലാവരും ഒഴിയും


ബിജു പരവത്ത്

എല്ലാ ഘടകങ്ങളിലും കുറഞ്ഞത് പത്തുശതമാനം വനിതകളെ ഉൾപ്പെടുത്താനാണ് നിർദേശം

Representative Image | Photo: Gettyimages.in

തിരുവനന്തപുരം: സി.പി.എമ്മിന്റെ പാർട്ടിഘടകങ്ങൾ പൂർണമായി പരിഷ്കരിക്കുന്നു. എല്ലാ ഘടകങ്ങളിലും കുറഞ്ഞത് പത്തുശതമാനം വനിതകളെ ഉൾപ്പെടുത്താനാണ് നിർദേശം. ജില്ലാ സെക്രട്ടേറിയറ്റിൽ ഒരാളെങ്കിലും വനിതയായിരിക്കണം. ജില്ലാകമ്മിറ്റി അംഗങ്ങളിൽ രണ്ടുപേരെങ്കിലും 40 വയസ്സിനു താഴെയുള്ളവരായിരിക്കണമെന്നും നിർദേശമുണ്ട്.

1997 ബ്രാഞ്ച് സെക്രട്ടറിമാർ ഇത്തവണ വനിതകളാണ്. ഇതിന് ആനുപാതികമായ പങ്കാളിത്തം ലോക്കൽ കമ്മിറ്റികളിലും ഉറപ്പുവരുത്തുന്നുണ്ട്. നേതൃശേഷിയുള്ള വനിതകളെ സെക്രട്ടറിതലത്തിലേക്ക് കൊണ്ടുവരാനാണ് തീരുമാനം. ഇതിന്റെ അടിസ്ഥാനത്തിൽ ലോക്കൽ-ഏരിയാ സെക്രട്ടറിമാരായി വനിതകളുണ്ടാകും.

എല്ലാ ജില്ലാകമ്മിറ്റികളിലും സ്ത്രീപങ്കാളിത്തമുണ്ടെങ്കിലും നിലവിൽ ജില്ലാ സെക്രട്ടേറിയറ്റിലും ജില്ലാ സെക്രട്ടറിമാരായും വനിതകളില്ല. ജില്ലാകമ്മിറ്റികളിൽ കുറഞ്ഞത് 10 ശതമാനം സ്ത്രീകൾ വേണമെന്നതിനൊപ്പം ജില്ലാ സെക്രട്ടേറിയറ്റ് അംഗങ്ങളിൽ ഒരാളെങ്കിലും വനിതകളാകണമെന്നാണ് നിർദേശം. ജില്ലാസെക്രട്ടറി സ്ഥാനത്തേക്ക് വനിതകൾ വേണമെന്ന നിർദേശം പാർട്ടി നൽകിയിട്ടില്ല. പക്ഷേ, പുതിയ സാഹചര്യത്തിൽ അതിനുള്ള സാധ്യത ഏറെയാണ്. വനിതകളുടെ പങ്കാളിത്തംകൂടുന്നത് പാർട്ടിയെ ജനകീയമാക്കുന്നുണ്ടെന്നാണ് സി.പി.എം. വിലയിരുത്തൽ.

75 വയസ്സുകഴിഞ്ഞവരെ പാർട്ടികമ്മിറ്റികളിൽനിന്ന് മാറ്റിനിർത്തണമെന്നത് കേന്ദ്രകമ്മിറ്റി തീരുമാനമാണ്. ഓരോ സംസ്ഥാനത്തിനും ആവശ്യമെങ്കിൽ ഇതിൽ ഇളവുനൽകാം. കേരളത്തിൽ ഇളവുനൽകേണ്ടതില്ലെന്നാണ്‌ പൊതുതീരുമാനം. 75 വയസ്സുകഴിഞ്ഞവരെ സംഘടനാ ഉത്തരവാദിത്വം ഏൽപ്പിക്കേണ്ടതില്ലെന്നും നിർദേശമുണ്ട്.

ഇതിൽ ഇളവുനൽകുന്നത് ഉപരികമ്മിറ്റി പരിശോധിച്ചുമതി. ഇതനുസരിച്ച് പ്രായപരിധി കഴിഞ്ഞവരെ ജില്ലാകമ്മിറ്റി അംഗങ്ങളാക്കുന്നതിന് സംസ്ഥാനസമിതിയുടെയും സംസ്ഥാനകമ്മിറ്റി അംഗമാക്കുന്നതിന് കേന്ദ്രകമ്മിറ്റിയുടെയും അനുമതി വേണ്ടിവരും. അത്തരത്തിൽ ആരെയെങ്കിലും ഉൾപ്പെടുത്തണമെങ്കിൽ, സ്ഥാനം ഒഴിച്ചിടുകയും പിന്നീട് ഉപരിഘടകത്തിന്റെ അനുമതിയോടെ ഉൾപ്പെടുത്തുകയും ചെയ്യുക എന്നതായിരിക്കും രീതി.

പാർട്ടിഭാരവാഹികളാകുന്നവർ മുഴുവൻസമയം സംഘടനാപ്രവർത്തനത്തിന് സമയമുള്ളവരാകണം. സഹകരണസ്ഥാപനങ്ങളിലടക്കം ജോലിചെയ്യുന്നവർ പാർട്ടിചുമതലയിൽ വരുന്നത് ഉചിതമാവില്ലെന്നാണ് സംസ്ഥാനനേതൃത്വം നിർദേശിച്ചിട്ടുള്ളത്. എന്നാൽ, ഏരിയാകമ്മിറ്റികളിലടക്കം സഹകരണസ്ഥാപനങ്ങളിലെ ജീവനക്കാർ അംഗമായിട്ടുണ്ട്. സമ്മേളനത്തിനുശേഷം ഇവരെ ഒഴിവാക്കി, പുതിയ അംഗങ്ങളെ നിശ്ചയിച്ചേക്കുമെന്നാണ് സൂചന.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
R Madhavan, Interview ,Rocketry The Nambi Effect Movie, Minnal Murali Basil Joseph

1 min

ഞാനിത് അര്‍ഹിക്കുന്നു, എന്റെ അറിവില്ലായ്മ; പരിഹാസങ്ങള്‍ക്ക് മറുപടിയുമായി ആര്‍ മാധവന്‍

Jun 27, 2022


satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


Balussery mob attack

1 min

തോട്ടില്‍ മുക്കി, ക്രൂരമര്‍ദനം; ബാലുശ്ശേരി ആള്‍ക്കൂട്ട ആക്രമണത്തിന്റെ കൂടുതല്‍ ദൃശ്യങ്ങള്‍

Jun 26, 2022

Most Commented