-
ലോക്ക്ഡൗണ്‍ കാലത്തെ ബോറടിമാറ്റാന്‍ ഒളിച്ചുകളിക്കുമ്പോള്‍ ആ പെണ്‍കുട്ടി ഒരിക്കലും വിചാരിച്ചിരുന്നില്ല ഇതിനു പുറകിലൊരു അപകടം കൂടി വരാനിരിക്കുന്നുണ്ടെന്ന്. പതിനെട്ടുകാരിയായ അമാരി ഡാന്‍സിക്കാണ് വ്യത്യസ്തമായ അനുഭവകഥയുണ്ടായത്.
സഹോദരങ്ങള്‍ക്കൊപ്പം ഒളിച്ചു കളിക്കുന്നതിനിടെ പിടിക്കപ്പെടാതിരിക്കാന്‍ അമാരി കണ്ടെത്തിയ സ്ഥലം വാഷിങ് മെഷീനായിരുന്നു. പക്ഷേ തിരിച്ചിറങ്ങാന്‍ നോക്കിയപ്പോഴാണ് കയറുന്നതുപോലെ എളുപ്പമല്ലെന്നു മനസ്സിലായത്. താന്‍ ശരിക്കും കുടുങ്ങിയെന്നു ബോധ്യമായതോടെ അമാരി മറ്റു സഹോദരങ്ങളെയും വിളിക്കുകയും അവര്‍ എമര്‍ജന്‍സി സര്‍വീസിലേക്ക് വിളിച്ച് ആളെത്തി രക്ഷപ്പെടുത്തുകയുമായിരുന്നു.
സംഭവത്തെക്കുറിച്ചു വിവരിക്കുമ്പോള്‍ ഇപ്പോഴും അമാരിക്ക് ഞെട്ടലാണ്. '' ബെഡ്ഡിനടിയിലും ബാത്‌റൂമിലും എന്നു തുടങ്ങി വീട്ടിലെ സകലയിടങ്ങളിലും ഒളിച്ചതോടെയാണ് വാഷിങ്‌മെഷീനില്‍ ഇരുന്നാല്‍ പിടിക്കപ്പെടില്ലെന്നു തോന്നിയത്. രക്ഷാപ്രവര്‍ത്തകര്‍ക്ക് എന്നെ പുറത്തിറക്കാന്‍ കഴിയില്ലേ എന്നുവരെ തോന്നിപ്പോയി.''- അമാരി പറയുന്നു.
അമാരിയെ രക്ഷപ്പെടുത്തുന്നതിന്റെ വീഡിയോയും സമൂഹമാധ്യമത്തില്‍ പങ്കുവച്ചിട്ടുണ്ട്. മാസ്‌കും മറ്റും ധരിച്ചെത്തിയ രക്ഷാപ്രവര്‍ത്തകര്‍ മെഷീന്റെ മുകള്‍ഭാഗം ആദ്യം നീക്കം ചെയ്ത് ഇറങ്ങിവരാനുള്ള പരമാവധി ഇടം സൃഷ്ടിക്കുന്നതും വീഡിയോയില്‍ കാണാം. എന്തായാലും ഇനിയൊരിക്കലും ഒളിച്ചുകളിക്കിടയില്‍ വാഷിങ് മെഷീന്റെ അരികിലേക്കു പോലും പോകില്ലെന്നാണ് അമാരി പറയുന്നത്.
Content Highlights: US teen gets stuck in washing machine while playing hide and seek
Also Watch
RELATED STORIES
.jpg?$p=e46f401&f=1x1&w=100&q=0.8)
IN CASE YOU MISSED IT
.png?$p=2bd0e28&f=1x1&w=100&q=0.8)
.png?$p=c0551d8&f=1x1&w=100&q=0.8)
.jpg?$p=2922c1a&f=1x1&w=100&q=0.8)
.jpg?$p=79c0b37&q=0.8&f=16x11&w=104)
.jpg?$p=dbf9374&q=0.8&f=16x11&w=104)
.jpg?$p=430c1f1&q=0.8&f=16x11&w=104)
.jpg?$p=2922c1a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..