'മുഖക്കുരുവും ശബ്ദവും രൂപവുമെല്ലാം എനിക്ക് പ്രശ്‌നമായിരുന്നു,ആത്മവിശ്വാസം പോലും നഷ്ടമായ ഒരു കാലം', sai pallavi, sai pallavi acne, confidence, premam movie

31 March 2023, 10:10 AM IST

1 min read

Read later

സായ് പല്ലവി | Photo: instagram/ sai pallavi

അല്‍ഫോണ്‍സ് പുത്രന്‍ സംവിധാനം ചെയ്ത പ്രേമം എന്ന ചിത്രത്തിലെ മലര്‍ മിസ്സ് ആയി ആരാധകരുടെ ഹൃദയത്തില്‍ ഇടം നേടിയ നടിയാണ് സായ് പല്ലവി. ആ ഒരൊറ്റ ചിത്രത്തിലൂടെ തന്റെ വരവ് അറിയിക്കാന്‍ സായ് പല്ലവിക്ക് കഴിഞ്ഞു. പിന്നീട് അവരുടെ ആരാധകരുടെ നിര മറ്റു തെന്നിന്ത്യന്‍ ഭാഷകളിലേക്കും നീണ്ടു. തമിഴ്, തെലുങ്ക് ചിത്രങ്ങളിലും മികച്ച അഭിനയ പ്രകടനത്തോടെ അവര്‍ ആരാധകരെ നേടിയെടുത്തു.

എന്നാല്‍ ആദ്യ ചിത്രത്തില്‍ മുഖം കാണിക്കുന്നതിന് മുമ്പ് ഒരുപാട് അരക്ഷിതത്വങ്ങളിലൂടെയാണ് കടന്നുപോയതെന്ന് സായ് പല്ലവി പറയുന്നു. 'എന്റെ ശബ്ദം, രൂപം, മുഖക്കുരു തുടങ്ങിയവയെല്ലാം എന്റെ ആത്മവിശ്വാസം ഇല്ലാതാക്കിയ കാര്യങ്ങളായിരുന്നു. ആളുകളോട് ഇടപഴകുന്നതില്‍ എന്നെ പിന്നോട്ട് വലിച്ച കാര്യങ്ങളാണ് ഇതെല്ലാം. എന്നാല്‍ പ്രേമം പുറത്തിറങ്ങി പ്രേക്ഷകര്‍ക്കൊപ്പം ഇരുന്ന് ആ ചിത്രം കണ്ടപ്പോഴാണ് എന്റെ ഈ കാഴ്ച്ചപ്പാടുകളെല്ലാം മാറിയത്. സിനിമ കണ്ട് ആളുകള്‍ കൈയടിക്കുന്നത് കണ്ടപ്പോള്‍ ഞാന്‍ അമ്പരന്നു. ആളുകള്‍ സൗന്ദര്യത്തെയല്ല ഇഷ്ടപ്പെടുന്നത് എന്ന് അന്ന് എനിക്ക് മനസിലായി. കഥാപാത്രവും നമ്മുടെ അഭിനയവുമാണ് അവര്‍ ശ്രദ്ധിക്കുന്നത്. ഞാന്‍ മനസിലാക്കിവെച്ച കാര്യങ്ങള്‍ തെറ്റാണെന്ന് എനിക്ക് അതോടെ ബോധ്യപ്പെട്ടു.'-ഫിലിം കമ്പാനിയന് നല്‍കിയ അഭിമുഖത്തില്‍ സായ് പല്ലവി പറയുന്നു.

പ്രേമം ഇറങ്ങിയ ശേഷം തന്റെ ആത്മവിശ്വാസം വര്‍ധിച്ചെന്നും അതിന് കാരണം അല്‍ഫോണ്‍സ് പുത്രനാണെന്നും സായ് പല്ലവി പറയുന്നു. മേക്കപ്പ് ഇടാതിരിക്കുന്നതാണ് തനിക്ക് ആത്മവിശ്വാസം നല്‍കുന്നത്. എന്നാല്‍ മറ്റുചിലരുടെ ആത്മവിശ്വാസം മേക്കപ്പ് ആയിരിക്കുമെന്നും അതൊക്കെ ഓരോരുത്തരുടെ ഇഷ്ടമാണന്നും സായ് പല്ലവി കൂട്ടിച്ചേര്‍ത്തു.