പ്രണയം വെളിപ്പെടുത്തി നിവേദ് ആന്റണി; വീണ്ടും ഗേ വിവാഹത്തിനൊരുങ്ങുന്നു, nived antony, relationship, gay marriage, gay, marriage

27 July 2022, 05:22 PM IST

നേരത്തെ റഹീമുമായുള്ള നിവേദ് ആന്റണിയുടെ വിവാഹം ഏറെ ചര്‍ച്ചയായിരുന്നു. ആറു വര്‍ഷത്തെ പ്രണയത്തിന് ശേഷം വിവാഹിതരായ ഇവര്‍ വഴി പിരിയുകയായിരുന്നു.

നിവേദ് ആന്റണി/ നിവേദ് ആന്റണി മുൻ പങ്കാളി റഹീമിനൊപ്പം | Photo: facebook/ nived antony

കേരളത്തിലെ രണ്ടാമത്തെ ഗേ ദമ്പതികളായിരുന്നു നിവേദ് ആന്റണിയും റഹീമും. ഇരുവരുടേയും വിവാഹവും ഫോട്ടോഷൂട്ടും ഏറെ വൈറലായിരുന്നു. ആറു വര്‍ഷം നീണ്ടുനിന്ന പ്രണയത്തിനൊടുവിലായിരുന്നു വിവാഹം. എന്നാല്‍ വിവാഹശേഷം ഇരുവരുടേയും ബന്ധം തകര്‍ന്നു. ഒരു മാസത്തിനുള്ളില്‍ രണ്ടു പേരും രണ്ടു ധ്രുവങ്ങളിലായി.

അതിനുശേഷം വിഷാദത്തിന്റേയും സങ്കടത്തിന്റേയും കാലത്തിലൂടെയാണ് താന്‍ കടന്നുപോയതെന്ന് നിവേദ് വ്യക്തമാക്കി. ഒരു ചങ്ങാതിയെ നഷ്ടപ്പെട്ടതുപോലെയാണ് തനിക്ക് തോന്നിയതെന്നും ബെംഗളൂരുവിലെ വീട്ടിലെ വളര്‍ത്തുനായ മാത്രമാണ് കൂട്ടിനുണ്ടായിരുന്നതെന്നും നിവേദ് പറഞ്ഞിരുന്നു. ഒടുവില്‍ ആ ട്രോമയില്‍ നിന്ന് പുറത്തുകടന്ന നിവേദ് സിംഗിള്‍ പേരന്റ് ആകാനുള്ള ശ്രമങ്ങളും നടത്തിയിരുന്നു. നിറവയറുമായുള്ള ഫോട്ടോഷൂട്ടും ഇന്‍സ്റ്റഗ്രാമില്‍ പങ്കുവെച്ചു.

ഇപ്പോള്‍ മറ്റൊരു സന്തോഷവാര്‍ത്തയാണ് തന്റെ ഫെയ്‌സ്ബുക്ക് പേജില്‍ നിവേദ് പങ്കുവെയ്ക്കുന്നത്. വീണ്ടും വിവാഹിതനാകാന്‍ പോകുന്നുവെന്നും നിഖില്‍ എന്ന വ്യക്തിയുമായി പ്രണയത്തിലാണെന്നും നിവേദ് ഫെയ്സ്ബുക്ക് പോസ്റ്റില്‍ അറിയിച്ചു. 2023 ജനുവരിയിലാവും വിവാഹ നിശ്ചയം.

ബോഡിബില്‍ഡറും ഫിറ്റ്‌നസ് ട്രെയ്‌നറുമാണ് നിഖില്‍. ഡേറ്റിങ് കാലം വിജയകരമായി പൂര്‍ത്തിയാക്കിയെന്നും ഇനി നിഖിലുമായുള്ള റിലേഷന്‍ഷിപ്പ് ആണെന്നും നിവേദ് പോസ്റ്റില്‍ പറയുന്നു. ഇരുവര്‍ക്കും അഭിനന്ദനം അറിയിച്ച് നിരവധി പേര്‍ പോസ്റ്റിന് താഴെ കമന്റ് ചെയ്തിട്ടുണ്ട്.

Content Highlights: nived antony new relationship and gay marriage

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)