.jpg?$p=a80322e&f=16x10&w=856&q=0.8)
.
വിവാഹവാര്‍ഷികദിനത്തില്‍ പരസ്പരം ആശംസകള്‍ നേരുകയാണ് ബോളിവുഡ് താരജോഡികളായ കത്രീന കൈഫും വിക്കി കൗശലും. രണ്ടു വര്‍ഷം നീണ്ട പ്രണയത്തിന് ശേഷമാണ് വലിയ ആഘോഷങ്ങളോടെ ഇരുവരുടേയും വിവാഹം നടന്നത്.ബോളിവുഡിലെ ഏറ്റവും പ്രിയപ്പെട്ട താരജോഡിയായി ഇതിനോടകം തന്നെ ഇരുവരും മാറിക്കഴിഞ്ഞിട്ടുണ്ട്.
കത്രീനയും വിക്കിയും തങ്ങളുടെ വിശേഷങ്ങളെല്ലാം സാമൂഹികമാധ്യമങ്ങളിലൂടെ ആരാധകരെ അറിയിക്കാറുണ്ട്. ഇപ്പോളിതാ തങ്ങളുടെ പ്രണയത്തിന്റെ തീവ്രത വെളിപ്പെടുത്തിക്കൊണ്ടാണ് ഇരുവരും പരസ്പരം ആശംസകള്‍ കൈമാറുന്നത്. പ്രണയസുരഭിലമായ ചിത്രങ്ങളും വീഡിയോയും കത്രീന തന്റെ ഇന്‍സ്റ്റഗ്രാമില്‍ പങ്കുവെച്ചു.
എന്റെ ജീവിതത്തിന്റെ വെളിച്ചം എന്ന അടിക്കുറിപ്പോടെയാണ് വിവാഹഫോട്ടോ കത്രീന പോസ്റ്റ്‌ചെയ്തിരിക്കുന്നത്. അതിനൊപ്പം രസകരമായ വീഡിയോയും കത്രീന പങ്കുവെച്ചിട്ടുണ്ട്. ഒരുമിച്ചുള്ളൊരു അവധിയാഘോഷരാവില്‍ വിക്കി ഡാന്‍സ് ചെയ്യുന്നതാണ് വീഡിയോ.
കൃസൃതിയൊളിപ്പിച്ചുള്ള വിക്കിയുടെ റൊമാന്റിക് ഡാന്‍സാണ് വീഡിയോയിലുള്ളത്. വിക്കിയുടെ ഡാന്‍സ് കണ്ട് ചിരിക്കുന്ന കത്രീനയുടെ ശബ്ദവും കേള്‍ക്കാം.രണ്ടുപേരും തമ്മിലുള്ള സ്‌നേഹത്തിന്റെ ആഴം മനസിലാക്കിത്തരാന്‍ ആ ചെറിയ വീഡിയോയ്ക്കായി.
'സമയം പറന്നുപോകുകയാണ്,നിന്റെ കൂടെയുള്ളപ്പോള്‍ അത് വിവരിക്കാന്‍ കഴിയുന്നതിലുമധികം മാന്ത്രികമായാണ് കടന്നുപോകുന്നത്. നമുക്ക് ഒന്നാം വാര്‍ഷികാശംസ.നിനക്ക് സങ്കല്‍പിക്കാന്‍ കഴിയുന്നതിലും അപ്പുറം ഞാന്‍ നിന്നെ സ്‌നേഹിക്കുന്നു'-വിക്കി ഇന്‍സ്റ്റഗ്രാമില്‍ പ്രണയപൂര്‍വ്വം കുറിച്ചു.
വിവാഹഫോട്ടോയും കത്രീനയുടെ ഒറ്റയ്ക്കുള്ള ഫോട്ടോയും സ്‌നേഹത്തോടെ ഇരുവരും ചേര്‍ന്നുകിടക്കുന്നൊരു ഫോട്ടോയും അദ്ദേഹം പങ്കുവെച്ചിരുന്നു. രണ്ടുപേരുടെയും ആശംസകള്‍ അറിയിച്ചുള്ള ഫോട്ടോയ്ക്ക് താഴെ നിരവധി ആരാധകരാണ് കമന്റുമായെത്തിയത്.ഇരുവരുടെയും വിവാഹവാര്‍ഷികത്തിന് ആശംസകള്‍ വര്‍ഷിക്കുകയാണ് ബോളിവുഡ് താരങ്ങളും ആരാധകരുമെല്ലാം.
Content Highlights: Katrina Kaif ,Vicky Kaushal, Wedding Anniversary,
Also Watch
RELATED STORIES
.jpg?$p=9c2ba89&f=1x1&w=100&q=0.8)
IN CASE YOU MISSED IT
Premium
.jpg?$p=0040ee1&f=1x1&w=100&q=0.8)
.jpg?$p=9c2ba89&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
.jpg?$p=a80322e&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..