.jpg?$p=1990e2a&f=16x10&w=856&q=0.8)
ആനന്ദ് അംബാനിയും രാധിക മെർച്ചന്റും | Photo: PTI/ Instagram
ഇളയ മകന്‍ ആനന്ദ് അംബാനിയുടെ വിവാഹത്തിനൊരുങ്ങി അംബാനി കുടുംബം. വിവാഹത്തിന് മുന്നോടിയായുള്ള മെഹന്തി ചടങ്ങില്‍ വധു രാധിക മെര്‍ച്ചന്റിന്റെ ചിത്രങ്ങള്‍ സോഷ്യല്‍ മീഡിയയില്‍ വൈറലാണ്. സെലിബ്രിറ്റി ഡിസൈനര്‍മാരായ അബൂ ജാനിയും സന്ദീപ് ഖോസ്ലയും ഒരുക്കിയ പിങ്ക് ലെഹങ്കയില്‍ അതിസുന്ദരിയായിട്ടാണ് രാധിക പ്രത്യക്ഷപ്പെട്ടത്.
ക്രോപ്പ്ഡ് ഹൈംലൈനും വ്യത്യസ്ത നിറങ്ങള്‍ കൂടിച്ചേര്‍ന്ന എംബെല്ലിഷ്‌മെന്റുകളും ലെഹങ്കയെ കൂടുതല്‍ ആകര്‍ഷകമാക്കുന്നു. ലെഹങ്കയുടെ അതേ ഡിസൈനുള്ള ഹാഫ് സ്ലീവ് ബ്ലൗസും പിങ്ക് ദുപ്പട്ടയുമാണ് ഇതിനൊപ്പം പെയര്‍ ചെയ്തത്. ഫ്‌ളോറല്‍ ഡിസൈനും മിററുകളും ലെഹങ്കയില്‍ ഉള്‍പ്പെടുത്തി.
മരതക കല്ലുകള്‍ പതിച്ച ഹെവി ആഭരണങ്ങളാണ് ഇതിനൊപ്പം ധരിച്ചത്. നെക്‌ലേസ്, മാംഗ് ടിക്ക, ചോക്കര്‍, ജുംക, മോതിരങ്ങള്‍ എന്നിവയെല്ലാം അണിഞ്ഞു. മെഹന്തിക്ക് ശേഷം ബോളിവുഡ് ചിത്രം കലങ്കിലെ ഗാനത്തിനൊപ്പം രാധിക ചുവടുവെയ്ക്കുന്ന വീഡിയോയും പുറത്തുവന്നിട്ടുണ്ട്.
രാജസ്ഥാനിലെ നാഥ് ദ്വാരയിലുള്ള ശ്രാനാഥ്ജി ക്ഷേത്രത്തില്‍ കഴിഞ്ഞ ഡിംസബറിലാണ് ആനന്ദിന്റേയും രാധികയുടേയും വിവാഹനിശ്ചയം നടന്നത്. കുടുംബാംഗങ്ങളും സുഹൃത്തുക്കളും ചടങ്ങില്‍ പങ്കെടുത്തു. പരമ്പരാഗതമായ രാജ്-ഭോഗ് -ശൃംഗാര്‍ ആഘോഷങ്ങളോടെയായിരുന്നു വിവാഹനിശ്ചയം.
രാജസ്ഥാനില്‍നിന്നുള്ള വ്യവസായിയും എന്‍കോര്‍ ഹെല്‍ത്ത്‌കെയര്‍ ഗ്രൂപ്പ് ഉടമയുമായ വീരേന്‍ മര്‍ച്ചന്റിന്റെയും ഷൈല മര്‍ച്ചന്റിന്റെയും മകളാണ് രാധിക. ന്യൂയോര്‍ക്ക് സര്‍വകലാശാലയില്‍നിന്ന് ബിരുദമെടുത്ത രാധിക മര്‍ച്ചന്റ് എന്‍കോര്‍ ഹെല്‍ത്ത്‌കെയര്‍ ലിമിറ്റഡില്‍ ഡയറക്ടറാണ്.
Content Highlights: anant ambanis bride to be radhika merchant decks up in pretty lehenga
RELATED STORIES
.jpg?$p=8a7b7b1&f=1x1&w=100&q=0.8)
.jpg?$p=2922c1a&f=1x1&w=100&q=0.8)
IN CASE YOU MISSED IT
.jpg?$p=2dd1c87&f=1x1&w=100&q=0.8)
.jpg?$p=2922c1a&f=1x1&w=100&q=0.8)
.jpg?$p=361d66f&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..