വാലന്റീനോ ഷൂസ് ധരിച്ചെത്തിയ മോഡൽ റൺവേയിൽ വീണപ്പോൾ | Photo : Screengrab from Twitter Video
പാരീസ് : ഫാഷൻവീക്കിൽ പങ്കെടുക്കാനെത്തിയ അമേരിക്കൻ സൂപ്പർമോഡൽ ക്രിസ്റ്റൺ മക്‌മെനാമി റൺവേയിൽ കാൽവഴുതിവീഴുന്ന വീഡിയോ സോഷ്യൽമീഡിയയിൽ വൈറലാവുകയാണ്. പാരീസിൽ നടന്ന വാലന്റീനോ സ്പ്രിങ് 2023 ഷോയിലാണ് താരം വഴുതിവീണത്. കൂർത്ത മുനയുള്ള ഹൈഹീൽസ് വാലന്റീനോ ഷൂ ഉപയോഗിച്ചതാണ് വീഴ്ചയ്ക്ക് കാരണമായത്. നടത്തത്തിനിടയിൽ ഹീൽസ് ചതിച്ചത് ക്രിസ്റ്റണെ ചൊടിപ്പിച്ചുവെന്ന് വീഡിയോയിൽ വ്യക്തമായി കാണാം. ഉടൻതന്നെ ക്രിസ്റ്റൺ ചെരുപ്പൂരി കയ്യിൽപിടിച്ച് നടത്തം തുടരുകയായിരുന്നു.
കഴിഞ്ഞ വർഷത്തെ സ്പ്രിങ്, സമ്മർ ഷോകളിലും വാലന്റീനോ ഷൂകൾ ധരിച്ച് മോഡലുകൾ വഴുതിവീണത് വാർത്തകളിൽ ഇടം പിടിച്ചിരുന്നു. ഇത് പതിവ് കാഴ്ചയായി തുടരുകയാണ്. ഏതായാലും വീഴ്ചയ്ക്ക് ശേഷം മോഡലിന് തന്റെ നടത്തം പൂർത്തിയാക്കാനായില്ല. ഷൂ ഊരിയതിനുശേഷവും കാൽ വഴുതിപ്പോവുന്നുണ്ടായിരുന്നു. തന്റെ അളവിനു പാകമാകാത്ത ഷൂ ആരോ നിർബന്ധിച്ച് ധരിപ്പിച്ചതുപോലെയുണ്ടൊണ് ആരാധകർ വീഡിയോക്ക് കീഴിൽ പ്രതികരിച്ചത്.
ഇതിനോടകം 60 ലക്ഷത്തിലധികം കാഴ്ചക്കാരെയാണ് വീഡിയോക്ക് ട്വിറ്ററിൽ ലഭിച്ചത്. മനോഹരമായ നെറ്റിനാൽ തുന്നിയവെളുത്ത ഓഫ്-ഷോൾഡർ ഡ്രസ്സും ഭംഗിയുള്ള പിങ്ക് ഗ്ലൗസും ധരിച്ചായിരുന്നു ക്രിസ്റ്റൺ ഷോയ്ക്ക് എത്തിയത്. എന്നാൽ ഇടുങ്ങിയ ഷൂ ധരിച്ചത് അവരെ അസ്വസ്ഥയാക്കിയിരുന്നു. വാലന്റീനോ ഷോകളിൽ എന്തുകൊണ്ട് മോഡലുകളുടെ കൃത്യഅളവിനുള്ള ഷൂകൾ നൽകാതെ ചെറിയവ തിരഞ്ഞെടുക്കുന്നു എന്ന ചോദ്യവുമായി ധാരാളം സോഷ്യൽമീഡിയ ഉപഭോക്താക്കൾ രംഗത്തുവന്നിരിക്കയാണ്.
വാലന്റീനോ മാത്രമല്ല ബാലെൻസിയാഗ, ysl തുടങ്ങിയ കമ്പനികളുടെ ലക്ഷ്വറി ഷൂകൾ ധരിക്കുന്നത് കാലുകൾക്ക് ഒട്ടും സുഖപ്രദമല്ലെന്നും തനിക്ക് അനുഭവമുണ്ടെന്നും മറ്റൊരു ഉപഭോക്താവ് അഭിപ്രായപ്പെട്ടു.
Content Highlights: american supermodel kristen mcmenamy wearing valentino heels slipping in the runway video viral
Also Watch
RELATED STORIES
.jpg?$p=430c1f1&f=1x1&w=100&q=0.8)
.jpg?$p=2d834bf&f=1x1&w=100&q=0.8)
.jpg?$p=298ab5c&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
IN CASE YOU MISSED IT
.png?$p=c0551d8&f=1x1&w=100&q=0.8)
.jpg?$p=aa62323&f=1x1&w=100&q=0.8)
.jpg?$p=a80322e&q=0.8&f=16x11&w=104)
.jpg?$p=1990e2a&q=0.8&f=16x11&w=104)
.jpg?$p=49bbb26&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..