അലെക്സും എല്ലിഡിയും | Photo: Instagram
ഒരു കുഞ്ഞെന്നാൽ അച്ഛന്റെയും അമ്മയുടെയും നാളുകൾ നീണ്ട സ്വപ്നത്തിന്റെയും ആഗ്രഹത്തിന്റെയും പൂർത്തീകരണമാണ്. ആ ആഗ്രഹം പൂർത്തിയാകുമ്പോൾ അതിനുകാരണക്കാരായവർ അടുത്തില്ലാത്തത് വളരെയധികം വേദനാജനകമാണ്. അത്തരമൊരു വാർത്ത പങ്കുവെച്ചിരിക്കുകയാണ് ഒളിംപ്യനും രണ്ടു തവണ ലോകചാംപ്യനുമായ അലെക്സ് പുള്ളിന്റെ ഭാര്യ എല്ലിഡി പുള്ളിൻ.
അലെക്‌സിന്റെ മരണം നടന്ന് 15 മാസങ്ങള്‍ക്കുശേഷം സന്തോഷവാര്‍ത്ത പങ്കുവെച്ചിരിക്കുകയാണ് അദ്ദേഹത്തിന്റെ ഭാര്യ എല്ലിഡി. താന്‍ അലെക്‌സിന്റെ കുഞ്ഞിന് ജന്മം നല്‍കിയെന്ന് ഇന്‍സ്റ്റഗ്രാം പോസ്റ്റിലൂടെ അവര്‍ അറിയിച്ചു. ഒക്ടോബര്‍ 25-ന് ജനിച്ച മകള്‍ക്ക് മിന്നി അലെക്സ് പുള്ളിന്‍ എന്നാണ് പേരു നല്‍കിയിരിക്കുന്നത്.
സ്‌നോബോര്‍ഡറില്‍ രണ്ടുതവണ ലോകചാംപ്യനായിരുന്നു അലെക്സ് പുള്ളിന്‍. 32-ാമത്തെ വയസ്സില്‍ ക്വീന്‍സ് ലാന്‍ഡിലെ ഗോള്‍ഡ് കോസ്റ്റിലുണ്ടായ അപകടത്തെ തുടര്‍ന്ന് 2020 ജൂലായ് 8-നാണ് അദ്ദേഹം മരണമടഞ്ഞത്.
ഐ.വി.എഫിലൂടെയാണ് താന്‍ ഗര്‍ഭിണിയായതെന്ന് എല്ലിഡി പറഞ്ഞു. അലെക്‌സിന്റെ മരണാനന്തരം ബീജങ്ങള്‍ ശേഖരിച്ചശേഷം തന്റെ അണ്ഡവുമായി കൂട്ടിച്ചേര്‍ക്കുകയായിരുന്നുവെന്ന് എല്ലിഡിയെ ഉദ്ധരിച്ച് സി.എന്‍.എന്‍. റിപ്പോര്‍ട്ടു ചെയ്തു.
താന്‍ ഗര്‍ഭിണിയാണെന്ന് ഇക്കഴിഞ്ഞ ജൂണില്‍ എല്ലിഡി പറഞ്ഞിരുന്നു. ഒരു കുഞ്ഞിനുവേണ്ടി താനും അലെക്സും വര്‍ഷങ്ങളായി സ്വപ്‌നം കാണാറുണ്ടായിരുന്നുവെന്ന് എല്ലിഡി പറഞ്ഞു.
Content highlights: alex chumpy pullins widow welcomes baby girl 15 months after olympians death
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
.jpg?$p=a3c1fa2&f=1x1&w=100&q=0.8)
.jpg?$p=246738b&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=1990e2a&f=1x1&w=100&q=0.8)
.jpg?$p=1990e2a&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..