വിവാഹം കഴിപ്പിച്ചു തരുമോയെന്ന് 68-കാരന്‍; ആ സഹായം സര്‍ക്കാര്‍ നല്‍കുന്നില്ലെന്ന് മന്ത്രി റോജ, rk roja, marriage, andhra pradesh

21 May 2022, 06:44 PM IST

കഴിഞ്ഞ ഏപ്രില്‍ 12-നാണ് നടിയും വൈഎസ്ആര്‍ കോണ്‍ഗ്രസിന്റെ പ്രധാനമുഖവുമായ റോജ ആന്ധ്രാ പ്രദേശില്‍ മന്ത്രിയായി ചുമതലയേറ്റത്.

മന്ത്രി റോജ വോട്ടറോട് സംസാരിക്കുന്നു | Photo: twitter/ roja selvamani

അമരാവതി: വിവാഹം കഴിക്കാന്‍ മന്ത്രിയോട് സഹായം തേടി അറുപത്തിയെട്ടുകാരന്‍. ആന്ധ്രാ പ്രദേശ് വിനോദ സഞ്ചാര, സാംസ്‌കാരിക വകുപ്പ് മന്ത്രിയും നടിയുമായ ആര്‍.കെ റോജയോടായിരുന്നു പരാതി പരിഹാര അദാലത്തിനിടെ വൃദ്ധന്റെ അഭ്യര്‍ഥന. ഈ സഹായം സര്‍ക്കാര്‍ നല്‍കുന്നില്ലെന്ന് മന്ത്രി മറുപടി നല്‍കി.

മുഖ്യമന്ത്രി വൈ.എസ്.ജഗന്‍ മോഹന്‍ റെഡ്ഢി പാര്‍ട്ടി എംഎല്‍എമാരോടും മന്ത്രിമാരോടും സ്വന്തം മണ്ഡലത്തില്‍ അദാലത്ത് നടത്താന്‍ നിര്‍ദേശിച്ചിരുന്നു. ഇതിന്റെ ഭാഗമായാണ് റോജ സ്വന്തം മണ്ഡലമായ നഗരിയിലെത്തിയത്.

വീടുകള്‍ കയറിയിറങ്ങി ക്ഷേമം അന്വേഷിക്കുന്നതിനിടെ അറുപത്തിയെട്ടുകാരന്‍ താമസിക്കുന്ന വീട്ടിലുമെത്തി. സുഖവിവരങ്ങള്‍ തിരക്കിയശേഷം പെന്‍ഷന്‍ കിട്ടുന്നില്ലേയെന്ന് മന്ത്രി ചോദിച്ചു. അതു കൃത്യമായി കിട്ടുന്നുണ്ടെന്നും തനിക്ക് മറ്റൊരു കാര്യം പറയാനുണ്ടെന്നും വൃദ്ധന്‍ വ്യക്തമാക്കി. സ്വത്തുക്കളും വീടുമെല്ലാമുണ്ട്. എന്നാല്‍ തന്നെ നോക്കാന്‍ ആരുമില്ല. അതുകൊണ്ട് വിവാഹം കഴിക്കാന്‍ സഹായിക്കണം എന്നായിരുന്നു വൃദ്ധന്റെ അപേക്ഷ.

ഈ സഹായം സര്‍ക്കാര്‍ നല്‍കുന്നില്ലെന്ന് മന്ത്രി മറുപടി നല്‍കി. ഇതിന്റെ വീഡിയോ സോഷ്യല്‍ മീഡിയയില്‍ വൈറലാണ്. കഴിഞ്ഞ ഏപ്രില്‍ 12-നാണ് നടിയും വൈഎസ്ആര്‍ കോണ്‍ഗ്രസിന്റെ പ്രധാനമുഖവുമായ റോജ ആന്ധ്രാ പ്രദേശില്‍ മന്ത്രിയായി ചുമതലയേറ്റത്.