24 January 2022, 04:42 PM IST

1 min read

Read later

Representative Image| Photo: Gettyimages.in

രാജ്യം ദേശീയ ബാലികാദിനമായി ആചരിക്കുന്ന ദിവസമാണിന്ന്. 2008 മുതലാണ് രാജ്യം പെൺകുട്ടികൾക്കായി ഒരു ദിനം ആചരിച്ചുവരുന്നത്. എല്ലാ വർഷവും ഈ ദിവസം വനിതാ ശിശുവികസന വകുപ്പിന്റെ നേതൃത്വത്തിൽ രാജ്യമെമ്പാടും ആഘോഷങ്ങളും സംഘടിപ്പിക്കാറുണ്ട്. സമൂഹത്തിൽ പെൺകുട്ടികൾക്കെതിരെയുള്ള അസമത്വങ്ങളെക്കുറിച്ചും പെൺകുട്ടികളുടെ അവകാശങ്ങളെക്കുറിച്ചും വിദ്യാഭ്യാസം, ആരോഗ്യം, പോഷകം എന്നിവയെ സംബന്ധിച്ചുമൊക്കെ അവബോധം ഉണ്ടാക്കുകയാണ് ഈ ദിനത്തിന്റെ ലക്ഷ്യം. പെൺകുട്ടികളുടെ ശാക്തീകരണത്തെ പ്രോത്സാഹിപ്പിക്കുന്ന ചില ഉദ്ധരണികളിലേക്ക്..

പെൺകുട്ടികൾ വിദ്യാസമ്പന്നരാവുമ്പോൾ അവരുടെ രാജ്യം കൂടുതൽ കരുത്തുറ്റതാവുകയും അഭിവൃദ്ധി പ്രാപിക്കുകയും ചെയ്യും- മിഷേൽ ഒബാമ

നമ്മളിൽ പകുതിയും പിന്നോട്ടു പോവുമ്പോൾ നമുക്കെല്ലാവർക്കും വിജയിക്കാനാവില്ല. ലോകമെമ്പാടുമുള്ള സഹോദരിമാരോട് ധീരരായിരിക്കാൻ ആഹ്വാനം ചെയ്യുന്നു. അവരിലടങ്ങിയ കരുത്തിനെ പുൽകി അവരുടെ കഴിവിനെ തിരിച്ചറിയാൻ- മലാല യൂസഫ്സായ്

നേതാക്കൾക്കു വേണ്ടി കാത്തുനിൽക്കരുത്, അത് തനിയെ ചെയ്യുക, ഓരോ വ്യക്തികളായി- മദർ തെരേസ

സ്വപ്നങ്ങളുള്ള പെൺകുട്ടികൾ ദർശനമുള്ള സ്ത്രീകളാകുമെന്നാണ് പറയാറുള്ളത്. അത്തരം ദർശനങ്ങളെ നടപ്പിലാക്കാൻ നമുക്ക് പരസ്പരം ശാക്തീകരിക്കാം- മേഗൻ മാർക്കിൾ

അവൾ ചെറുതാണെങ്കിലും അവൾ തീക്ഷ്ണമാണ്- വില്യം ഷേക്സ്പിയർ

ലോകത്തിന് കരുത്തരായ സ്ത്രീകളെയാണ് ആവശ്യം. മറ്റുള്ളവരെ ഉയർത്തുകയും കെട്ടിപ്പടുക്കുകയുമൊക്കെ ചെയ്യുന്ന സ്ത്രീകൾ, സ്നേഹിക്കുകയും സ്നേഹിക്കപ്പെടുകയും ചെയ്യുന്ന സ്ത്രീകൾ. ആർദ്രതയോടെ, തീക്ഷ്ണതയോടെ ധീരരായി ജീവിക്കുന്ന സ്ത്രീകൾ. അദമ്യമായ ഇച്ഛാശക്തിയുള്ള സ്ത്രീകൾ.- ആമി ടെന്നി

ഭാവിയിൽ വനിതാ നേതാക്കൾ എന്നൊന്നുണ്ടാവില്ല, നേതാക്കൾ എന്നു മാത്രമേ ഉണ്ടാകൂ- ഷെറിൽ സാൻഡ്ബെർഗ്

സ്വരമുള്ള സ്ത്രീ കരുത്തയായ സ്ത്രീയാണ്- മെലിൻഡ ഗേറ്റ്സ്

ലോകം മുഴുവൻ നിശബ്ദരായിരിക്കുമ്പോൾ ഒരു സ്വരം പോലും ശക്തമാവും- മലാല യൂസഫ്സായ്

Content Highlights: women empowerment quotes, national girl chid day