'കരുത്തയായതു കൊണ്ടു മാത്രമല്ല ഈ വിജയം'; മാനസികാരോ​ഗ്യത്തെക്കുറിച്ച് തുറന്നു പറഞ്ഞ് സാമന്ത


മാനസികസൗഖ്യത്തിന് കൗൺസിലിങ് ഉൾപ്പെടെയുള്ളവ സഹായിക്കുന്നത് എങ്ങനെയെന്നും പറയുകയാണ് സാമന്ത.

സാമന്ത റൂത് പ്രഭു | Photo: instagram.com/samantharuthprabhuoffl

മാനസികാരോ​ഗ്യത്തെക്കുറിച്ചും ഇപ്പോഴും അധികം തുറന്നുപറച്ചിലുകൾ നടത്താൻ മടിയുള്ള സമൂഹമാണ് നമ്മുടേത്. വിഷാദ അവസ്ഥകളെക്കുറിച്ച് തുറന്നു പറയാൻ മടിക്കരുതെന്നും മാനസികസൗഖ്യത്തിന് കൗൺസിലിങ് ഉൾപ്പെടെയുള്ളവ സഹായിക്കുന്നത് എങ്ങനെയെന്നും പറയുകയാണ് തെന്നിന്ത്യൻ താരം സാമന്ത റൂത് പ്രഭു.

ജനുവരി ഒമ്പതിന് നടന്ന ഒരു പൊതുപരിപാടിയിൽ സംസാരിക്കവേയാണ് സാമന്ത ഇക്കാര്യങ്ങൾ പറഞ്ഞത്. അവനവന്റെ നിരാശകളെക്കുറിച്ചും വിഷാദത്തെക്കുറിച്ചും തുറന്നു പറയുന്നത് സാധാരണമാവേണ്ട കാലമായി. കഠിനമായ സമയത്തിലൂടെ കടന്നുപോവുമ്പോൾ സുഹൃത്തുക്കളിൽ നിന്നും കൗൺസിലർമാരിൽ നിന്നും സഹായം അഭ്യർഥിക്കുന്നതിൽ മടിക്കേണ്ട കാര്യമില്ലെന്നും സാമന്ത പറയുന്നു.

മാനസികമായി അസ്വസ്ഥപ്പെട്ടിരിക്കുമ്പോൾ സഹായം തേടുന്നതിൽ മടികാണിക്കേണ്ടതില്ല. സുഹൃത്തുക്കളുടെയും കൗൺസിലർമാരുടെയുമൊക്കെ സഹായം കൊണ്ടാണ് എന്റെ മാനസികാരോ​ഗ്യ പ്രശ്നങ്ങളെ അതിജീവിക്കാൻ കഴിഞ്ഞത്. ശരീരത്തിന് പരിക്കുകൾ പറ്റി ഡോക്ടറെ കാണിക്കുന്നതു പോലെ തന്നെ ഹൃദയം വേദനിക്കുമ്പോഴും ഡോക്ടറെ കാണാൻ കഴിയണം- സാമന്ത പറഞ്ഞു.

ജീവിതത്തിന്റെ അടുത്ത ഘട്ടത്തിൽ താൻ വിജയം വരിച്ചിട്ടുണ്ടെങ്കിൽ അത് താൻ കരുത്തയായതുകൊണ്ടു മാത്രമല്ല ചുറ്റുമുള്ള ആളുകളുടെ പിന്തുണ കൊണ്ടുകൂടിയാണ് എന്നും സാമന്ത പറയുന്നു.

ജീവിതത്തിലെ മോശം അനുഭവങ്ങളെ സ്വീകരിച്ച് അതിനെ മനസ്സിലാക്കി മുന്നോട്ടു പോയാൽ പാതിപ്രശ്നങ്ങൾ ഒഴിവാകുമെന്ന് അടുത്തിടെ സാമന്ത പറഞ്ഞിരുന്നു. ഇനിയും ജീവിതമുണ്ടെന്ന തിരിച്ചറിവോടെ കഴിഞ്ഞതിനെ ഉൾക്കൊണ്ട് നീങ്ങുകയാണ് വേണ്ടതെന്നും സാമന്ത പറഞ്ഞിരുന്നു.

നാ​ഗ ചൈതന്യയുമായുള്ള വിവാഹമോചനം തന്നെ തകർത്തു കളയുമോ എന്ന് ഭയന്നിരുന്നുവെന്നും സാമന്ത ഒരു അഭിമുഖത്തിൽ പറയുകയുണ്ടായി. താനെത്ര കരുത്തയാണെന്ന് തിരിച്ചറിഞ്ഞ് അത്ഭുതപ്പെട്ടു. സ്വയം ദുർബലയായ വ്യക്തിയാണ് എന്നാണ് കരുതിയിരുന്നത്. ഈ വിവാഹമോചനത്തോടെ തകരുകയോ മരിച്ചുപോവുകയോ ചെയ്യുമെന്ന് കരുതി. ഇന്ന് താനെത്ര കരുത്തയാണ് എന്നോർത്ത് അഭിമാനിക്കുകയാണ്- സാമന്ത പറഞ്ഞു.

മെഡിറ്റേഷനാണ് തന്നെ കരകയറ്റിയതെന്നും സാമന്ത നേരത്തേ പറഞ്ഞിരുന്നു. തന്നിലെ ചില കാര്യങ്ങൾ എന്നെന്നേക്കുമായി മാറി. ദൈവമാണ് മുന്നോട്ടു പോകാനുള്ള കരുത്ത് പകർന്നത്. ലോക്ക്ഡൗൺ കാലത്ത് മെഡിറ്റേഷൻ വീണ്ടും ആരംഭിച്ചുവെന്നും സാമന്ത പറഞ്ഞു.

Content Highlights: samantha ruth prabhu on mental health, samantha ruth prabhu divorce, naga chaitanya


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023


nirmala sitharaman

1 min

പ്രത്യേക പരിഗണനയില്ല; അദാനിക്ക് കേരളത്തിലടക്കം പദ്ധതികള്‍ നല്‍കിയത് BJP ഇതര സര്‍ക്കാര്‍-ധനമന്ത്രി

Feb 6, 2023

Most Commented