മകള്‍ക്കൊപ്പം കളിക്കാന്‍ ഇഷ്ടമല്ല, എങ്കിലും അതൊരു കുറ്റമല്ലെന്ന് മനസ്സു തുറന്ന് അമ്മ


അമ്മ, അച്ഛന്‍ എന്നീ നിലകളില്‍ എല്ലാക്കാര്യങ്ങളും പൂര്‍ണമനസ്സോടെ ചെയ്യാന്‍ കഴിയാത്തത് ഒരു കുറ്റമല്ലെന്നും അതോര്‍ത്ത് മനസ്സ് വിഷമിപ്പിക്കേണ്ടെന്നും അതൊരു സാധാരണ കാര്യമാണെന്നുമാണ് ലിന്‍ പറയുന്നത്

Photo: Lynn Marie|tiktok.com

ചെറിയ കുഞ്ഞുങ്ങളുടെ ആദ്യത്തെ കളിക്കൂട്ടുകാര്‍ പലപ്പോഴും അവരുടെ അമ്മമാര്‍ തന്നെയാവും. പക്ഷേ എപ്പോഴും അവര്‍ക്കൊപ്പം കളിക്കാനും അവരാവശ്യപ്പെടുന്ന കളികളില്‍ പങ്കാളികളാവാനും അമ്മമാര്‍ക്ക് എപ്പോഴും താല്‍പര്യമുണ്ടായെന്ന് വരില്ല, അമ്മയല്ലേ.. നിനക്കു ചെയ്താലെന്താ എന്ന് ചുറ്റുമുള്ളവരുടെ കുറ്റപ്പെടുത്തലുകള്‍ പേടിച്ച് മനസ്സില്ലാ മനസ്സോടെ 'മീ ടൈം' കുഞ്ഞുങ്ങള്‍ക്ക് വേണ്ടി മാറ്റിവയ്‌ക്കേണ്ടി വരുന്ന അമ്മമാരുണ്ട്. അത്തരമൊരു അനുഭവം തുറന്നു പറയുകയാണ് ഇന്ത്യാനയില്‍ നിന്നുള്ള ലിന്‍ മേരി എന്ന യുവതി ടിക്ക് ടോക്കിലൂടെ.

' കഴിഞ്ഞ രാത്രി മകള്‍ എന്നോട് അവള്‍ക്കൊപ്പം കളിക്കാന്‍ കൂടാമോ എന്ന് ചോദിച്ചു. എന്നാല്‍ എനിക്ക് അത് ഇഷ്ടമായിരുന്നില്ല. അവളെ കൂട്ടി പുറത്തെവിടെയെങ്കിലും പോകണമെന്നായിരുന്നു ഞാന്‍ ആഗ്രഹിച്ചത്. അല്ലാതെ ബാര്‍ബി പാവകള്‍ക്കൊപ്പം കളിക്കാന്‍ എനിക്കൊരു താല്‍പര്യവുമില്ലായിരുന്നു. അങ്ങനെ തോന്നിയതില്‍ എനിക്ക് മനസ്സില്‍ കുറ്റബോധം തോന്നിയിരുന്നു.' ലിന്‍ തന്റെ മനസ്സ് തുറന്നത് ഇങ്ങനെ. ഒടുവില്‍ ലിന്‍ പകുതി മനസ്സോടെ മകള്‍ക്കൊപ്പം കളിക്കാന്‍ കൂടിയെന്നും പറയുന്നുണ്ട്. എന്നാല്‍ രാവിലെ ഉണര്‍ന്നപ്പോള്‍ മകള്‍ അതേ അവശ്യമുന്നയിച്ച് വീണ്ടും ലിന്നിനടുത്തെത്തി. നോ പറയുന്നതിന് മമ്പേ തന്നെ രാത്രിയില്‍ അമ്മ ഒപ്പം കളിക്കാന്‍ വന്നത് വളരെ ഇഷ്ടമായി എന്ന മകളുടെ മറുപടിയാണ് ലിന്നിന് ലഭിച്ചത്. അതു തന്റെ ഹൃദയം തകര്‍ത്തെന്നും ലിന്‍.

അമ്മ, അച്ഛന്‍ എന്നീ നിലകളില്‍ എല്ലാക്കാര്യങ്ങളും പൂര്‍ണമനസ്സോടെ ചെയ്യാന്‍ കഴിയാത്തത് ഒരു കുറ്റമല്ലെന്നും അതോര്‍ത്ത് മനസ്സ് വിഷമിപ്പിക്കേണ്ടെന്നും അതൊരു സാധാരണ കാര്യമാണെന്നുമാണ് ലിന്‍ പറയുന്നത്.

മനസ്സില്ലാ മനസ്സോടെയാണ് എങ്കിലും വീണ്ടും അവള്‍ കളിക്കാന്‍ വിളിച്ചാല്‍ താന്‍ ഒപ്പം കൂടുമെന്നും ലിന്‍ വീഡിയോയില്‍ തുറന്നു പറയുന്നുണ്ട്. ഇന്ന് നിങ്ങളുടെ കുട്ടി അവര്‍ക്കൊപ്പം കളിക്കാന്‍ വിളിച്ചാല്‍ അഞ്ച് മിനിറ്റെങ്കിലും ശ്രമിച്ചു നോക്കൂ എന്നൊരു ഉപദേശവും ലിന്‍ നല്‍കുന്നു.

Content Highlights: Mom’s Honest Confession That She Hates Playing With Her Daughter’s Barbie Dolls

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
modi

5 min

ലോകത്തെ മുഴുവൻ ഊട്ടുമെന്ന് പ്രഖ്യാപനം,തിരുത്തല്‍; ഗോതമ്പിൽ മോദി ട്രാക്ക് മാറ്റിയതെന്തിന്?

May 20, 2022


Sajjanar

5 min

നായകനില്‍നിന്ന് വില്ലനിലേക്ക്‌; പോലീസ് വാദങ്ങള്‍ ഒന്നൊന്നായി പൊളിഞ്ഞു, വ്യാജ ഏറ്റുമുട്ടല്‍ എന്തിന്?

May 21, 2022


Sabu m Jacob

4 min

കെ.എസ്.ആര്‍.ടി.സി-യെ ഇനി കോഴിക്കൂട് ഉണ്ടാക്കാനും ഉപയോഗിക്കും;  ഇത് ലോകം മാതൃകയാക്കണം-സാബു എം ജേക്കബ്

May 20, 2022

More from this section




Most Commented