.jpg?$p=aa62323&f=16x10&w=852&q=0.8)
.
ക്രിസ്മസിന് ദിവസങ്ങള്‍ മാത്രമാണ് ബാക്കിയുള്ളത്. എല്ലാവരും തിരുപ്പിറവി ആഘോഷങ്ങളുടെ തിരക്കിലാണ്. ക്രിസ്മസ് അടുക്കുമ്പോള്‍ ഏറ്റവും മനോഹരമായി ക്രിസ്മസ് ആഘോഷിക്കാനും അതെല്ലാം സാമൂഹിക മാധ്യമങ്ങളിലൂടെ പങ്കുവെക്കാനും ആളുകളുടെ ബഹളമാണ്.
ഇപ്പോഴിതാ തീര്‍ത്തും രസകരമായ രീതിയിലുളള ക്രിസ്മസ് അലങ്കാരങ്ങളാണ് ലോകശ്രദ്ധ പിടിച്ചുപറ്റിയിരിക്കുന്നത്. താടിയില്‍ പലതരം സ്റ്റൈലുകള്‍ പരീക്ഷിക്കുന്നത് നമ്മള്‍ കണ്ടിട്ടുണ്ട് .എന്നാല്‍ സ്വന്തം താടി ക്രിസ്മസ് ട്രീയായി അലങ്കരിക്കുന്ന ഒരാളാണ് സാമൂഹിക മാധ്യമങ്ങളില്‍ ശ്രദ്ധ പിടിച്ചുപറ്റിയിരിക്കുന്നത്.
യു.എസ്.സ്വദേശിയായ ജോയല്‍ സ്ട്രാസര്‍ എന്ന വ്യക്തിയാണ് തന്റെ താടിയില്‍ ക്രിസ്മസ് ബോളുകള്‍ കൊണ്ട് അലങ്കാരം തീര്‍ത്തത്. 710 ക്രിസ്മസ് ബോളുകളാണ് ഇതിനായി അയാള്‍ ഉപയോഗിച്ചത്. താടിയില്‍ ഏറ്റവും അധികം ആഭരണങ്ങള്‍ ധരിച്ചതിനാണ് അയാള്‍ക്ക് ഗിന്നസ് വേള്‍ഡ് റെക്കോര്‍ഡ് ലഭിച്ചത്.
താടി അലങ്കരിക്കുന്ന ജോയലിന്റെ വീഡിയോ ഗിന്നസ് വേള്‍ഡ് റെക്കോര്‍ഡ്‌സിന്റെ ഔദ്യോഗിക ഇന്‍സ്റ്റഗ്രാം പേജിലൂടെ ആണ് പ്രചരിക്കുന്നത്. രണ്ടര മണിക്കൂര്‍ കൊണ്ടാണ് ഇയാള്‍ തന്റെ താടി അലങ്കരിക്കുന്നത്. ഒടുവില്‍ താടി ക്രിസ്മസ് ട്രീ പോലെയാണ് തോന്നിക്കുന്നത്.
താടി മാത്രമല്ല മുടിയിലെ അലങ്കാരത്തിനും ഇതുപോലെ ലോകറെക്കോര്‍ഡ് നേടിയ വ്യക്തിയുണ്ട്. ക്രിസ്മസ് തീമില്‍ ഹെയര്‍ സ്റ്റൈല്‍ ചെയ്ത ഹെയര്‍ സ്റ്റൈലിസ്റ്റിനാണ് ഏറ്റവും ഉയര്‍ന്ന ഹെയര്‍സ്റ്റൈലിനുള്ള ഗിന്നസ് വേള്‍ഡ് റെക്കോര്‍ഡ് നേടാനായത്. സിറിയന്‍ ഹെയര്‍ സ്റ്റൈലിസ്റ്റ് ഡാനി ഹിസ്വാനിയാണ് ഈ നേട്ടം സ്വന്തമാക്കിയത്.
സെപ്റ്റംബര്‍ 16 -നാണ് ഏറ്റവും ഉയര്‍ന്ന ഹെയര്‍സ്റ്റൈലിനുള്ള ഗിന്നസ് വേള്‍ഡ് റെക്കോര്‍ഡ് ഡാനി സ്വന്തമാക്കിയത്. ദുബായില്‍ ഹിസ്വാനി ഈ ഹെയര്‍സ്റ്റൈല്‍ ചെയ്യുന്ന വീഡിയോ ഗിന്നസ് വേള്‍ഡ് റെക്കോര്‍ഡ്‌സിന്റെ ഔദ്യോഗിക ഇന്‍സ്റ്റഗ്രാം പേജില്‍ പങ്കുവെച്ചിരുന്നു.
ഇന്‍സ്റ്റാഗ്രാമില്‍ പങ്കിട്ട വീഡിയോയില്‍ 2.90 മീറ്റര്‍ ഉയരമുള്ള ഒരു ക്രിസ്മസ് ട്രീയുടെ ആകൃതിയില്‍ ഒരു സ്ത്രീയുടെ മുടി ഹിസ്വാനി സ്റ്റൈല്‍ ചെയ്യുന്നത് കാണാം. വിഗ്ഗുകളും വിവിധ ക്രിസ്മസ് അലങ്കാരങ്ങളും പന്തുകളും ഇതിനായി ഉപയോഗിച്ചു.
Content Highlights: Guinness World Records, Hanging 710 Christmas Baubles From His Beard,Highest Hairstyle
Also Watch
RELATED STORIES
.jpg?$p=298ab5c&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=2ec6bb5&f=1x1&w=100&q=0.8)
.jpg?$p=1990e2a&f=1x1&w=100&q=0.8)
IN CASE YOU MISSED IT
.jpg?$p=cf32acb&f=1x1&w=100&q=0.8)
.jpg?$p=298ab5c&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..