യോ​ഗാ ടീച്ചർ ഇൻസ്റ്റ​ഗ്രാമിൽ ഫോളോ ചെയ്യുന്നു, ബിരിയാണിയും ഹൽവയും ഒഴിവാക്കാതെ വഴിയില്ലെന്ന് കരീന


യോ​ഗാ പരിശീലനത്തിലേക്ക് തിരിയാതെ വഴിയില്ലെന്നും യോ​ഗാധ്യാപക ഇൻസ്റ്റ​ഗ്രാമിൽ പിന്തുടരുന്നുണ്ടെന്നും പറഞ്ഞ് കരീന പങ്കുവെച്ച പോസ്റ്റാണ് ശ്രദ്ധിക്കപ്പെടുന്നത്. 

കരീന കപൂർ | Photos: instagram.com/kareenakapoorkhan/

പ്രിയപ്പെട്ട ഭക്ഷണത്തിന് മുന്നിൽ വിട്ടുവീഴ്ച ചെയ്യാത്ത താരമാണ് ബോളിവുഡ് നടി കരീന കപൂർ. സം​ഗതി ഇങ്ങനെയാണെങ്കിലും ഫിറ്റ്നസിലും താരത്തിന് കണിശതയുണ്ട്. ഇഷ്ടമുള്ള ഭക്ഷണം കഴിച്ച് ഇഷ്ടംപോലെ വർക്കൗട്ട് ചെയ്യുന്നതാണ് കരീനയുടെ പോളിസി. ഇപ്പോഴിതാ യോ​ഗാ പരിശീലനത്തിലേക്ക് തിരിയാതെ വഴിയില്ലെന്നും യോ​ഗാധ്യാപക ഇൻസ്റ്റ​ഗ്രാമിൽ പിന്തുടരുന്നുണ്ടെന്നും പറഞ്ഞ് കരീന പങ്കുവെച്ച പോസ്റ്റാണ് ശ്രദ്ധിക്കപ്പെടുന്നത്.

കഴിഞ്ഞ ദിവസമാണ് കരീന ബിരിയാണി കഴിക്കുന്നതിന്റെ വീഡിയോ പങ്കുവെച്ചിരുന്നത്. ബിരിയാണി കഴിക്കുന്ന കരീനയും സുഹൃത്തുക്കളുമാണ് വീഡിയോയിലുണ്ടായിരുന്നത്. നാളത്തേക്കുള്ള ‍ഡെസേർട്ട് ഇപ്പോഴേ പ്ലാൻ ചെയ്തുവെന്നും ബിരിയാണി വീഡിയോക്കൊപ്പം കരീന കുറിച്ചിരുന്നു.

തൊട്ടടുത്ത ദിവസം തന്നെ ഹൽവ കഴിക്കുന്നതിന്റെയും വീഡിയോ കരീന പോസ്റ്റ് ചെയ്തിരുന്നു. എന്നാൽ ഭക്ഷണം ആസ്വദിച്ചതൊക്കെ മതിയെന്നും തിരികെ യോ​ഗാ പരിശീലനത്തിലേക്ക് പോകാനുള്ള സമയമായെന്നും പങ്കുവെച്ചിരിക്കുകയാണ് കരീന ഇപ്പോൾ. യോ​ഗ പരിശീലക നിങ്ങളെ ഇൻസ്റ്റ​ഗ്രാമിൽ പിന്തുടരുമ്പോൾ ബിരിയാണിയോടും ഹൽവയോടുമൊക്കെ ബൈ പറയാൻ സമയമായി എന്നു പറഞ്ഞാണ് കരീന പോസ്റ്റ് ചെയ്തത്.

വിവിധ യോ​ഗ പോസുകൾ ചെയ്യുന്ന കരീനയാണ് വീഡിയോയിലുള്ളത്. പിന്നാലെ ഹെൽത്തി സാലഡ് കഴിക്കുന്നതിന്റെ ഫോട്ടോയും കരീന സ്റ്റോറിയായി പോസ്റ്റ് ചെയ്തിട്ടുണ്ട്. ഞാൻ ബിരിയാണിയും ഹൽവയും മാത്രമല്ല കഴിക്കുന്നത്, കണ്ടോളൂ എന്നു പറഞ്ഞാണ് സാലഡ‍ിന്റെ ചിത്രം പങ്കുവെച്ചത്. പയറും വെള്ളരിക്കയും ഉള്ളിയും തക്കാളിയുമൊക്കെ ഇട്ട സാലഡിന്റെ ചിത്രമാണ് പോസ്റ്റ് ചെയ്തത്.

നേരത്തേയും ഇഷ്ടമുള്ള ഭക്ഷണം കഴിക്കുന്നതിനെക്കുറിച്ച് കരീന പോസ്റ്റ് ചെയ്തിട്ടുണ്ട്. ഓസ്ട്രിയൻ പേസ്ട്രിയായ ക്രോയ്സാൻ കഴിക്കുന്ന ചിത്രം പങ്കുവെച്ച് നിങ്ങളുടെ ഹൃദയം എന്താണോ ആ​ഗ്രഹിക്കുന്നത് അത് ചെയ്യൂ എന്നാണ് കരീന കുറിച്ചത്.

നടി മലൈക അറോറയുടെ അമ്മ തയ്യാറാക്കിയ മീൻകറിയുടെ ചിത്രവും തൂശനിലയിൽ വിളമ്പിയ സദ്യയുടെ ചിത്രവുമൊക്കെ താരം മുമ്പ് പങ്കുവെച്ചിട്ടുണ്ട്. 'My favourite meal,' എന്ന ക്യാപ്ഷനോടെ ഹൃദയത്തിന്റെ ഇമോജിയും ഉൾപ്പെടുത്തിയാണ് വാഴയിലയിൽ വിളമ്പിയ ചോറും സാമ്പാറും അവിയലും ഉൾപ്പെടുന്ന ഉച്ചയൂണിന്റെ ചിത്രം താരം പങ്കുവച്ചത്.

Content Highlights: kareena kapoor yoga, celebrity cuisine, biryani, workout


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


.

1 min

ഇഡ്ഡലിയോട് ഈ കടുംകൈ വേണ്ടെന്ന് വിമര്‍ശനം; പാഴായി പരീക്ഷണം

Feb 5, 2023


marriage

1 min

ചെന്നൈയിലെ ഫ്‌ളാറ്റില്‍ ലളിതമായ ചടങ്ങ്; പ്രിയദര്‍ശന്റേയും ലിസിയുടേയും മകന്‍ സിദ്ധാര്‍ഥ് വിവാഹിതനായി

Feb 3, 2023

Most Commented